ధర్మస్థలమ్

పురాతన ఈజిప్టులో శ్రీకృష్ణుణ్ణి కొలిచేవారా ?-4 (సమాప్తం)

2012-01-30T14:29:00.011+05:30

మూడో సభ్యుడు :

....గారూ ! మీ పాయింట్ నాకర్థమయింది. కానీ నా పాయింటే మీకర్థం కాలేదు. మన సంస్కృతి పూర్తిగా బయటినుంచి వచ్చినదని నేనసలు అనలేదు. నేనలా అంటే నాకూ రోమిలా ధాపర్ లాంటి మార్క్సిస్టులకీ తేడా ఉండదు. నేనన్నది - ఈసంస్కృతి లేదా మతం ఒకప్పుడు అంతర్జాతీయ జీవనవిధానం గనుక ఇది ఒకప్పుడు ఒక అంతర్జాతీయ co-operative effort కావచ్చునంటున్నాను. ఈరోజు అనేక నాగరికతల సమాచారం క్రమక్రమంగా వెలుగులోకి వస్తున్నది. దక్షిణ మఱియు మధ్య అమెరికాలలో బయటపడ్డ వాస్తూ, శిల్పాలూ పోల్చిచూసి మాయా, ఇన్కా నాగరికతలు కొంపదీసి హైందవం కాదు గదా ? అనే సందేహానికి పరిశోధకులు లోనవుతున్నారు. న్యూజీలాండ్ లోని మయొరి తెగవారు పూజించే నూకాల్ అనే దేవత పేరుని బట్టి వీరికీ నూకాలమ్మని పూజించే తెలుగువాళ్ళకీ ప్రాచీనకాలంలో ఏమైనా సంబంధం ఉందా ? అని కూడా అనుమానిస్తున్నారు. అలాగే ఆఫ్రికాలో Blacks మాట్లాడే ఒలంగ్ భాష ప్రాచీన తెలుగే కావచ్చునని కూడా సందేహిస్తున్నారు.

అంటే సంస్కృతులూ, నాగరికతలూ తామిప్పుడు ఎక్కడ ఉన్నాయో పూర్వకాలంలో కూడా అదే చిరునామాలోనివసించేవి అని ఖచ్చితంగా బల్లగుద్ది చెప్పలేం. ఎక్కడో ఇజ్రాయేల్ లో పుట్టిన ఓల్డ్ టెస్టమెంట్ ని జపాన్ లో క్రైస్తవుడు చదువుతాడు. ఒకవేళ భవిష్యత్తులో ఇజ్రాయేల్ లో జనమంతా ఓల్డ్ టెస్టమెంట్ ని మర్చిపోయిన తరువాత కూడా జపాన్ లో దాని పారాయణ కొనసాగుతుంది. ఆ తరువాత "ఓల్డ్ టెస్టమెంట్ కి జన్మస్థానం జపానే" అని జనం అనుకోవడం మొదలు పెడతారు. హిందూమతాన్ని అనుసరించే బాలిద్వీపం (ఇండోనీశియా) లో బ్రహ్మపురాణం తప్ప వేఱే పురాణం తెలీదు. ఇండియాలో బ్రహ్మపురాణం పేరు తెలుసు గానీ దాన్ని చదివేవాళ్ళెవఱూ లేరు. అంతమాత్రాన బ్రహ్మపురాణానికి బాలిద్వీపమే మూలస్థానం అనుకోలేం కదా ?

అందుచేత జనంలాగే సంస్కృతులు కూడా వలసపోతాయి. జనంతో పనిలేకుండా, ఒంటరిగా కూడా వలసపోతాయి. జాతులు సంపూర్ణంగా అంతరించిపోయినాక కూడా వారి సంస్కృతి ఇంకో జాతి ద్వారా కొనసాగించబడుతుంది. సంస్కృతం మాట్లాడిన ఆర్యులు ఈరోజు లేకపోయినా వారి సంస్కృతిని మనం భుజాన వేసుకున్నట్లే. అయితే ఆ ఆర్యులసంస్కృతి కూడా పూర్తిగా వారి స్వామ్యమే కాకపోవచ్చు. వారికి పూర్వం వారి సాంస్కృతిక పితలు వేఱే ఎవఱైనా ఉండి ఉండొచ్చు. అలాగే ఈ జాతి కొనసాగకపోయినా, దీని సంస్కృతిని ఇంకో దేశమేదైనా భుజాన వేసుకుంటుంది.

ఇది ఒకప్పుడు అంతర్జాతీయ జీవనవిధానం గనుకనే ఏ ఇతర దేశాల మతాల్లో గానీ, సంస్కృతిలో గానీ గోచరించని భావసహిష్ణుత, వాదసహిష్ణుత, విశాలదృక్పథం ఈ మతంలో కనిపిస్తున్నాయని నేను నమ్ముతున్నాను. అలా కాక ఇది ఇతర మతాల్లా మొదట్లో ఒక స్థానిక భూఖండానికి పరిమితమైన నమ్మకం అయితే వాటిలాగే ఇది కూడా పరమ సంకుచితంగా, ద్వేషమయంగా ఉండి ఉండేది.

తొమ్మిదో సభ్యుడు :

నా పరిశోధనలో నాకు మొట్టమొదటి అడ్డంకి సంస్కృతము తెలియకపోవడం. ఆంగ్ల అనువాదాల మీదా, తెలుగు/హిందీ అనువాదాల మీద ఆధారపడటం. ఎవరైనా నా ఈ సమస్యను తీరిస్తే/నేర్పిస్తే నేను మఱింత శొధించగలను. పైగా PIE సిధ్ధాంతం ఎలాగో వాదనలో ఉంది. దీని వలన మఱింత అడ్డంకి.

ఐతే నా పరిశోధనలకి నేను ఎంచుకునే అంశాలు కూడా ఉన్నాయి.

1. జెనెటిక్ స్టడీస్

2. ఆర్కియాలాజికల్ స్టడీస్

3. సాంస్కృతిక పరంపర

4. ఋగ్వేదం లోని ముఖ్యమైన అంశాలు

5. సంస్కృతము (భాష ప్రయుక్త పరిశోధన)

6. భౌగోళిక జ్ఞానం

7. పరంపరాగతంగా వస్తున్న కథలు, చరిత్రలు

మీ పాయింటు నాకు అర్థమయింది. కాకపోతే నేను చెప్పబోయే అంశాలు పై వ్యాసం అంతా రాయకపోతే సరిగ్గా చెప్పలేనేమో అని ఇంత విషయం చెప్పాల్సి వచ్చింది నాకు. మీ పాయింటుకే వస్తున్నాను నా తదుపరి వేగులో.

మీరన్నట్టు అంతర్జాతీయ సహకార యత్నమే అయినప్పటికి దాని వలన ఉపయోగం ఏముంది ? నష్టముందో లేదో నాకు తెలీదు కాని హైందవ సిధ్ధాంతాలని పరిరక్షించుకోవాలంటే, దీని ఆనవాళ్ళు ఇతర చోట్ల ఉన్నాయి అన్న వాదనను తోసిపుచ్చాలి. నేనోసారి ఒక పాకిస్తానీయుడితో సంభాషించాను. మన ఆలయాలపై జరిగిన దాడి గురించిచర్చిస్తున్నప్పుడు అతని సమర్థింపు నాకు నచ్చలేదు కాని అతను చెప్పిన విషయం మాత్రం నాకు నచ్చింది ఎందుకంటే అది అతని తరపు వాదన. అందులో నిజాన్ని నిర్దాక్షిణ్యంగా త్యజించాడు. (నేను అతనిలా కాదు లేండి. మీరన్నట్టు తెఱుపుడు మనసుతోనే అంగీకరిస్తున్నాను పరిశోధిస్తున్నాను). కాబట్టి నేను అటువైపుగా (మీ పాయింటు వైపు) అంత దృష్టి సారించలేదు కాని కొంత హింట్ నా దగ్గఱ ఉంది.

నేను భాష ప్రయుక్త పరిశోధన మీద ఎక్కువ మక్కువ చూపించలేదు. ఎందుకంటే దీని వలన ఎన్నో సమాధానాలు దొరకని సవాళ్ళు వెళ్ళడవుతాయి. వాటన్నికి తర్కం లేని అనుకోలు జోడించాల్సి వస్తుంది. ఇక్కడ ఒక విషయం చెప్పుకుందాం. వేదయుక్తమైన సంస్కృతము ఇప్పుడు చూస్తున్న సంస్కృతం యొక్క పూర్వ రూపం. వేద సంస్కృతము రూపాంతరం చెందిన (క్లాసికల్) సంస్కృతానికి సమకాలీనం కావచ్చు. ఈ మాట అనడానికి ఒక కారణం ఉంది.

పాణిని తన నిర్మాణాత్మక సంస్కృత వ్యాకరణ రచనలో వేదసంస్కృతానికి ప్రత్యేకభాగాన్ని ఏర్పఱిచినారు. వేదంలోని మంత్రాల కొఱకు ప్రత్యేకంగా వేదసంస్కృతాన్ని తయారు జేసినారు. ఈ వేదసంస్కృతానికి ప్రత్యేక వ్యాకరణం ఉంది. ఇది క్లాసికల్ సంస్కృతము కాదు. ఇంతకు మించి నేను భాషాప్రయుక్త పరిశోధన చేయదలచుకోలేదు. ఇష్టమూ లేదు. ఎందుకంటే ఇందులో అనుకోళ్ళు (assumptions) ఎక్కువగా ఉంటాయి. అవన్నీ మళ్ళీ దారి దొఱకని ఇతర వాదనలకి దారి తీస్తున్నాయి. భాష మీద పట్టు లేకపోవడం వలన నేను దీనిని ఆధారం చేసుకుని మిగతా విషయాలు చూస్తున్నాను. సంస్కృతము గుఱించే నేను చేయలేదు. ఐతే ఇప్పుడు దీని గుఱించి కూడా నా పట్టికలో పెట్టుకుంటాను. తా.....గారూ, మీకు ధన్యవాదములు.

మూడో సభ్యుడు :

మీరన్నది నిజమే. భాషాపరిశోధన ఎక్కువభాగం అనిరూపిత అనుకోళ్ళ (unsubstantiated assumptions) మీద ఆధారపడి ఉంటుంది. దాని బదులు మీరాశ్రయించిన జన్యుపరమైన, పురావస్తుపరమైన లేదా సాంస్కృతిక ఆధారాల మీద ఊనుకోవడం ఎక్కువ సమంజసం.

చరిత్రపూర్వయుగంలో మానవజాతికంతటికీ కలిపి ఒకే మతం, ఒకే ఆధికారిక భాష ఉండేవని Eric von Daniken కూడా అన్నాడు. ఆ మతం సనాతన ధర్మమేననీ, ఆ భాష సంస్కృతమేననీ మనం మొదట్నుంచీ చెబుతూ వస్తున్నాం. అవి ఈరోజున ఈ భూమితో, ఈ జనజాతితో ఐడెంటిఫై చేయబడుతున్న మాట వాస్తవం.

తొమ్మిదో సభ్యుడు :

.....గారూ ! మీ ప్రశ్న కి జవాబు చెప్పడానికి కొంచెం జంకుతున్నాను. .....గారు అన్నట్టు ప్రతీసారి పురాణాలని శాస్త్రీయంగా విశ్లేషించి మన ఋషులను బోనెక్కించాల్సిన అవసరం లేదు. "ఎవరన్నా అడిగితే ఏం చెప్తాం ?" అని మీరు అన్నందుకు ఆలోచించి ఈ ప్రత్యుత్తరం ఇస్తున్నాను. పెద్దలు ఎవరైనా నా విశ్లేషణని సవరించండి, తప్పులుంటే.

1. నా ఉద్దేశంలో మత్స్య, కూర్మ, వరాహ, వామన అవతారాలు ఎప్పుడూ జరుగుతూనే ఉంటాయి. వామన పురాణం కూడా ఎన్నో వామన అవతారాలను కూడా పేర్కొంది. అందుకే ప్రహ్లాదుడు వామనుడిని దర్శించి పుజించాడని అందులోనే ఉంది.

2. అవతారాల వరుస గుఱించి చెప్పాలంటే, ఇంతకు ముందు గడిచిపోయిన మనువులను కూడా కలుపుకుని భగవంతుడు యే విధంగా సర్వకాల సర్వావస్థలయందూ ఈ భూమి మీద తన కర్తవ్యాన్ని పాలన చేసాడో అని చెప్పడం ఒక కారణం కావచ్చు అందుకే అవి అటు ఇటుగా కనిపిస్తాయి మనకి పురాణాలలో.

3. ఐతే ప్రత్యేకంగా చెప్పబడిన మత్స్య, కూర్మ, వరాహ అవతారాలు మాత్రం cosmic లేదా ప్రకృతి సంబంధిత అవతారాలు కావచ్చు. అవి పెద్ద పెట్టున జఱిగి ఉండచ్చు. ఇప్పుడు నడుస్తున్న శ్వేతవరాహకల్పప్రారంభంలో లేదా గత కల్ప అంత్యప్రళయకాలం నుండి మొదలయి ఉండచ్చు. ఇది నేటి నుంచి కొంచెం పూర్వ దూర కాలపు చరిత్ర గానే పరిగణించాల్సి వస్తుంది. (దీని బట్టి నా వఱకు నా అనుకోలు ఏంటంటే మనం చరిత్రని శ్వేతవరాహకల్పప్రారంభం నుంచి మాత్రమే లెక్కలోకి తీసుకోవాలి అని స్పష్టమవుతుంది.)

4. శ్వేతవరాహకల్పం అంటే బహుశా మహా యుగచక్ర క్రమగమనం వద్ద జఱిగిన వరాహ అవతారమని కదా స్పష్టమవుతోంది. ఇంకొంచెం హేతుబద్ధ శోధన అవసరం ఇక్కడ.

5. మన ప్రభుత్వ భూమినిర్మాణశాస్త్ర అధ్యయనసంస్థ ప్రకారం హిమాలయాల శిఖరాల పైన సముద్ర సంబంధిత శిలా/జీవధాతువుల అవశేషాలు లభించాయి. నాకనిపించింది ఏంటంటే ఒకప్పుడు మన ఉత్తరప్రాంతమంతా సముద్రగర్భంలో మునిగి ఉండేది, హిమాలయాలు ప్రకృతిసహజంగా పైకెత్తబడక ముందు.

హిమాలయాలు నీటిలో మునిగి ఉన్నప్పుడు మత్య్సావతారము. ఇక్కడ నుండి జలప్రాణులు ఉద్భవించినవి కాబోలు (మత్స్య అనేది అర్ధమైంది) . వందల కోట్ల సంవత్సారల క్రితం ఉత్తర హిమాలయాల దగ్గఱ Tectonic upliftment జరిగిందని అంతర్జాతీయ భౌగోళిక పరిశోధన ధ్రువపఱిచింది. ఇది కూర్మావతారం కావచ్చు. అవి సముద్రగర్భం నుండి పైకెత్తబడినప్పుడు వరాహావతారము అంటే ప్రళయం నుండి తిరిగి భూమి ఉద్భవించి కొత్త కల్పానికి నాంది పలకడం. అందుకే శ్వేతవరాహకల్పే అని కదా సంకల్పం చెప్పుకుంటాం. (ఇంతకీ నా విశ్లేషణ ఈ సంకల్పశ్లోకాలతోనే మొదలయి ఈ విధంగా చెప్పగలిగాను).

తెలియాల్సినవి :

1. కూర్మం అని ఎందుకు?

2. వరాహమని ఎందుకు?

మూడో సభ్యుడు :

కొన్ని అవతారాలు ఇలా వచ్చి అలా వెళ్ళిపోయేవి కావు. అవి కల్పాంతం దాకా దేవాలయాలలో అర్చామూర్తుల రూపంలో కొనసాగుతాయి. ఆ రకంగా ప్రహ్లాదుడు వామనుణ్ణి దర్శించే సంభావ్యత ఉంది. ఒక అవతారాన్ని ధరించిన దేవుడు ఆ అవతారం ఇంకా భూమ్మీద ఉండగానే వేఱొక అవతారాన్ని కూడా ఏకకాలంలో ధరించే వెసులుబాటు ఉంది. ఉదాహరణకి - పరశురాముడు - అయోధ్యారాముడు. వేదవ్యాసుడు - శ్రీకృష్ణుడు. అలాగే వరాహమూర్తి - వేంకటేశ్వరుడు.

ఏడో సభ్యుడు :

మన ఋషులను బోనెక్కించడమని కాదు , నా ఉద్దేశ్యమేమంటే, చాలామంది అవతారక్రమాన్ని జీవపరిణామ క్రమంతో పోల్చి చూడటం చేత, "నాకు మత్స్యావతారం (నీటిలో మొదటి జీవం ), కూర్మ (నీరు-భూమి ఉభయచరం ), వరాహ (భూమిపై మొదటి జీవం ), నారసింహ (మనిషి జంతువు ), వామన (పొట్టిమనిషి ), పరశురామ (మనుషుల్లో మృగరూప క్రూరత్వాన్ని ఉన్నవారందఱిని నాశనం చేసినవాడు ), రామ (పరిపూర్ణ మనిషి ), కృష్ణ (మనిషికి సామాజికజీవనంలో ఎలా జీవించాలో మార్గదర్శనం) ఇలా పరిణామక్రియలన్నీ మనవాళ్ళు వివరించారు అని అనిపిస్తోంది.

"అదే సరైన క్రమం" అని చాలామంది నిర్ధారించేసుకుంటున్నారు, దానికి భిన్నంగా ఱేపు ఎవఱైనా కొంత ఆలోచన ఉన్నవాడు, నేను చెప్పిన విషయాన్నే ఉదాహరణగా చూపించి, "ఇదంతా అబద్దం, ఇది బ్రాహ్మణులు చేసిన అతుకుల బొంత" అంటే సమాధానం చెప్పగల ప్రామాణిక పరిశోధన కావాలి అని.

మీరన్న విషయాన్నే తీసుకుందాం,

ఏ కల్పం అయినా వరాహమూర్తి మాత్రమే భూమిని ఉద్ధరిస్తారు,అంటే ప్రతీసారీ ఒక కొత్త వరాహకల్పం మొదలౌతుందా? అన్ని కల్పాలు వరాహ కల్పాలేనా(వామన పురాణం కూడా ఎన్నో వామన అవతారాలను కూడా పేర్కొంది. అందుకే ప్రహ్లాదుడు వామనుడిని దర్శించి పుజించాడని అందులోనే ఉంది. ) ప్రహ్లాదులవారు వామనుడిని దర్శించడంలో తర్కం ఉంది, మానవసంబంధాల ప్రకారం కూడా అది ఒప్పుకోవచ్చు, ప్రహ్లాదుడు, బలికి తాత కాబట్టీ, వామనావతారం బలిని కడతేర్చడానికి వచ్చింది కాబట్టీ.

మఱి ఇదే క్రమంలో ఆలోచిస్తే, మత్స్యం,వరాహ, నారసింహ,కూర్మ, వామన .... ఇలా వస్తుంది వరుస..... అప్పుడు మీరు చెప్పిన వివరణ దీనికి అతకదు.

ఎరిక్ వాన్ డానికెన్ రాసిన Chariots of Gods అనే పుస్తకాన్ని మీరు పరిశీలించినట్లైతే చాలా మతాల్లో ఒకే రకమైన కధలూ , పాత్రలూ కనపడతాయి, ఏ రకమైన సంబంధమూ లేకుండా ఇంతింత దూరాల్లో ఉన్న ప్రదేశాల్లో ఒకే రకమైన గాధలు ప్రచారంలో ఉన్నాయంటే ఆలోచించాల్సిన విషయమే కదా. ఎవఱైనా ధ్యానంలో ఈ విషయాన్ని గమనించగలవారెవఱన్నా ఉంటే ప్రయత్నించి తెలుపగలరు....

తొమ్మిదో సభ్యుడు :

మీరు చెప్పేది డార్విన్ సిధ్ధాంతానికి సరిపోతుంది కాని మన పురాణ చరిత్రకి అతకడం లేదు. మానవులు మంచు యుగానికే ఉన్నారు అంతకు పూర్వం కూడా ఉన్నారు. మంచు యుగం 13 వేల సంవత్సరాల క్రితం అంతరించింది. మళ్ళీ భవిషత్తులో వస్తుంది.

"వామనావతారం పొట్టిమనిషి, పరశురాముడు అడవిజాతి లక్షణాలు, రాముడు పరిపూర్ణమనిషి" అంటే వాళ్ళ సమకాలీనుల్ని ఏ విధంగా విశ్లేషిస్తారు? ఇదొక్కటి కొంచెం చెప్పండి చాలు.

(సమాప్తం)

ఈనీచుడు ఇలా ఇంకోమతం పై వాగుంటే వీడికేగతి పట్టేది ???

2012-01-25T19:55:00.003+05:30

హిందూ ఫాసిజమే భారత్‌కు హాని
- ప్రొఫెసర్ భంగ్యా భూక్యా[andhrajyothy.daily 25.1.012]

'ఆత్మవిమర్శా? అంతర్యుద్ధమా?' (జనవరి 17, ఆంధ్రజ్యోతి) అన్న వ్యాసంలో హిందూ మతంపై వస్తున్న విమర్శలను తిప్పికొట్టే ప్రయత్నంలో భాగంగా హిందూ మత సంస్థలకు, మేధావి వర్గాలకు, ప్రభుత్వానికి రిటైర్డ్ ఐపిఎస్ అధికారి కె.అరవిందరావు (పూర్వ డిజిపి) కొన్ని సలహాలు, సూచనలు చేశారు. అయితే ఈ వ్యాసం మొత్తాన్ని పరిశీలిస్తే అందులో అయన హిందూ ఫాసిస్టు ధోరణి, పోలీసు తత్వం కొట్టొచ్చినట్టు కన్పిస్తుంది.

కంచ ఐలయ్య తన 'హిందూ మతానంతర భారతదేశం' ద్వారా దేశంలో అంతర్యుద్ధాన్ని పురిగొల్పుతున్నారన్నది అరవిందరావు ప్రధాన ఆరోపణ. హిందూయిజం 'చచ్చి పోయింది లేక చచ్చి పోతోందనే' ఐలయ్య వాదనతో నేను పూర్తిగా ఏకీభవించను. కాని హిందూయిజమే ఈ దేశంలో అన్ని సమస్యలకు మూలకారణం అనే వాదనతో ఏకీభవిస్తాను. ఈ విషయాన్నే ఐలయ్య తన పుస్తకంలో చాలా బలంగా చెప్పారు.

అణగారిన కులాలు, జాతులు ఈ దేశానికి మహోన్నతమైన జ్ఞానాన్ని, ఉత్పత్తిని అందిస్తుండగా అగ్రకులాలు మాత్రం మోసం చేయటమే పెట్టుబడిగా చేసుకొని అణగారిన కులాలను దోపిడీ చేస్తూ వారి జ్ఞానాన్ని వారిది కాకుండా చేశాయి. ఆ శ్రమజీవుల సంపదను వారికి దక్కకుండా చేశాయి. ఐలయ్య తన పుస్తకంలో ప్రధానంగా చెప్పిందేమిటంటే - ఈ దేశంలో జ్ఞానం అజ్ఞానంగా, అజ్ఞానం జ్ఞానంగా చలామణి అవుతుంది; దీనిని తిరగరాయటం ద్వారానే అణగారిన కులాల్లో మనో ధైర్యాన్ని నింపగలం. హిందూ మతం పేరుతో ప్రచారమవుతున్న బ్రాహ్మణ వాదాన్ని బొంద పెట్టడం వల్లనే ఇది సాధ్యమవుతుంది.

అనాదిగా ఎన్నో దాడులు ఎదుర్కొన్నా హిందూ ధర్మం/మతం మన దేశంలో ఇంకా బలంగా ఉండడానికి కారణం ఉపనిషత్తుల్లో ప్రతిపాదించిన సమన్వయ దృక్పథమే అని అరవిందరావు చెప్పారు. ఇది ఆయన అవగాహనా రాహిత్యమే. ఈ విషయాన్నే చాలామంది పదే పదే ఉటంకిస్తుంటారు. వాస్తవానికి ఆర్యుల తరువాత ఈ దేశంపై దండెత్తి వచ్చిన (పారశీకుల నుంచి బ్రిటిష్ వారి వరకు) ఏ ఒక్కరూ హిందూ మత సంప్రదాయాల్ని కించపరచడం కాని, ధ్వంసం చేయటం కాని చేయలేదు. ముస్లిం రాకతోనే హిందూ మతం పుట్టింది.

అంతకు ముందు హిందూ అనే పదమే వాడుకలో లేదు. హిందూ ప్రాచీన దేవాలయాలన్నీ ముస్లిం పాలకుల కాలంలోనే నిర్మించబడ్డాయన్న వాస్తవాన్ని గుర్తించాలి. ముస్లిం పాలకులు కూడా వాటిని ప్రోత్సహించారు. ముస్లింలు రాకముందు ఈ దేశంలో టెంపుల్ ఆర్కిటెక్చర్ లేదన్న సంగతి చారిత్రక సత్యం. భద్రాచలం రాముల వారి గుడి ఒక ముస్లిం పాలకుని కాలంలోనే నిర్మించబడ్డ సంగతి మరువరాదు.

హిందూయిజానికి ఏ ఫిలసాఫికల్ పునాదులు లేవు. ఉన్నదల్లా హింసాత్మకమైన ఫాసిస్టు ఫిలాసఫీనే. క్రైస్తవం, ఇస్లాం లేక మరి ఏ మతం తీసుకున్నా మానవత్వమే ప్రధాన భూమికగా చేసుకొని నిర్మించబడ్డాయి. ఇస్లాం పవిత్ర గ్రంథమైన 'ఖురాన్'ను చదివితే ఎటువంటి కరుడుకట్టిన తీవ్రవాది (పోలీసు భాషలో) అయినా మానవతావాదిగా మారగలడు.

ఖురాన్‌లోని ప్రతి పుట కూడా ఒక వ్యక్తి ఏ విధంగా మంచి మనిషిగా జీవింపవచ్చో చెబుతుంది. అలానే బైబిల్ కూడా. మరి హిందూ పురాణాలు, భగవద్గీత ఏం చెబుతున్నాయి? హింస, ఆధిపత్యం, అణచివేత, దోపిడీ గురించే వర్ణనలు ఉంటాయి. ప్రతి హిందూ దేవుడు ఎవరో ఒకర్ని (శూద్రులను) చంపటానికే పుడతాడు.

హిందూయిజంలోని ఈ హింసాత్మక స్ఫూర్తే ఈ దేశానికి ప్రధాన శత్రువు. కంచ ఐలయ్య మాత్రం కాదు. ఈ దేశంలో టెర్రరిజానికి మొదట పునాదులు వేసింది హిందూయిజమే. పోలీస్ డిజిపిగా పనిచేసిన అరవిందరావుకు ఈ విషయం తెలియదని నేను అనుకోను. జాతీయోద్యమకాలంలో వచ్చిన తీవ్రవాదానికి స్ఫూర్తినిచ్చింది భగవద్గీతయే. జాతీయ తీవ్రవాదులుగా ముద్రపడ్డ తిలక్ మొదలుకొని అరవింద ఘోష్ వరకు హిందూ ఫాసిస్టు హింసతోనే స్ఫూర్తి పొందారు. చివరకు జాతిపిత మహాత్మా గాంధీని హతమార్చింది కూడా ఒక హిందూ ఫాసిస్టు అన్న విషయాన్ని మరువకూడదు. ఈ ధోరణులు రోజురోజుకు విస్తరించి, మతాల మధ్య చిచ్చు పెట్టి దేశాన్ని విచ్ఛిన్నం చేస్తున్నాయి.

హిందూ మతం ఉదార తత్వాన్ని చూసి మనమందరం గర్వ పడాలంటారు అరవిందరావు. హిందూ మతంలో ఉదారత ఉంటే ఈ రోజు దేశంలో ఉన్న ముస్లింలు, క్రైస్తవులు ఎందుకు అభద్రతా భావంతో జీవిస్తున్నారు? ఎందుకు వారిపై ప్రతిరోజు ఏదో ఒక మూలన దాడులు జరుగుతున్నాయి? అసలు వారి సంస్కృతిని, చరిత్రను సమానంగా గౌరవిస్తున్నామా? హిందూయేతర మతస్థుల చరిత్ర, సంస్కృతి గురించి మన పాఠశాలల్లో మచ్చుకైనా బోధిస్తున్నామా?

ఈ ప్రశ్నలకు సమాధానం ఒక్కటే. పరమతాన్ని గౌరవించే చరిత్ర హిందూ మతంకు లేదు. బౌద్ధ మత వ్యాప్తిని చూసి తట్టుకోలేక పుష్యమిత్ర శుంగుడనే బ్రాహ్మణ సేనాని చివరి మౌర్య చక్రవర్తిని హతమార్చాడు. చంపింది ఒక్క చక్రవర్తినే కాని ఈ సంఘటన మహత్తరంగా విరాజిల్లుతున్న బౌద్ధ మతాన్ని తుద ముట్టించి బ్రాహ్మణ వాదాన్ని పునర్నిర్మించింది. ఈ పునాది మీదనే గుప్తులకాలంలో బ్రాహ్మణుల స్వర్ణయుగం విలసిల్లింది.

ఇటువంటి సంఘటనలు హిందూ పురాణాల్లో కోకొల్లలుగా ఉన్నాయి. ఈ పురాణాలు కట్టు కథలే అయినప్పటికీ వీటి ప్రభావం భారత సమాజంపై చాలా బలంగా ఉంది. ఈ కథలన్నీ శూద్ర, అతి శూద్ర, ఆటవిక జాతులను, స్త్రీలను అణచి వేయటానికే రాయబడ్డాయి. ఒక ఆటవికుడు విలువిద్యలు నేర్చుకోవద్దని ఏకలవ్యుడి బొటన వేలును నరికి వేయించటం, ఒక శూద్రుడు వేదాలు చదువకూడదనే ఆంక్షతో శంభూకుడిని హతమార్చడం, ఒక శూద్రుడు పాలకుడు కాకూడదని బలిచక్రవర్తిని పాతాళానికి తొక్కేయడం కొన్ని ఉదాహరణలు మాత్రమే.

మరి అణగారిన కులాలు, జాతులు ఏమని గర్వపడాలి? వారి వంశీయులను మట్టుబెట్టిన హిందూ ఫాసిజంను చూసి గర్వపడాలా? అసలు అరవిందరావు బ్రాహ్మణుడుగా హిందూ పురాణాలను చూసి గర్వపడగలరా? గర్వంగా చెప్పుకోదగిన ఒక్క హిందూ దేవుడైనా ఉన్నాడా? శ్రీరాముడు ఏ విధంగా కౌసల్యకు జన్మించాడో వారి పిల్లలకు చెప్పగలరా?

అంతా ఎందుకు వెంకటేశ్వర సుప్రభాతాన్ని తెలుగులోకి తర్జుమా చేసుకొని కుటుంబ సమేతంగా వినగలరా? మన ఊరి భాషలో చెప్పాలంటే రామాయణం ఒక రంకు, భారతం ఒక బొంకు. ఈ కథలు మన పిల్లలకు చెప్పితే మన ఆడపిల్లలు బైట తిరగగలరా? ఈ పురాణాలన్నీ అణచివేత గూర్చి చెప్పుతుంటే వీటిని చూసి ఎలా గర్వపడగలం? హిందూయిజంకు ప్రజాస్వామిక పునాదులు లేకపోవటం వల్లనే విదేశాలకు వ్యాప్తి చెందలేక పోవటమే కాక దేశంలోనే కోట్లాది ప్రజలకు దూరంగా ఉంది.

ఐలయ్య ఎందుకు హిందూ మతాన్నే నిందిస్తున్నారని అరవిందరావు ప్రశ్నించారు. మేధావులు కులానికి, మతానికి, దేశానికి అతీతంగా ఆలోచిస్తారు. అయితే ఒక వరవడి ఏమంటే దోపిడీకి, పీడనకు గురవుతున్న ప్రజల పక్షాన నిలబడుతారు. అలా నిలబడే వారిని 'ఆర్గానిక్ ఇంటలెక్చ్యువల్' అంటారు. ఐలయ్య ఈ కోవకు చెందినవారు. హిందూ ఫాసిజంకు బలవుతున్నది అణగారిన కులాలు, ముస్లిం, క్రైస్తవులే కాబట్టి ఐలయ్య టార్గెట్‌గా హిందూయిజమే ఉంటుంది.

దళిత ఉద్యమాలను, మానవహక్కుల ఉద్యమాలను అరవిందరావు పరోక్ష యుద్ధంతో ముడిపెట్టి చూడడం ఆయన అజ్ఞానానికి నిదర్శనం. అది ఆయన తప్పుకాదు. మన విద్యా విధానం తప్పు. మన విద్యా విధానం మనల్ని మనుషులుగా తీర్చిదిద్దడం లేదు. కేవలం ఆడ్మినిస్ట్రేటర్స్, టెక్నోక్రాట్స్‌గా తయారుచేస్తుంది. మరో వైపు ఈ దేశ మతంగా ప్రచారం పొందుతున్న హిందూయిజం మానవతా విలువలకు దూరంగా ఉంది. ఈ పరిస్థితుల నుంచే దళిత, మానవ హక్కుల ఉద్యమాలు వచ్చి ఈ దేశంలో అంతరిస్తోన్న మానవ విలువలను నిలబెట్టే ప్రయత్నాలు చేస్తున్నాయి.

విచిత్రం ఏమంటే మానవహక్కుల గూర్చి అడిగితే రాజ్యం, వారిని ఫాసిస్టులు, టెర్రరిస్టులుగా ముద్ర వేస్తుంది. ఈ ఉద్యమాలు దేశాన్ని, జనాన్ని విచ్ఛిన్నం చేయటం లేదు. విచ్ఛిన్నమయిన బతుకుల్లో కొంత ఆత్మ స్థైర్యాన్ని నింపుతున్నాయి. ఒక విధంగా రాజ్యాంగం కల్పించిన ప్రజాస్వామిక విలువలను, హక్కులను ప్రజల్లోకి తీసుకొనివెళ్ళి వారికి ఈ వ్యవస్థ మీద కొంత నమ్మకాన్ని కల్గిస్తున్నాయి. ఈ ఉద్యమాలే లేకుంటే ఐలయ్య చెప్పే అంతర్యుద్ధం ఈ దేశంలో ఇప్పటికే వచ్చి వుండేది.

అరవిందరావు చెప్పినట్లు విదేశీ విచ్ఛిన్నకర శక్తులను దేశంలోకి ఆహ్వానిస్తున్నది దళిత, మానవ హక్కుల సంఘాలు కాదు. ఈ దేశ బడా పెట్టుబడిదారులు, హిందూ ఫాసిస్టులే ఆ పనిచేస్తున్నారు. ప్రభుత్వ రంగ సంస్థలను విచ్ఛిన్నం చేసి విదేశీ సంస్థలను ఆహ్వానిస్తున్నది ఎవరు? ఈ రోజు ప్రజల జీవితాలను ధ్వంసం చేస్తున్నది బహుళజాతి సంస్థలు కాదా? అణు ఇంధన సహకార ఒప్పందం దేశ సార్వభౌమాధికారాన్ని అమెరికాకు తాకట్టు పెట్టడం కాదా? పౌర ప్రయోజనాలకు ఉద్దేశించిన అణు ఇంధన సాంకేతికతలను సైనిక ప్రయోజనాలకు ఉపయోగించుకోవడమనేది చాలా సులువన్న విషయం అరవిందరావుకు తెలియందికాదు.

భోపాల్ గ్యాస్ దుర్ఘటనకు కారకుడైన వ్యక్తిని చట్ట విరుద్ధంగా స్వదేశానికి వెళ్ళిపోవడానికి మన పాలకులే సహకరించలేదా? రేపు అమెరికా మన దేశంపై అణ్వస్త్ర దాడి చేస్తే దిక్కెవరు? ఈ దేశ సమగ్రతను విచ్ఛిన్నం చేస్తున్నది హిందూ ఫాసిస్ట్‌లు, పెట్టుబడిదారులే అన్న విషయం అరవిందరావు గుర్తించాలి. దళిత, మానవహక్కుల ఉద్యమాలు ఈ దేశంలో సాంఘిక, రాజకీయ, ఆర్థిక, ప్రజాస్వామ్యాన్ని నిలబెట్టడానికి నిరంతరం కృషి చేస్తున్నాయి.

- ప్రొఫెసర్ భంగ్యా భూక్యా
ది ఇంగ్లీష్ అండ్ ఫారిన్ లాంగ్వేజెస్ యూనివర్శిటీ

[ విదేశీ బిస్కెట్లకాశపడి మాతృభూమిని,సంస్క్రుతి ని నాశనమొనర్చేందుకు ప్రయత్నిస్తున్న ఈ ఊరుగుక్కలు ,గుంటనక్కలు తాముచేస్తున్న దౌర్భాగ్యపు పనులను ఇతరులపై ఎలా ఆపాదిస్తారో తెలుసుకోండి . ఇలాంటీవారికి కనీసపత్రికావిలువలుకూడా పాటించకుండా అవకాశమిస్తూ మనలను అవమానిస్తున్న యాజమాన్యాలకు మీ నిరసన తెలుపండి . అదే ఇతరమతాలపై ఎవరన్నా పైవిధంగా దాడిచేస్తే ఇప్పటికే ఏంజరిగి ఉండేదో మనందరికీ తెలుసు . ఈవ్యాసం ప్రచురించినందుకు మనసులో బాధకలిగిన ప్రతి ఒక్కరూ కనీసం సదరు పత్రికాధిపతులకు తమస్పందనతెలియజేయాలని మనవి . మీస్పందనలను ఆపత్రికకు పంపాల్సిన చిరునామా

ఇదే editor@andhrajyothy.com

పురాతన ఈజిప్టులో శ్రీకృష్ణుణ్ణి కొలిచేవారా ?-3

2012-01-25T07:00:00.004+05:30

పదో సభ్యుడు :

..... గారూ, దేవనాగరికాక వేఱే లిపి అంటే తమిళుల గ్రంథలిపి వంటిదంటారా? నా అసలు ప్రశ్న. మీరు సంస్కృతానికి దేవనాగరి కాక వేఱు లిపి ఉండి ఉండాలి అనుకోవటానికి కారణం నాకు సరిగా అర్థం కాలేదు. కొంచెం వివరించగలరా?

....గారూ, ఆసక్తికరంగా ఉన్నాయి మీరు చెప్పే విషయాలు. .....గారు అన్నట్టుగా, చాలా క్రొత్త విషయాలు తెలుస్తున్నాయి. కొనసాగించగలరు.

మూడో సభ్యుడు :

సంస్కృతానికి పూర్వనాగరికతలో - అంటే ప్రళయానికి ముందు - బ్రాహ్మీలాంటిది కాకుండా ఇంకేదో లిపి ఉండి ఉండాలి. అదేంటో దాని యథార్థస్వరూపం మనకి తెలిసే అవకాశం ఇప్పుడు లేదు. సంస్కృతం అంతర్జాతీయ భాషగా గల పూర్వనాగరికత 5,000 సంవత్సరాల క్రితమే నశించిపోయింది గనుక ! ఆ తరువాత మానవజాతి అంతా మొదట్నుంచీ మొదలుపెట్టుకుంటూ రావాల్సి వచ్చింది గనుక ! నా అంచనాలో అది ఈనాటి రోమన్ లిపి లాంటిది. అపరిపక్వదశలో ఉన్న ఈ ఊహల్ని నేనిప్పుడు సిద్ధాంతం చేయలేను. చేయకూడదు కూడా ! కానీ ఎవఱైనా దీనిమీద పరిశొధిస్తే బావుంటుందని కొంత ఇక్కడ వ్రాస్తున్నాను.

రోమన్ లిపిలో అక్షరాలకి ఒక ప్రత్యేక ధ్వనికి కమిట్ కాని పరిప్లవ వర్ణాలు (Dynamic characters) ఉన్నాయి. ఉదాహరణకి - Rama. దీన్ని రామ అని పలకొచ్చు. రమా అనీ పలకొచ్చు. colleague దీన్ని కలీగ్ అనొచ్చు. లేదా కొలీగ్ అనీ అనొచ్చు. put లోని u నే but లో అకారంగా పలకొచ్చు. అలాగే [i] ని ఇకారంగాను పలకొచ్చు. ఐకారంగానూ పలకొచ్చు. ou ని ఓకారంగా, ఉకారంగా, ఊకారంగా, ఔకారంగా ఇన్నిరకాలుగా పలకొచ్చు. Y ని యకారంగానీ పలకొచ్చు

ఈ లక్షణాన్ని సంస్కృత పదాలతోనూ, వర్ణాలతోనూ సరిపోల్చి చూడండి. లేదా ఈ సంస్కృతపదాల్ని రోమన్ లో వ్రాసి చూడండి.

పరిప్లవ - పారిప్లవ

కత - కాత్యాయన

విశేష - వైశేషిక

కురు - కౌరవ

వ్యాకరణ - వైయాకరణ

న్యాయ - నైయాయిక

రామ : -రామో (సంధిలో) = ఎందుకంటే విసర్గ ముందున్న అకారాన్ని హ్రస్వ ఓకారంగా పలకాలి. అలా పలికితేనే ఈ సంధికార్యానికి అవకాశం. (రామొహ్) -

ఇక్కడ ఒకారానికీ, అకారానికీ అభేదం - అచ్చం రోమన్ లిపిలో మాదిరే ! ఈ లక్షణం ఈనాడు ఈ గడ్డమీద మనకి సంస్కృత ఉచ్చారణలో మాత్రమే కనిపిస్తుంది. ఈ పరిప్లవ ఉచ్చారణ మీద ఆధారపడి సంస్కృతంలో ఏకంగా ప్రత్యయాలే ఆవిర్భవించినట్లు కనిపిస్తుంది. ఆ మొదటి సంస్కృతలిపిని సవ్యంగా (left to right) వ్రాసేవారో, అపసవ్యంగా (right to left) వ్రాసేవారో మఱెలా వ్రాసేవారోమనకి తెలీదు.మొత్తమ్మీద అది అచ్చుల్నీ, హలుల్నీ (vowels and consonants) విదగొట్టి అక్షరాల్ని పక్కపక్కన వ్రాసే తరహా లిపి అని నా ఊహ. ప్రాచీన నాగరికతలో అన్ని సమాచార వినిమయాలూ ఆ పూర్వలిపిలోనే జఱిగుంటాయి. బ్రాహ్మిలాంటి Complex script లో అయ్యుండదు. ఉదాహరణకి భరద్వాజమహర్షి సూచించిన విమాననిర్మాణం ఇత్యాదుల్లో కూడా!

తొమ్మిదోసభ్యుడు :

మీరంటున్నారు "పూర్వం ఎక్కడెక్కడైతే హిందూమతం ఉండేదో అదల్లా భారతదేశం అనుకోవడం సరైన కోణం కాదనుకుంటా. నిజానికి ఈ విషయంలో చాలా confusion ప్రచారంలో ఉంది. " అని ! పై వేగు (mail) లో చెప్పినట్లు ఈ భూమండలం మొత్తం ఒకే నేల, ఒకే ధర్మం, ఒకే సంస్కృతిగా విలసిల్లింది. 19 వ ఇక్ష్వాకు రాజైన అసితుని పాలనలో విధ్వంసాలు చెలరేగాయి. అప్పటివఱకు వసుధైక కుటుంబం. కనుక ఈ భూమండలమంతా హిందూమతమే ఉండేది. దానికి మాతృస్థానం ఈ భరతవర్షమే. విదేశీయులే ఈ మతాన్ని స్థాపించారని మీరు అంటే ఆ స్థాపన ఈ భరతవర్షంలోనే జరిగింది కనుక ఈ సనాతనధర్మం ఈ పుణ్యభూమి నుండే ప్రపంచమంతా వ్యాపించింది అని ఘంటాపథంగా చెప్పవచ్చు.

మీరు ఆ తరువాత ఇలా అంటున్నారు : "భారతదేశం అనేది ఒక ఆధునిక రాజకీయ పరిభావన. ఇది ఇటీవలి British ideological construct. ఇది ప్రాచీనం కాదు. ప్రాచీనకాలంలో తెలిసినవి భరతవర్షం,భరతఖండం మాత్రమే. అయితే ఇవి రాజకీయ స్వరూపాలూ కావు. సాంస్కృతిక స్వరూపాలూ కావు. భౌగోళికాలు మాత్రమే." అని !

సమయాభావం వల్ల సగం టైప్ చేసి డ్రాఫ్ట్ లో వదిలేసాను. ఇప్పుడు ఇది పూర్తి చేసి మీ తదుపరి వేగుకి సమాధానం ఇవ్వదలచుకున్నాను.

ఇంతకు ముందు చెప్పుకున్నట్టుగా, ఆసేతు హిమాచలం నుండి దక్షిణ కొసల వరకు ఒకే సంస్కృతి భాసిల్లినా, కృష్ణుని కాలంలోను అంతకు పూర్వం కూడా ఈ సువిశాల భూమండలం మొత్తం (వివిధ వర్షాలు, ద్వీపాలు) కూడా సనాతన ధర్మమే మతంగా నిలిచింది అప్పట్లో. ఐతే మీరు అనేది ఈ మతం ఎక్కడో ఉండి ఉండచ్చు అక్కడ అంతరించి ఇక్కడ నిలబడి ఉండచ్చు అని. పాత కాలం రోజుల్లో ఈ విషయం విశ్వాసాల మీద ఆధారపడేది. ఈ కాలంలో బాహ్యస్వరూపాలతో నిరూపిస్తే తప్ప నమ్మరు. కనుకనే నా సోర్సెస్ జెనెటిక్ స్టడీస్, ఆర్కియోలాజికల్ పరిశొధనలే అయి ఉంటాయి.

ఇక్కడ నా వాదనలు అన్ని కేవలం సనాతన ధర్మమే కాదు AIT/AMT కూడా కలుపుకుని విషయాలు వ్రాస్తున్నాను.

ఒక చిన్న ఉదాహరణ చూద్దాం : మన తెలుగునాడు చాలా వైశాల్యం కల రాష్ట్రం. దీని రాజధాని భాగ్యనగరం. మన ముఖ్య పనులకు, చదువులకు, ఉపాధులకు, వర్తకాలకు ఎక్కువగా రాజధాని మీదే ఆధారపడతాం. ఆధారపడటం అనేది పక్కన పెడితే రాజధానితోనే ముడిపెట్టుకుంటాం. చదువులకు రాజధానినే మొదటగా ప్రిఫర్ చేస్తాము. ఇదే విధంగా, ఈ ద్వీపాలు ఉన్నప్పటికి వాటన్నిటికి కేంద్రీకృతమైన వర్షం ఈ భరత వర్షం. ద్వీపం జంబుద్వీపం. భూమండలం మొత్తం ఒకే రాజరికం నడిచిన కాలంలో ఎక్కడెక్కడో ఉన్నటువంటి జ్ఞానులు, ఋషులు తపశ్శక్తితో వాళ్ళు సంపాదించిన జ్ఞానాన్ని సరస్వతీనది తీరాన ఈ పుణ్యభూమి పైనే వికసింప చేసారు అని చెప్పవచ్చు. ఐతే వీళ్ళంతా మ్లేచ్చులు అనకూడదు. తపస్సుకి ఇక్కడ నుండి అక్కడికి వెళ్ళి తిరిగొచ్చారని కూడా చెప్పవచ్చు. అప్పటికి భౌగోళిక స్వరూపాలు వేరు. ఇప్పుడున్నంత దూరదూర దేశాలుగా అప్పుడు లేవు. పైగా భూమండలం మొత్తం ఒకే సార్వభౌమాధికారం. చాలా వరకు అన్ని దేశాలు దగ్గరదగ్గరగానే ఉండేవి. వలసలు కేవలం తీరాల వెంబడి కాలిబాటనే జరిగేవి కాబట్టి ఒక మనిషి తన జీవిత కాలంలో దూరదూరాలు ప్రయాణించే వారు. వివిధా రాజ్యాలు, రాజులు, వర్షాలు ఉన్నప్పటికి వాటన్నిటికి సార్వభౌమాధికారం ఈ భరతవర్షంలోనే ఉండేది. మిగతా చోట్లా బహుశా స్వతంత్ర ప్రతిపత్తి కలిగిన సామంత రాజ్యాలు అయి ఉండవచ్చు. కాని అవన్ని స్వయం ప్రతిపత్తి కలిగినవి కావు. (ఇది ఎలాగో మునుముందు చర్చను బట్టి సాక్ష్యాలతో వివరిస్తాను). ఇంతవరకు మీరు ఒప్పుకుంటారని అనుకుంటాను.

ఒకవేళ పై పాయింట్ మీకు సమ్మతం లేని ఎడల ఇంకో ఉదాహరణ చెప్తాను. రెండు వేల సంవత్సరాలకి పూర్వం క్రీస్తుమతం లేదు. ఇస్లాం అంతకన్నా లేదు. ఈశా అని పిలవబడే వ్యక్తి తన జ్ఞానార్జన కొరకు ఈ నేల మీదనే అడుగు పెట్టాడు. ఈ ధర్మం యొక్క మూలాలు వేరే ఉన్నట్టు అయితే ఆ ప్రదేశాల ప్రాముఖ్యత గుర్తించక పోరు. అక్కడ దర్శించక పోరు. వాటి వివరణ ఈరోజుకి మనం వింటూ ఉంటామేమో.్ ప్రపంచవ్యాప్తంగా ఎంతో మంది భగవంతుని స్వరూపాలు జన్మించారు. అందరికి ఈ ధర్మమూలం ఈ పుణ్యభూమే అని ఇక్కడే వాళ్ళ తపశ్శక్తిని పెంపొందించుకున్నారు.

ముందు చెప్పుకున్నట్టుగా ఈ భూమండలం మొత్తం ఒకే సాదృశ్యం కలిగిన ధర్మం అవడం చేత, ప్రధాన కార్యాలయమయినట్టు వంటి ఈ భరతవర్షం (ఆర్యావర్తం) లోనే చోటు చేసుకున్నాయి. మిగతావన్ని బ్రాంచీలని అనుకోవచ్చుగా. ఇంతవరకు ఈ పరంపర కలియుగప్రారంభం వరకు నడిచింది. భారతంలో కలిసిన దేశాలు దీనితో అనుసంధానించి ఉండేవి. ఒక్కోసారి కొన్ని కలిసేవి కొన్ని విడిపోతూ ఉండేవి. తదనుగుణంగా మ్లేచ్చులవడం, అవకపోవడం జరిగేది.

ఈ ధర్మం బయట నుంచి వచ్చినది కానే కాదు. ఎంత కాలగతిలో కలిసిపోయినా పురావస్తు పరిశోధనలో ఇన్ని సంవత్సరాలుగా వాటి ఆనవాళ్ళు దొరకకుండా ఉండవు. కాని ఇంతవరకు లభించిన ఆనవాళ్ళు అన్నిటికి ఈ దేశంతోనే ముడిపడి ఉన్నాయి. పైగా ఈ దేశంలో లభించిన వాటికన్న పూర్వకాలానివి మాత్రం ఇంతవరకు లభించలేదు. పరిశోధనలు మన దేశంలో సాగనివ్వడం లేదు కాని ప్రపంచం అంతా తేలికగా చేయగలుగుతున్నారు. అంత సారూప్యత కలిగిన శోధనల్లో తేలనివి వాటికి వేదం యొక్క పుట్టుపూర్వోత్తరాలలో భాగం ఉండటం లేదా ఇవి అక్కడ నుండే ఇక్కడికి వలస వచ్చాయి అనడానికి ఆస్కారం ఎంత మాత్రం లేదు.

(ఇంకా ఉంది)

భారతీయిజం

2012-01-24T22:08:00.010+05:30

బుద్ధి బలం గల బ్రాహ్మణిజం ఒక ఆధ్యాత్మిక మార్గం. అది మన పురాణాలు, ఉపనిషత్తులు, వేదాల ద్వారా కుల, వర్ణ రహిత జ్ఞానానికి పెద్దపీట వేసి మానవ సమాజాన్ని కర్మబద్ధంగా నడిపిస్తోంది. కాలాంతరంలో కండబలం తోడయి జ్ఞానదీపం కొడిగట్టి మసకబారుతూ అజ్ఞానంలోకి జారిపోతోంది. నిష్ప్రయోజనంగా మారింది. అందుకే బుద్ధి బలం, కండబలం సమాంతరంగా దేని పని అది చేసుకుపోవాలే తప్ప బుద్ధిబలాన్ని కండబలం శాసించడం మానవ జాతి నాశనానికి దోహదమవుతోంది.

మొదట బుద్ధిబలానికే పెద్ద పీట. ఆలోచన నుండే ఆచరణ సాధ్యం. ఆలోచనే కార్యరంగానికి మూలం. శాస్త్రం ఆలోచన ఎప్పుడూ లోక కల్యాణానికే దోహదపడుతుంది. అదే మన భారతీయ శాస్త్రాలకున్న ఇజం. ఆ దిశలోనే ఆచరణ కూడా కొనసాగాలి. మతాలు మానవ మనుగడకే కాని మారణ హోమానికి కాదు. హిందూమతం లేదా సంస్కృతి ఎల్లప్పుడూ మంచి, చెడులను విశ్లేషించి మంచిని ఆశ్రయించి కొనసాగించమని బోధిస్తోంది. నిర్గుణోపాసననే అంతిమ లక్ష్యంగా చేసుకొన్న హిందూ ఆధ్యాత్మికత సగుణోపాసనతో అభ్యసించి తన గమ్యాన్ని చేరుకుంటుంది.

తనకు కనపడే బుద్ధిజీవి మానవుడు కాబట్టి సగుణోపాసనలో దైవానికి కూడా మానవరూపాన్ని ఆపాదించి ముఖానికంటే పాదాలకే అధిక ప్రాధాన్యత నిచ్చి, శ్రీ చరణాలను ఆశ్రయించి మోక్షాన్ని ఇవ్వమని వేడుకుంటోంది. శాస్త్రాలను నిషేధిస్తే ఆధ్యాత్మిక ప్రజాస్వామ్యం ఏర్పడదు. అసలు ఆధ్యాత్మికత అనే పదానికి ప్రజాస్వామ్యం, నిరంకుశత్వం అనే పదాలు జోడించడమే అవివేకం. మన సంస్కృతిలో ఆధ్యాత్మికత అనేది ఒక అనిర్వచనీయమైన భావన. తనని తాను మరిచిపోయి పరమాత్మలో లీనమవడమే ఆధ్యాత్మికత. సకల సృష్టినీ సమభావంతో చూడడమే ఆధ్యాత్మికత.

శాస్త్రాలు ఎప్పుడూ ఖచ్చితత్వాన్ని పాటిస్తాయి. కాలానుగుణంగా మనం ఉపయోగించుకోవాలి తప్ప అసూయ, అహంకారంతో విమర్శించి మరింత అజ్ఞానంలోకి పడిపోకూడదు. హిందూమతమంటేనే వేదాలు, శాస్త్రాలు, పురాణాలు. ప్రస్తుతం మనమనుకొంటున్న సైన్సుకు మూలం మన వేదాలే అనే విషయాన్ని తెలుసుకోనంత కాలం మనం అజ్ఞాన అంధకారంలో కొట్టుమిట్టాడుతుంటాం.

ఖగోళం, అంతరిక్షం, శక్తి, ప్రాణం, ప్రయాణం అనే బీజభావాలకు నాంది వేదాలే కదా! మాతృప్రేమలో మలినం ఉండదు. బిడ్డ ప్రేమలో మలినం ఉండొచ్చు. వేదాలు తల్లిలాంటివి. మానవుడే మాతృహింసకు పాల్పడి రాక్షసునిగా మారుతున్నాడు. మాతృప్రేమలోని మాధుర్యాన్ని ఆస్వాదించడం తెలియకున్నాడు. ఇంద్రియం నుండి మానవజాతి జనించింది కాని అవయవాల నుండి కాదు. వేదాలు, భగవద్గీతలో కులాల గురించి ప్రస్తావించలేదు. నాల్గవ అధ్యాయం జ్ఞాన యోగంలో

చాతుర్వర్ణం మయా సృష్టం గుణకర్మ విభాగశః |
తస్యకర్తార మపి మాం విద్ధ్య కర్తార మవ్యయమ్ ||

అని కృష్ణభగవానుడు వివరించాడు. మానవులలో స్వాభావికంగా ఉండే ప్రకృతి గుణముల నుండి పుట్టే కర్మల ననుసరించి మానవజాతిని నాలుగు వర్ణ విభాగాలుగా పేర్కొన్నాడు తప్ప పుట్టుక నుండే కులము, వర్ణము ఏర్పడతాయని కాదు. మానవుడు ప్రకృతిలో ఒక భాగం. తమ గుణాలను తద్వారా కర్మలను సంస్కరించుకొంటూ భగవానుడు పేర్కొన్న చాతుర్వర్ణాలతో స్వేచ్ఛగా ప్రవేశించవచ్చు, నిష్క్రమించవచ్చు. ప్రకృతిని ఆరాధించిన బుద్ధి వశం చేసుకొనే దశకు చేరింది.

ఈ పరిణామ క్రమంలో వర్ణాశ్రమ ధర్మాలను విడనాడి కులమతాల ఉచ్చులో బిగుసుకుంటున్నాము. పాలకుల చట్టాలు కూడా మరింత విభేదాలు, అంతరాలను ప్రోత్సహించేవిగా ఉండడం మన దురదృష్టం. సమాజ సంస్కరణ వాదులు ముందు కులమతాల ప్రాతిపదికన ఉన్న, వస్తూన్న చట్టాలను ప్రతిఘటించి సమాజ స్థాపనకు కృషిచేయాల్సిన తక్షణ అవసరం ఎంతైనా ఉంది. అప్పుడే మన సంస్కృతి బోధించిన వసుధైక కుటుంబ భావన నెరవేరుతుంది. అంతే తప్ప సంకుచిత దృష్టితో, ద్వంద్వ భావాలతో రంధ్రాన్వేషణలు చేసినంతకాలం అరాచకం తాండవిస్తూనే ఉంటుంది.

- వారణాశి వెంకట సూర్య కామేశ్వరరావు

నేటి ఆంధ్రజ్యోతి దినపత్రికలో...

పురాతన ఈజిప్టులో శ్రీకృష్ణుణ్ణి కొలిచేవారా ?-2

2012-01-23T14:39:00.011+05:30

పుణ్యభూమి గూగుల్ గుంపులో టపా అయిన ఒక చర్చాహారం (Thread)

మూడో సభ్యుడు :

తమ సాహిత్యంలో బ్రిటీషువాళ్ళు ఈ ఉపఖండాన్ని ఒక దేశంగా వర్ణిస్తూనే వచ్చారు మొదట్నుంచీ ! వాళ్ళని ఆ విషయంలో తప్పుపట్టకూడదు. ఇది రాజకీయంగా ఒక దేశం కాదని వాళ్ళు ఎక్కడైనా వ్రాస్తే బహుశా అది అబద్ధం కాదు. ఉన్న వాస్తవం అదే అనిపిస్తుంది. భారతం ఒక రాజకీయ స్వరూపంగా ఎప్పుడూ లేదని,కొనసాగలేదనీ మనకీ తెలుసు. మనకి నానారాజ్యాలు, రాజులూ ఉన్నారు మొదట్నుంచీ ! సమ్రాట్టులు కూడా ఉన్నారు కానీ ఆ చక్రవర్తిత్వం దేశభావనతో కాక వ్యక్తిగత పరాక్రమాన్ని ప్రకటించుకోవడం కోసం చేసిన దండయాత్రల ఫలితమే. ఆక్రమణల్ని జాతిని ఏకం చేయడంగా అభివర్ణించడం కూడా ఒక ఆధునిక ధోరణి. అవి ఆక్రమణలు కాకపోతే, నిజంగా జాతీయభావనే అయితే ఓడిపోయిన రాజ్యం గెలిచిన రాజ్యానికి కప్పం కట్టే అవసరం రాదు కదా !

ఇండియా సాంస్కృతికంగా కూడా ఒక దేశం కాదు ఇప్పటికీ ! అనేక భాషలు గల ఈ ఉపఖండం ఆచరణలో అనేక ప్రాచీన దేశాల సమూహం. ఈ దేశాల్ని ఈ రోజు రాష్ట్రాలంటున్నారు. అంతే తేడా ! పైన చెప్పిన "ఉత్తరం యత్...." ఇత్యాది శ్లోకం ఋగ్వేదంలో నాకు కనిపించలేదు. అయితే ఇది కూడా భౌగోళిక వర్ణనే తప్ప జాతీయవాదంలా అనిపించడం లేదు.

తొమ్మిదో సభ్యుడు :

చరిత్రకందని కాలంలో మానవ వలసలు ఎలా జరిగేవి అని ఉదహరించేందుకు ఈ క్రింది లంకె ఉపయుక్తంగా ఉంటుంది. దీని ద్వారా ఎన్నో విషయాలు తెలుస్తున్నాయి. లక్ష సంవత్సరాల క్రిందట జరిగిన వలసలు. అప్పుడు భౌగోళిక స్వరూపం కూడా వేరుగా ఉండేది. ఈ లంకెలో (ఇప్పుడున్నట్టుగా కాదు) ఉన్నట్టు కాదు.

http://www.bradshawfoundation.com/journey/

మూడో సభ్యుడు :

చూశాను. బావుంది. వారికి లభ్యమైన సమాచారం పరిధిలో వారు తెలియజేస్తున్నారు. కానీ మానవజాతి అంతా ఒకే ప్రదేశంలో పుట్టి, ఒక్కజాతినుంచే పరిణామం చెందిందా ? అందఱు మానవుల పూర్వీకులూ ఒకఱేనా ? అనేది అనుమానాస్పదం. "అందఱూ మొదట నల్ల ఆఫ్రికన్లే" అంటే నా మటుకు నేను అంగీకరించలేను. అందుకు విరుద్ధంగా - ఇతరులే ఆఫ్రికాకి వెళ్ళి అక్కడ నల్లజాతులుగా మారారంటే ఎక్కువ నమ్మబుద్ధేస్తుంది. ఎందుకంటే ఎంత చిన్న జన్యుమార్పుకైనా కనీసం లక్షసంవత్సరాల వ్యవధి కావాలని వాళ్లే అంటున్నారు. అలాంటిది, మానవజాతులు పరస్పరం పోలిక లేని విధంగా రూపాల్ని సంతరించుకోవడానికి ఎన్ని మిలియన్ల సంవత్సరాలు పట్టుతుందో ఊహించండి. కానీ కొన్నివేల సంవత్సరాల వ్యవధిలోనే వివిధజాతులుగా మారిపోయారని చూపిస్తున్నారు. ఇది అవకతవకగా ఉంది. ఇది ఇప్పటికీ శాస్త్రవేత్తల ఊహే తప్ప ఇందుకు బలమైన రుజువులు లేవు. నా అభిప్రాయంలో అయిదాఱు మానవజాతులు ఉండి ఉండాలి మొదట్నుంచీ ! వాళ్ళ నుంచే అన్నిదేశాలవారూ ప్రభవించి ఉంటారు.

చరిత్ర అనేది పాశ్చాత్యులనుకుంటున్నదానికంటే ప్రాచీనమైనది. మనం నాగరికతకు పరాకాష్ఠ కాము. నాగరికతల్ని మనుషులుగా ఉత్ప్రేక్షిస్తే, అనేక నాగరికతల తరాల్లో మనదొకటి. ఈ నాగరికతాక్రమానికంటే ముందు అనేక నాగరికతాక్రమాలు నడిచి తరువాత అంతరించి మానవజాతి మళ్ళీ అంతా మొదట్నుంచీ మొదలుపెట్టుకుంటూ వచ్చింది. రేఖేయవాదులు కనుక పాశ్చాత్యులీ విషయాన్ని ఒప్పుకోరు. కానీ von Daniken లాంటివారి పరిశోధనలు మన అభిప్రాయాన్నే ధ్రువీకరిస్తున్నాయి.

తొమ్మిదో సభ్యుడు :

పై లంకె కొంత వరకు మనకి ఉపయోగపడుతుంది. ఐతే అందరు ఆఫ్రికా నుండే వచ్చారా అంటే కాదు అనే చెప్పాలి. వేల సంవత్సారాల క్రితం విపరీతంగ వలసలు జరిగేవి అనడానికి గట్టి సాక్ష్యాలే ఉన్నాయి. అప్పటికి భారత ఉపఖండం ఆఫ్రికాకి దగ్గరగా ఉండేది. దాదాపు ఎనభై వేల సంవత్సారాల క్రితం "లెమూరియా" కూడా సముద్రమట్టం కంటే ఎత్తులోనే ఉండేది.

మీ మేయిల్ కి సమాధానం చెప్పాలని ప్రయత్నిస్తున్నాను కాని నా చర్చలన్ని గతంలో ఆంగ్లంలో విరివిగా జరిగాయి. పరిశోధనంతా ఆంగ్లంలోనే పొందుపర్చుకున్నాను. నా చర్చలకి కొంత మంది రషియన్ల సమాచారం, హిందువులుగా మారిన పాశ్చాత్యుల రచనలు, సనాతన ధార్మికులు ఎంతో మంది తోడ్పడ్డారు. ఇప్పుడు దానిని అర్థవంతంగా తెలుగులో తర్జుమా చేయాలంటే సమయం పడుతుంది అందుకే వెంట వెంటనే మీకు చెప్పలేకపోతున్నాను పూర్తి సమాచారాన్ని.

ఇవే కాకుండా, ఫ్రాలే, ఎల్ట్‌స్, కజానస్, డనినో, భారత ఇతిహాస పురాణాలు, ప్రాచీన ప్రాంతీయ వ్రాతలు అనగా సంగం మాన్యుస్క్రిప్ట్స్, శాస్త్రీయ పరిశొధనల సమాచారం మరియు *జెనెటిక్ స్టడీస్ *ని నేను ఎక్కువగా పరిశీనలకు తీసుకుంటున్నాను.

1. మిగతా దేశాలతో లాగానే ఈజిప్టుకి ఆర్యులకీ మధ్య వర్తకం బాగా జరిగేది. అశోకుని కాలంలో బౌద్ధం ఎలా వ్యాపించిందో అలానే రామాయణకాలం నుండే ఆర్యులైన మునివర్యులు దేశసంచారం చేసి వేదవిజ్ఞానాన్ని నలుమూలలకూ చేరవేసేవారు. ఆ విధంగా వేదం వ్యాపించింది.

2. రామాయణ కాలానికి పూర్వపు సంగతులను కాకుండా ప్రస్తుతానికి రామాయాణ కాలంతోనే చర్చని కొనసాగిద్దాము. రాముని కాలంలో ఈ ఆర్యావర్త దేశం నుండి ఎంతో మందిని తమ ఆర్యుల/ వేద జీవన విధానాన్ని అనుసరించే వీలు లేకుండా బహిష్కరించడం జరిగింది. ఈ విషయం గతంలో బహుశా పోయిన సంవత్సరం అనుకుంటా బ్రిటిషర్ల గురించి చెప్తూ మీరు కూడా అన్నారు. వాళ్ళు తరలిన ప్రదేశాలలో ఈజిప్ట్ ఒకటి.

3. సముద్ర మార్గాం గుండా వర్తకులు ప్రయాణించి ఆయా దేశాలలో వర్తకం సాగించినప్పుడు ఎంతో మంది తిరిగి రాకపోవడం కూడా జరిగేది. మనుస్మృతిలో పునర్వివాహానికి ఇచ్చిన సౌలభ్యాలలో ఈ విషయం వెల్లడించడం జరిగింది. (క్లుప్తంగా ఉంచడానికి నేను చాప్టర్స్, శ్లోకాలు ఇక్కడ తెలుపడం లేదు. మన్నించండి).

4. కనుక వేద విజ్ఞానం ఈ ఆర్యావర్తం నుంచే ప్రపంచమంతా వ్యాపించిందని చెప్పచ్చుకనుకనే కృష్ణుని కాలానికంటే ముందే అక్కడ విష్ణు-ఆరాధన జరిగేది.

5. ముందు ద్వారక, తర్వాత సరస్వతీ నాగరికత ఆయా నదీ, సముద్ర తీరాలలో అంతరించినప్పుడు, అక్కడి ప్రజలంతా గుంపులుగా తరలి వెళ్ళారన్నది నిర్వివాదాంశం. కొంత జనాభా తిరిగి సరస్వతి నది తీరానికి తిరిగి వెళితే, కొంత మంది దక్షిణదిశగా వింధ్యపర్వతం దాటి, దండకారణ్యం అడవి గుండా ప్రయాణించి దక్షిణ ఆర్యావర్తానికి చేరుకున్నారు. అలాగే తదనంతరం జరిగిన పరిణామాలకు ఈజిప్ట్, అరేబియా, ఇరాన్, గ్రీస్, ఇంకా తూర్పుదిశగా కూడా ప్రయాణించారు. ఇక్కడ ముఖ్య విషయం ఏంటంటే అప్పటి జాతికి నది తీరాల వెంబడి నాగరికత చోటు చేసుకోవడం, నివాసాలు ఏర్పర్చుకోవడం, వృత్తి వ్యాపారాలు జీవనం సాగించుకోవడం జరిగేదని ప్రస్పుటంగా తెలుస్తోంది కనుక నదుల వైపు, నీటి చెలమల వైపు, జీవన విధానానికి అవసరమైన భూ, భౌగోళిక వసతులను వెతుక్కుని వెళ్ళేవారు.

మీరు మొదట ప్రస్తావించిన విషయాల మీద నా దగ్గర కొన్ని నోషన్స్ ఉన్నాయి. ఐతే వాటిని ఇంకా విస్తారంగా అధ్యయనం చేశాక ఇక్కడ వివరిస్తాను వీలయినంత వఱకు.

12,000 సంవత్సరాల నాటివైన ఈజిప్షియన్ గీజా పిరమిడ్స్ కట్టినది.....

ఈ అంశం కొట్టిపారేయలేనిది. ఐతే జీసస్ కూడా మన ఆర్యావర్తదేశానికి వచ్చి ఇక్కడి వేదవిద్యని, తాత్వికజ్ఞానాన్ని ఆర్జించి తిరిగి తన దేశానికి వెళ్ళాడని మనకి తెలుసు.

ఇహపోతే మీరన్న పురాణాల విషయం...

పురాణాలంటే ప్రాచీన చారిత్రిక కథలు లేదా విశ్వంలో జరిగిన యధార్థ కథ అనే కదా మనం భావిస్తాం. హిందువు, హిందూమతం అనే శబ్దాలు పెర్షియన్ల దాడులకు, ఆక్రమణలకు పూర్వం లేదని నేను భావిస్తున్నాను. నా స్నేహితులు పంపిన ఒక అద్భుతమైన ఇంటర్వ్యూ ని ఇక్కడ పొందుపరుస్తున్నాను. అసందర్భమే కాని గ్రిప్పింగ్గా ఉందనీ, మీలో ఎవరికైనా నచ్చుతుందని ఇస్తున్నాను. ముందు ముందు కొన్ని విషయాల చర్చలు ఈ లంకెతో సరిపెట్టవచ్చు అని.

http://www.thedailybell.com/1612/Jeffrey-Armstrong-on-the-Mysteries-o...

పదివేల సంవత్సరాల పూర్వం వేదాలే అన్నింటికి మూలం. ఏదైనా ఇక్కడ నుండే వ్యాపించింది కాని బయట నుండి భరతవర్షానికి వచ్చినది కాదు. ఆసేతు హిమాచలం నుండి కన్యాకుమారి కొన వరకు మొత్తం ఒకే దేశంగా, భరత వర్షంగా, ఒకే ఆర్యావర్తంగా విలసిల్లింది. ఒకే సంస్కృతిని పాటించింది. ఒకే సాదృశ్యం కలిగి ఉంది. కనుక వేద ప్రమాణ పరంపర, పరబ్రహ్మ ఆరాధన ఈ భూమండలం మొత్తం ఉండేది కాకపోతే వివిధ పద్దతుల్లో అని భావించవచ్చు. ఇందులో ఎటువంటి సందేహాలకి తావు లేదు. ఎందుకంటే ప్రపంచపు నలుమూలలా నాలుగు వేల సంవత్సరాల పుర్వపు తవ్వకాలలో ఆర్యుల వేదగతులే గోచరిస్తున్నాయి. అన్య రీతులు ఇంత వరకు కానరాలేదు. ఈజిప్ట్ విషయంలో కూడా అదే జరిగింది. 12 వేల సంవత్సారా పుర్వం గీజా పిరమిడ్లు విషయాలు వెలికి తీయాలంటే అంతకు ముందు కాలం నాటి విషయాలు మన దేశం లో వెలుగు చూడాలి.

మీరు ఈ మతం ఇండియా కి మాత్రమే సంబంధించినది కాకపోవచ్చు అని అంటున్నారు. అయితే ఈ సువిశాల భూగోళమంతా వివిధ ద్వీపాలలో వివిధ వర్షాలలో (దేశాలలో) ఇదే సంస్కృతిని ఇదే ధర్మాన్ని అవలంబించారు. ఈ సనాతన ధర్మ అనుసరణలు ఇక్కడి నుండే వెళ్ళాయి అనడానికి చారిత్రిక ఆధారాలు ప్రాచీన తవ్వకాలలో, పురావస్తు పరిశోధనలో చాలా కాలం క్రితమే తేలాయి. మహా అయితే క్రీ.పూ. ఆరు వేల సంవత్సరాల కంటే ముందుకి జరగలేదు. అంతకంటే ఎన్నో సంవత్శరాల ముందు నుంచే ఈ భరత ఖండం మీద ఈ సనాతన ధర్మం అవలంబించారు అనడానికి లెక్కలేనన్ని ఆధారాలు ఉన్నాయి. దీని బట్టి ఈ మతం ఇక్కడ నుంచే వివిధ దేశాలకి పాకింది అని ప్రస్పుటమవుతుంది. వివిధ దేశాల నుంచి విజ్ఞులు ఇక్కడికి వచ్చి ఉండవచ్చు. ఈ మతాభివృధ్ధి చేసి ఉండవచ్చు అంత మాత్రానా ఈ ధర్మం ఇక్కడిది కాకుండా పోదు.

కొన్ని ఒరిజినల్ అంశాల్ని ఇక్కడివాళ్ళు జోడించారు. మఱికొన్ని బయటినుంచి వచ్చాయి. వెఱసి హిందూమతం అంటున్నాం." అని మీరంటున్నారు.

దీనికి సమాధానంగా ఈ క్రింది లంకె చూడగలరు.

http://downwithjugears.blogspot.com/2008/02/aryan-ancestors-on-silk-r...

చివరిగా ఒకసారి వాల్మీకి రామాయణం తలుచుకుంటే ఇంకొన్ని విషయాలు తేటతెల్లమవుతాయి. ఇక్ష్వాకు వంశంలో 19వ తరం అయిన అసిత పాలనలోనే విరోధాలు చెలరేగాయి అప్పటి వరకు క్షామం కాని, యుద్ధ కాంక్షలు కాని ప్రతికూల పరిస్తితులు కాని లేవు. కనుక అసితుని తండ్రి అయిన భరతుని పాలన వరకు ఒకే నేల ఒకే రాజ్యం ఒకే సంస్కృతిగా విలసిల్లిన భారతం అసితుని పాలన నుండి విచ్చిన్నం కావడం మొదలయింది. అలా విచ్చిన్నం అయిన వాటిని/వారిని వాల్మీకి మ్లేచ్చుల క్రింద చెప్పడం జరిగింది.

మూడో సభ్యుడు :

.... గారూ ! మీరిచ్చిన సమాచారం చాలా బావుంది. శ్రమ తీసుకుని మీరీ గుంపులో టపా చేశారు. మీ నుండి కొత్తవిషయాలెన్నో తెలుసుకున్నాను. నెనర్లు. కానీ ఒకటి-రెండు మౌలిక ప్రశ్నలు మాత్రం అలాగే మిగిలిపోయాయి. ఇంకా తెఱుపుడు మనస్సు (open mind) తో ఆలోచిద్దాం. గతాన్ని త్రవ్వుకోవడం కనుక ఇది ఇప్పట్లో తేలేది కాదేమో.

నన్నొక మొండిమనిషిగా, పిడివాది (dogmatist) గా భావించకపోతే నా హృదయాన్ని నిజాయితీగా మీ ముందు పఱుస్తాను.

మన పౌరాణిక నామాలు కొన్నింటిని గమనిస్తే అవి యౌగిక శబ్దాలు (Derived structures). ధాతువులు (root-words) కావు. అంటే సారవంతమైన అర్థం ఉండేలా సమాస-సంధి-ప్రత్యయ సంఘటిత రూపాల్లో నిర్మించబడినవి. ఆ నిర్మాణాన్ని బట్టి కొన్నిసార్లు అవి ఏదో ఒక (నశించిపోయిన విదేశీ) ధాతుపదానికి అనువాదాల్లా అనిపిస్తాయి. ఈ ప్రాతిపదిక మీద నాకు మొదట్నుంచీ ఉన్న ఒక అనుమానం ఏమంటే - ఈ పురాణకథల్లో కొన్ని ఇతర జాతులకి చెందినవనీ, పూర్తిగా భారతదేశానికి చెందినవి కాకపోవచ్చుననీ ! కానీ అవి ఇక్కడ భద్రపఱచబడ్డాయనుకుంటా. మిహతాచోట్ల అంతరించిపోయి ఉండొచ్చు.

సంస్కృత వ్యాకరణాన్ని చదివిన తరువాత నాకు కలిగిన ఇంకో సందేహమేంటంటే - ఈ భాషకి (ఖచ్చితంగా రోమన్ కాదు గానీ) రోమన్ లిపిలాంటిదే ఒక అక్షర ధ్వనిలిపి (అచ్చులూ, హల్లులూ పక్కపక్కన వ్రాసుకుంటూ వెళ్ళే లిపి) ఒకప్పుడు - అంటే కొన్ని వేల సంవత్సరాల క్రితం - ఉండేదనిపిస్తుంది. ఇప్పటిలా దేవనాగరిలాంటి Complex script వాడేవారు కారని నా అనుమానం. లిపి భాషనీ, దాని ఉచ్చారణనీ, వ్యాకరణాన్నీ ప్రభావితం చేస్తుందనే సత్యాన్ని ఆధారంగా చేసుకొని నేనిలా అనుమానిస్తున్నాను.

నమోదు కాని చరిత్రపూర్వయుగంలో వివిధదేశాల మధ్య భావవినిమయం (exchange of ideas) జఱిగి ఉంటుందని అంగీకరిస్తే అది మన స్వకీయత (originality) కి భంగం అవ్వదని నేను భావిస్తున్నాను.

(ఇంకా ఉంది)

పురాతన ఈజిప్టులో శ్రీకృష్ణుణ్ణి కొలిచేవారా ?

2012-01-20T15:06:00.012+05:30

ఆమధ్య పుణ్యభూమి గూగుల్ గుంపులో టపా అయిన ఒక చర్చాహారం (Thread)

ఒక సభ్యుడు :

జగన్నాథరథయాత్రను పోలిన రథయాత్రలను ఈజిప్టులో చూసి శ్రీ....... గారు వ్రాసిన వ్యాసం చదవండి..ఇతడు సదరు మేనేజిమెంట్ ఇన్‌స్టిట్యూట్‌లో నాకన్నా ఒక ఏడాది ముందువాడు..

http://satyameva-jayate.org/2011/10/07/krishna-rathyatra-egypt/?utm_s...|+Satyameva+Jayate+||%29

రెండో సభ్యుడు :

మంచి లింకు ఇచ్చారు. పొష్ట్ బాగుంది. అక్కడ కామెంట్ సెక్షన్లొ http://2ndlook.wordpress.com/ ఈ బ్లాగు వుంది. అందులొ కొన్ని పొష్ట్ లు బాగా ఉన్నాయి.

మూడో సభ్యుడు :

చాలా ఆసక్తికరంగా ఉంది. రచయిత (లేదా అతని స్ఫూర్తిదాయకుడు) కృష్ణుడి రథయాత్రకి మించి చాలా విషయాల్ని స్పృశించారు. ముఖ్యంగా ప్రాచీన ఈజిప్షియన్లు తమ పూర్వీకుల అసలు మాతృభూమి పుంట్ అనీ, అది చాలా పెద్దదేశమనీ, అది హిందూమహాసముద్ర తీరాన ఉందనీ చెప్పుకున్న వైనం దిగ్భ్రాంతి కలిగించింది.

కానీ కొన్ని సందేహాలు మిగిలిపోయాయి.

ఇండియాకి పుంట్ అనే పేరు ఎలా వచ్చింది ?

అంతేకాదు, ఈజిప్షియన్ల పూర్వీకులు భారతీయులైతే మఱి ఇండియాలో విస్తారంగా లేని పాషండ ఆచారాలు - తల్లినీ, చెల్లినీ, కూతురినీ పెళ్ళి చేసుకోవడం లాంటివి ఈజిప్షియన్లకి ఎలా వచ్చాయి ? అంటే అలాంటివి ఇండియాలో కూడా ఉన్నరోజుల్లో వాళ్ళు ఈజిప్టుకి వలసపోయారా ? ఎందుకంటే ఈజిప్షియన్ రాజవంశాల చరిత్ర ఏడెనిమిదివేల సంవత్సరాల నాటిది. అప్పుడు ఇండియా కూడా ఎలా ఉండేదో మనకి తెలీదు.

12,000 సంవత్సరాల నాటివైన ఈజిప్షియన్ గీజా పిరమిడ్స్ కట్టినది ఈజిప్షియన్లు కారనీ, అంతకుముందు అక్కడ నివసించిన రాక్షసజాతి కావచ్చునని వ్యాసరచయిత చేసిన సూచన ఆసక్తికరంగా ఉంది.

అయితే ఆ వ్యాసానికి వచ్చిన వ్యాఖ్యల్లో ఒకదాన్ని గంభీరంగా తీసుకోవాల్సి ఉంది. ఆ వ్యాఖ్యాత ఏమంటాడంటే - చరిత్రపూర్వయుగంలో జాతుల మధ్యా, దేశాల మధ్యా చాలా give and take చోటుచేసుకుంది. ఏ జ్ఞానం ఎక్కణ్ణుంచి ఎక్కడికి ప్రయాణించిందో ఇప్పుడు చెప్పడం కష్టం. ఉదాహరణకి - ప్రపంచంలో సాఫ్టువేరు కంపెనీలన్నీ నశించి ఒక్క Infosys శిథిలాలు మాత్రమే మిగిల్తే సాఫ్టువేరుకు భారతదేశమే మూలమనే పొఱపాటభిప్రాయం భావితరాలకి కలగొచ్చు అంటాడు.

నేను అతనితో కొంతవఱకు ఏకీభవిస్తాను. ఎందుకంటే మనం హిందూమతం అనుకుంటున్నదాని క్కూడా ఇండియాయే జన్మస్థానం కాకపోవచ్చు. మన ఋషులు మన దేశస్థులు కాకపోవచ్చు. ఇది ఒక ప్రపంచమతంగా విలసిల్లిన యుగం ఒకటున్నది కావచ్చు. అన్నిదేశాలలోనూ నశించి ఇక్కడ మాత్రం మిగలడం చేత ఇదే ఈ మతానికి జన్మస్థానమని మనం భ్రమిస్తూండొచ్చు. దీని అసలు జన్మస్థానం సముద్రగర్భంలో కలిసిపోయి ఉండొచ్చు. లేదా ఇప్పుడు ఎడారిగా మారి ఉండొచ్చు

నాల్గో సభ్యుడు :

నేను .... గారి వ్యాఖ్యలతో పూర్తిగా ఏకీభవిస్తున్నాను.

చరిత్రలో ఎంతో దూరం వెళ్ళకుండానే
http://ancientindians.files.wordpress.com/2008/12/epicindiacities.jpg

ఆఫ్ఘనిస్తాన్ మొదలుకొని బర్మా వరకు భారత దేశంగా పేరు ఉన్న విషయం మనకు తెలుసును. అలాంటిది ౫౦౦౦ సంవత్సరాల క్రితం మాట అంటే మనకు అసలు ఏమి తెలియదనే చెప్పాలి.

మరొక విషయం -- ప్రస్తుతం పురావస్తు శాస్త్రం ప్రకారం ౩౦౦౦ bc ముందు పెద్ద కట్టడాలు ఏమి జరగలేదు. ఆ గిజా పిరమిడ్ ౨౫౦౦ bc లో కట్టి ఉంటారని ప్రస్తుతం నమ్ముతున్నారు:

Egyptologistsbelieve that the pyramid was built as a tomb for fourth dynasty

http://en.wikipedia.org/wiki/Egyptologists

http://en.wikipedia.org/wiki/Fourth_dynasty_of_Egypt

Egyptian Pharaoh Khufu (Cheops in Greek) over an approximately 20 year period concluding around 2560 BC.

http://en.wikipedia.org/wiki/Khufu

http://en.wikipedia.org/wiki/Ancient_Egypt

మొదటి సభ్యుడు :

కోటవేంకటాచలం గారి పుస్తకం చదివినమీదట పాశ్చాత్య పురావస్తుశాస్త్రవేత్తలు పిరమిడ్ల ప్రాచీనతను కుదించేశారేమో నని అనుమానం కలుగుతోంది. ....గారు వ్యాఖ్యలనుండి వెలికితీసి పంపిన లంకె పాశ్చాత్యుల దురాగతాల చిట్టా లా ఉంది.

బిభువ్రాసిన కొన్ని వ్యాసాలు పూర్వం చదివాను కానీ పుణ్యభూమి సభ్యులకు పంపలేదేమో. గ్రహమ్ హాన్కాక్ గూడొకటి ఉన్నది - అందలో అతడు వ్రాసిన వ్యాసాలు ఆసక్తకరంగా ఉన్నాయి. వాటిని తన బ్లాగులో సేకరించి ఉంచాడని గమనించాను, ఇది చూడండి.

http://bibhudev.blogspot.com/

అయిదో సభ్యుడు :

.....గారూ ! మీ అభిప్రాయం హిందు తత్వానికి వర్తించదు మన ప్రస్తావనలో (పురాణాలలో )ఉన్న బౌగోళిక నైసర్గిక అంశాలన్నీ ఈ దేశానికే వర్తిస్తాయి పురాణాలలో ఉన్న చాలా దేశాలు రాజ్యాలు అక్కడి మనుషుల వర్ణనలను ఒకసారి అధ్యయనం చేస్తే మనకు ఈ ఇజిప్టు లంకె దొరుకుతుంది మన సమస్య అల్లా మనం మన పురాణాలను ఆధారాలుగా పరిగణలో కి తీసుకోకుండా చరిత్ర గురించి మాట్లాడుతాము..... పురాణాలను ప్రస్తావించని పురాతన చరిత్రపరిశోధనలు నా దృష్టిలో సమగ్రం కాదు.

మూడో సభ్యుడు :

పురాణాల్ని పరిగణనలోకి తీసుకోకుండా చరిత్రరచన సమగ్రం కాదని నేనూ భావిస్తాను. అయితే హిందూమతం ఒకప్పుడు ప్రపంచంలో అన్నిచోట్లా ఉన్నట్లు పురాణాలు వర్ణించాయి. ముఖ్యంగా భాగవతంలోని భూగోళవర్ణనలో కొన్ని ద్వీపాలలో (ఈనాటి పరిభాషలో ఖండాలు లేక continents) శివుణ్ణి, మఱికొన్ని ద్వీపాలలో యజ్ఞేశ్వరరూపుడైన విష్ణువునీ పూజిస్తారని చెప్పబడింది. అంటే హిందూమతం పురాణాల కంటే ప్రాచీనమని అంగీకరించక తప్పదు గదా ! ఆ ప్రాచీన మూలహిందూమతం కేవలం ఇండియాకి మాత్రమే సంబంధించినదని కాకపోవచ్చునని నా ఊహ. కొన్నిఒరిజినల్ అంశాల్ని ఇక్కడివాళ్ళు జోడించారు. మఱికొన్ని బయటినుంచి వచ్చాయి. వెఱసి హిందూమతం అంటున్నాం. మన ఋషుల్లో కొందఱు గ్రీన్ ల్యాండ్ కి, మఱికొందఱు శ్కాండినేవియాకి చెందినవాళ్ళనే అనుమానం ఇప్పటికీ ఉంది, వేదాల్లో కొన్ని మంత్రాల్ని బట్టి ! ఈ అనుమానాన్ని మొదట వ్యక్తం చేసినది లోకమాన్య బాలగంగాధర టిళక్ గారు, The Orion అనే గ్రంథంలో !

రెండో సభ్యుడు :

మంచి చర్చ జరుగుతోంది. ....గారు & ....గారు చెప్పినా విషయాలు ఆసక్తికరంగా ఉన్నాయి. కోట వెంకటచలం గారి గురించి వినడమే కానీ చదివింది లేదు. ఈసారి మన దేశం వచ్చినప్పుడు వెతికి పట్టుకుంటాను.

అయిదో సభ్యుడు :

తిలక్ గారు ఉన్నప్పుడు డి ఎన్ ఏ టెస్టు లు ...,వస్తువుల కాల నిర్ణయం లాంటి పద్దతులు లేవు .. అప్పుడు ఆర్యుల గురించి బయటి నుంచి వచ్చినారనే అభిప్రాయం ఉండేది ,అన్ని పరిశోధనలలో నేటి ఆధారాలతో ఆర్యులు బయటి వారు కాదని సరస్వతి నది ఆధారంతో కల్యాణ రామన్ గారు గుర్రం ఇక్కడదే అని రాజారామన్ నిరూపించారు మొన్నటి డి ఎన్ ఏ టెస్టు ద్వారా ఈ దేశం లో ఉన్న వాళ్ళందరి డి ఎన్ ఏ ఒకటే అని తేల్చేసారు .., అయినా లక్షల సంవత్సరాల క్రిందట జరిగిన చరిత్ర ఎక్కడడైనా కావొచ్చు భూగోళ స్వరూపమే మారిపోయి ఉండవచ్చు

మొన్న ఒక పరిశోధనలో మానవుడు చేప నుంచి వచ్చాడని కనుక్కొన్నారు నాకు మత్స్యావతారం (నీటిలో మొదటి జీవం ),కూర్మ (నీరు-భూమి ఉభయచరం ) , వరాహ (భూమిపై మొదటి జీవం ), నారసింహ (మనిషి+జంతువు ), వామన (పొట్టి మనిషి), పరశురామ (మనుషుల్లో మృగ రూప క్రూరత్వాన్ని ఉన్న వారందరిని నాశనం చేసినవాడు), రామ (పరిపూర్ణ మనిషి), కృష్ణ (మనిషికి సామాజికజీవనంలో ఎలా జీవించాలో మార్గదర్శనం ) ఇలాపరిణామక్రియలన్ని మన వాళ్ళు వివరించారు అని అనిపిస్తోంది.

ఆఱో సభ్యుడు :

చాలా బాగా చెప్పారు... ఇది విన్నాక మన సంస్కృతులు వాటిని ముందు తరాల వారికీ అందించాలని మనపూర్వికులు తీసుకున్న జాగ్రత్తలు.. అద్భుతంగా ఉన్నాయి. ఆలోచిస్తుంటే.. చాలా సంతోషంగా అనిపిస్తోంది

మూడో సభ్యుడు :

ఈ వివరణ ఇంతకుముందు విన్నాను. కానీ మన పురాణాలకి అలా భౌతిక భాష్యం చెబితే అవి నిజంగా జఱగలేదనీ, ప్రతీదీ కవితాత్మకంగా కల్పించారనే అభిప్రాయం కలుగుతుంది. ఆ తరువాత మళ్లీ యథాప్రకారం మన వ్యాసుడూ, వాల్మీకీ బోనెక్కాల్సి వస్తుంది. కనుక మన మతవిశ్వాసాలకి భౌతిక భాష్యాలు ఇవ్వడమనే ఇఱవయ్యో శతాబ్దపు పండిత ధోరణిని మనం ఈ శతాబ్దంలో మానేస్తే మావుంటుందని నా ఊహ. అప్పట్లో - అంటే మా చిన్నప్పుడు నాస్తిక దాడుల నుంచి తమని తాము కాపాడుకోవడం కోసం మన పండితులు మన విశ్వాసాల్లోని సైన్సుని వెలికి తీయడం ప్రారంభించారు. ఈ ప్రక్రియలో కొంత "అతి" కూడా తయారైంది. మన మతవిశ్వాసాల్ని విశ్వాసాలుగానే తీసుకుందాం. ఇవి మా విశ్వాసాలని బోఱవిఱుచుకుని ధీమాగా చాటుదాం. తప్పేముంది ? ప్రతీదానికీ మనం నాస్తికుల కోర్టులో ముద్దాయిల్లా బోనెక్కాలా ? అవసరం లేదు కదా ?

ఇహపోతే ఆర్య-ద్రావిడ విషయం కాదు నేనన్నది. మన మతం యొక్క రూపకల్పనలో కేవలం మన చేయి మాత్రమే ఉండి ఉండదు. అసలు "మన మతం" అంటున్నది "పూర్తిగా మనది మాత్రమే" కాకపోవచ్చు అంటున్నాను. ఇతర దేశాల్లో హిందూసంస్కృతి అవశేషాలు కనపడుతున్నాయన్నప్పుడు అవి ఇక్కణ్ణుంచే అక్కడికి వెళ్ళాయని ఖరాఖండిగా చెప్పలేం, ఇది ఒకప్పుడు ప్రపంచమతం అనేది దృష్టిలో పెట్టుకుంటే !

ఏడో సభ్యుడు :

జై శ్రీరాం, శ్రీరామదూతం శిరసా నమామి ! కానీ ఇవి ఇదే వరుసలో ఉన్నాయని అనుకోలేము. ఉదాహరణకి, బలిచక్రవర్తి ప్రహ్లాదునికి మనుమడు, ఆ లెక్కన చూస్తే కూర్మావతారం, నరసింహస్వామి తర్వాత జరిగింది. ఇక భాగవతంలో చూస్తే అటూఇటూగా ఇరవైఒక్క అవతారాలను పేర్కొన్నారు. స్థూలంగా మీరన్నట్టు అనుకున్నా , రేపు పొద్దున ఎవరైనా ఇదే ప్రశ్న అడిగితే ఏం చెబుతాం? ఇలాంటి వాటిగురించి కూడా పరిశోధన జరగాలి. కానీ అలాంటి మంచి ఉద్దేశ్యంతో ఇలాంటి పరిశోధనలు చేసినవారు చాలా అరుదు.

నిన్ననే ఒక పాత నాటకం చదివాను. "అశోకం" అని . రావణుడు గొప్ప ప్రేమికుడనీ, సీతని ఎత్తుకొచ్చినా పెళ్ళి చేసుకోవాలనే సదుద్దేశ్యం కలవాడనీ, రావణుడు చనిపోయాక సీత అతని తల తన ఒళ్ళో పెట్టుకుని రోదించిందనీ, అందుకే రాముడు పరిత్యజించాడనీ. ఇలా సాగుతుంది ఆ నాటకం. చదివిన నాకు నవ్వాలో ఏడవాలో అర్ధం కాలేదు. రాముడిని హీరో చెయ్యాలని రామాయణంలో అతన్ని పని గట్టుకుని పొగిడారని, రావణుడిని రాక్షసుడిని చేసారని , అసలు రాక్షస అనే శబ్దం "రక్షస్" అంటే రక్షించే వాడు అన్న ధాతువు నుండి పుట్టిందనీ. తన వర్గాన్ని ధర్మంగా కాపాడుకునే రావణుడినీ అతని అనుచరులనీ పని గట్టుకుని ఆర్యులైన బ్రాహ్మణులు పురికొల్పగా రాముడు సంహరించాడని...... ఇలా ఆర్యులు అనేది ఒక కట్టుకధ అని ఇప్పుడు నిరుపితం అయ్యింది కదా, మరి ఈ తరహా జనాలంతా తమ ముఖాలెక్కడ దాచుకుంటారో,

చాలా కొద్దిమంది తప్ప అందరూ ఇలాంటి పరిశోధకులే మన ఖర్మకొద్దీ.. ఎక్కడో నూటికీ కోటికీ వెంకటాచలం, అప్పలాచార్యస్వామి వంటి మహానుభావులు ప్రయత్నించినా అది సఫలం కావడంలేదు. తామరతంపరలా వచ్చిపడుతున్న ఈ విమర్శల్లో వారు చేసిన అద్భుతమైన పరిశోధనలు మరుగున పడిపోతున్నాయి.

మూడో సభ్యుడు :

నేను ఇందాక చెప్పినదే మఱికాస్త ! లలితాసహస్రనామాల్లో ఓఢ్యాణ పీఠనిలయా అనే నామం ఉంది. ఈ ఓఢ్యాణపీఠం వాస్తవానికి ఆఫ్ఘనిస్తాన్‌లో ఉంది. లలితోపాసన మొదట ప్రారంభమైంది అక్కడేనట. కానీ ఈరోజు ఆఫ్ఘనిస్తాన్ అంటే అంతా తుఱకదేశం. కానీ లలితా ఉపాసన ఇక్కడ ఇండియాలో బట్టకట్టింది. ఇలాగే ఎన్నో హిందూ సంప్రదాయాలు విదేశాల్లో జన్మించి ఇక్కడ ఆశ్రయం పొంది ఉంటాయని నేననుకుంటున్నాను.

అయిదో సభ్యుడు :

కూర్మానికీ, బలికీ ఏమిటి సంబంధం ? వామనుడికీ, బలికీ కదా సంబంధం ?

ఏడో సభ్యుడు :

సాగరమధనం జరిగింది బలిచక్రవర్తి సమయంలోనే కదా ?

అయిదో సభ్యుడు :

లేదండి !

ఎనిమిదో సభ్యుడు :

ఆఫ్ఘనిస్తాన్ కూడా గాంధార దేశమనే పేరుతో భరతవర్షంలో భాగంగానే వర్ణించబడి ఉంది కదా ?

అయిదో సభ్యుడు :

అవును. ఒకప్పటి భారతం ఇప్పటి ఇరాక్ నుంచి ఇండోనేషియా వరకు వ్యాపించింది.

రెండో సభ్యుడు :

http://2ndlook.wordpress.com/

http://bibhudev.blogspot.com/

మిత్రులు అందరు ఇస్తున్న వివిద లింకులు అన్ని అందుబాటులొ ఉండేవిదంగా ఒక పట్టిక (బ్లాగు పేజి) ప్రచురిస్తే బాగుంటుంది. ఎవరికి వారు Google లొ వెతుక్కొవచ్చు కాని, సమయము వృదా అవుతుంది. అన్ని ఒక ప్లేస్ లొ ఉంటే బాగుంటుంది.

అయిదో సభ్యుడు :

లంకెలో చాలా విషయాలు ఉన్నాయి -కృతజ్ఞతలు

మూడో సభ్యుడు :

పూర్వం ఎక్కడెక్కడైతే హిందూమతం ఉండేదో అదల్లా భారతదేశం అనుకోవడం సరైన కోణం కాదనుకుంటా. నిజానికి ఈ విషయంలో చాలా confusion ప్రచారంలో ఉంది. మనమంతా ఆ confusion లోనే పుట్టి పెఱిగాం. భారతదేశం అనేది ఒక ఆధునిక రాజకీయ పరిభావన. ఇది ఇటీవలి British ideological construct. ఇది ప్రాచీనం కాదు. ప్రాచీనకాలంలో తెలిసినవి భారతవర్షం, భారతఖండం మాత్రమే. అయితే ఇవిరాజకీయ స్వరూపాలూ కావు. సాంస్కృతిక స్వరూపాలూ కావు. భౌగోళికాలు మాత్రమే. జంబూద్వీపం (Asia) లో ఉన్న ఇలావృతవర్షం, రమ్యకవర్షం, కిన్నరవర్షం, కింపురుషవర్షం లాంటి అనేక వర్షాలలో ఒకటి భారతవర్షం. మళ్లీ ఇదీ, భరతఖండమూ ఒకటి కావు. బ్రహ్మాండ పురాణంలో వీటన్నింటి గుఱించిన వర్ణనా విపులంగా ఇచ్చారు. ఒకసారి చూడండి.

అయిదో సభ్యుడు :

ఋగ్వేదంలో ప్రస్తావన ఉంది. ఇక్కడ మూలాలు సాంస్కృతిక ఐక్యతతో ఉన్నాయి బ్రిటిషువాడు అసలు మనం ఒక దేశం అని ఎప్పుడూ ఒప్పుకోలే. వాడి అవసరం దృష్ట్యా ! గంగ అనాది. గోవు, రాముడు, కృష్ణుడు, ఇతర ఆచారాలు, వ్యవహారాలూ ప్రకృతిపూజ - అన్నీ కూడా ఒక వివిధరకాల పూలతో చేసిన పూలమాలలో దారంలా ఇక్కడ ఒకే జాతి తరతరాలుగా నివసిస్తున్నది.

శ్లో|| ఉత్తరం యత్ సముద్రస్య హిమాద్రేశ్చైవ దక్షిణమ్ |

వర్షం తద్ భారతం నామ భారతీ యత్ర సంతతిః |

(ఇంకా ఉంది)

అందఱూ ఒకప్పుడు బ్రాహ్మణులే !

2012-01-19T14:13:00.001+05:30

ఈ వ్యాస సంకలనం ఈ క్రింది లంకెలో PDF గా లభిస్తోంది.

http://www.archive.org/details/AllWereBrahminsOnceUponATimetelugu

మంచిభార్య కావాలన్నా తపస్సు చేయాలి

2012-01-14T22:09:00.009+05:30

మంచిభర్త రావాలని పెళ్ళికాని ఆడపిల్లలచేత సాంప్రదాయిక విశ్వాసాలున్న హిందూ పెద్దలు కొన్ని వ్రతాలూ, నోములూ, పండుగలూ, పారాయణలూ ఆచరింపజేస్తూంటారు. ఈ విధమైన ఆచరణల్లో వరలక్ష్మీవ్రతం, అట్లతద్దె మొదలైనవి ఉన్నాయి. ఆడపిల్లల్లో కూడా పాశ్చాత్యవిద్య విస్తారంగా ప్రబలినాక ఈ సత్సంప్రదాయం క్రమేపీ మఱుగున పడుతూ వస్తున్నది. అయినా ఎంతకీ పెళ్ళికాని సందర్భాలలో - వయసు వాటారుతున్న కన్యల చేత ఆఖరి ప్రయత్నంగా రుక్మిణీకల్యాణం పారాయణ చేయించడం ఇప్పటికీ ఉన్నది.

మంచిభార్య రావాలని చెప్పి మగపిల్లల చేత ఈ విధమైన ఆచరణలు చేయించడం మాత్రం ఎక్కడా లేదు. "భార్య అంటే అబల, ఎలా కావాలంటే అలా వాయించదగ్గ తబల, అనుకూలంగా ఉండక ఏం చేస్తుందిలే ?" అనుకుని మనవాళ్లు ఈ విషయానికి అస్సలు ప్రాధాన్యమే ఇవ్వకపోవడం ఒక కారణం. కానీ మన ప్రాచీన కథల్నీ, పురాణాల్నీ పరిశీలిస్తే భర్తలకి జీవితాన్ని నరకప్రాయం చేసిన భార్యలు సృష్ట్యాదినుంచీ ఉన్నారు. వీరు ఫెమినిజంతో వచ్చినవారు కారు. అది పోయినంత మాత్రాన పోయేవారూ కారు. పైకి అందఱి ముందూ అణిగిమణిగి ఉన్నట్లు కనిపిస్తూ (నటిస్తూ) రహస్యంగా తమ తెలివితేటలకి పదునుపెట్టుకునే తరహా స్త్రీలక్కూడా కొదవలేదీ భారతభూమిలో ! కొన్నిసార్లు భర్త ఒక్కడికి మాత్రం విధేయురాలుగా ఉంటూ ఇహ తతిమ్మా కుటుంబసభ్యులందఱికీ ద్రోహం తలపెట్టే క్యారెక్టర్లు కూడా మొదట్నుంచీ ఉన్నాయి. అందుచేత మంచిభార్య, అందమైన భార్య రావాలంటే మగపిల్లలు కాస్త తపస్సు చేయడం అవసరం. ముఖ్యంగా ఈ నాగరికతలో స్త్రీల మనస్సుని మళ్ళించి, వాళ్ళ మతి పోగొట్టి, వాళ్ళు భర్తకీ, పిల్లలకీ పనికిరాకుండా పోయేలా పాడుచేసే బయటి ప్రభావాలు చాలా ఎక్కువయ్యాయి.

మనం రోజూ పొద్దున్నే లేచి ఎవఱి మొహం చూస్తామో, ఎవఱితో కలిసి ఒకే కప్పుకింద నివసిస్తామో, ఎవఱి సాన్నిహిత్యంలో మనసులోని బరువులు దించుకుంటామో, ఎవఱున్నారనే ధైర్యంతో ఇంటినుంచి బయటికీ, బయట్నుంచి ఇంటికీ వెళతామో ఆ జీవితభాగస్వామి(ని) సరైన వ్యక్తి అయి ఉండడం చాలా ముఖ్యం. వధువు ఆరోగ్యవంతురాలూ, పిల్లల్ని కనగల త్రాణ గలిగినదీ, రజోదోషాలతో బాధలు పడనిదీ అయి ఉండాలి. ఆమెకు పెళ్ళి కాక ముందు ఏ ఇతర పురుషుడితోనూ సంబంధం, అభిమానం, అటాచిమెంట్ ఉండకూడదు. ఒకఱో ఇద్దఱో అన్నదమ్ములు గలదై ఉండాలి. కేవలం అక్కచెల్లెళ్ళు మాత్రమే ఉన్న స్త్రీలల్లో ఫెమినిస్టు భావాలు చాలా అధికంగా ఉంటాయి. అలాంటి ప్రిజుడీసులు భర్తతో సర్దుకు పోయే ప్రక్రియకి హిమాలయాల్లా, మేరుపర్వతాల్లా అడ్డుపడతాయి. తండ్రి వదిలేసిన తల్లి గలదీ, మొదట్నుంచీ తల్లిపోషణలోనే ఉన్నదీ అయిన కన్య కూడా ఈ పై తరహాకి చెందినదే అయి ఉంటుంది. కానీ వాళ్ళింట్లో దైవభక్తి బావున్నప్పుడు ఫెమినిస్టు ధోరణులు కాస్త తగ్గుముఖంలోనే ఉంటాయి. కనుక చేసుకోవచ్చు.

ఆమె యొక్క బంధుమిత్త్రవర్గంలో అత్యంత ధనికులూ, కోర్టుపక్షులూ, జైలుపక్షులూ, పాత్రికేయులూ, పోలీసులూ, న్యాయవాదులూ ఉంటే అవన్నీ ఏదో ఒకరోజున వరుడి మెడకి గుదిబండల్లా చుట్టుకోవడం ఖాయం. ఇహపోతే పెళ్ళయ్యాక స్త్రీ జీవితాంతం భర్తకే విధేయురాలై ఉండాలి. ఇతరుల కోసం భర్తని నిలువునా నట్టేట్లో ముంచేదై ఉండకూడదు, ఆ ఇతరులు పుట్టింటివాళ్ళయినా సరే, సాక్షాత్తూ తన కడుపున పుట్టిన పిల్లలైనా సరే ! అతివిద్య, అతితెలివితేటలు, అతి-అఛీవ్‌మెంట్లు, అతిలోకజ్ఞానం, అతిసంపాదన, అతి-ఆస్తులూ, అతిపరిచయాలూ, అతి ఆత్మవిశ్వాసం, అతివాగుడు గల స్త్రీలు కూడా పెళ్ళికి బొత్తిగా పనికిరారు. అలాంటివారిని మొగ్గలోనే తిరస్కరించడం, ప్రయత్నపూర్వకంగా వదిలించుకోవడం మగవాడికి అన్నివిధాలా శ్రేయస్కరం. వారిని కాస్త తెలివిగా సమయస్ఫూర్తితో ఇంటర్వ్యూ చేస్తే ఈ లక్షణాలు వారిలో ఉన్నాయా ? లేదా ? అనేది వాసనపట్టవచ్చు.

అయితే ఎన్నిజాగ్రత్తలు తీసుకున్నా భగవదనుగ్రహం గనక లోపిస్తే గయ్యాళిగంపలు మన ఇంట్లో అడుగుపెట్టడం ఖాయం. వారు మనల్ని రాచిరంపాన పెట్టడం తథ్యం. ఎంత ప్రయత్నించు, సర్వశుభలక్షణాలూ మూర్తీభవించిన ఆ స్వప్నసుందరీమణి ఎక్కడా లభించదు. ప్రతివారిలోనూ ఏవో కొన్ని లోటుపాట్లు ఉండనే ఉంటాయి, మనలో ఉన్నట్లే ! పూర్వజన్మలో స్త్రీలని హింసించినవారు మాత్రమే ఈ జన్మలో వారి చేతుల్లో హింసలు పడతారు. స్త్రీజనాభిమానులైన ఇతరులకి ఏ బాధా లేదు. కాబట్టి "ఈ జన్మలో మంచివాళ్ళమే కదా, మనకీ అశాంతి ఎందుకు సంప్రాప్తమయిందో" అని కుమిలిపోవడం అమాయకత్వం. ఆ జన్మకి సంబంధించిన లెక్కల పుస్తకాలూ, దస్తరాలూ ఎప్పుడో పరిష్కరించి మూసేయడం జఱిగింది. వాటిమీద ’న్యాయమూర్తి’ ఇచ్చిన తీర్పొక్కటే ఇప్పుడు ఈ జన్మ ద్వారా అమలవుతున్నది. ఈ జన్మకి సంబంధించిన అకౌంట్లూ, ఫైళ్ళూ ఇప్పుడింకా తయారవుతూ ఉన్నాయి. వీటిమీద చివర్లో వస్తుంది తీర్పు. అది వచ్చే జన్మలో అమలవుతుంది.

మన కంటే మనల్ని పుట్టించినవాడికి బాగా తెలుసు మనకేది మంచిదో ! కనుక మగపిల్లలు మంచిభార్య రావాలని చెప్పి కనకదుర్గమ్మవారిని లేదా లలితాంబికను నిష్ఠగా కొలిస్తే ఆవిడే పూర్వజన్మదోషాన్ని నివర్తించి తమకు తగ్గ భార్యల్ని సిద్ధం చేస్తారు. తనకు తగ్గ భార్య వస్తే చాలు, ఆమే సర్వశుభలక్షణవతి. అన్ని శుభలక్షణాలూ ఉండి తనకు మాత్రం అనుకూలురాలు కాకపోతే ఉపయోగమేముంది ? నిజం చెప్పాలంటే దుర్గోపాసకులకి భార్యే కాదు. యావత్ స్త్రీజాతీ అనుకూలంగా మారిపోతుంది. ఈ జన్మలోనే కాదు, వచ్చే జన్మలో కూడాను ! (దీన్ని మఱోలా అపార్థం చేసుకోవద్దు) ఈ విషయప్రాధాన్యాన్ని గమనించే అర్గళాస్తోత్రంలో--

శ్లో|| భార్యాం మనోరమాం దేహి మనోవృత్తానుసారిణీమ్ |
రూపం దేహి జయం దేహి యశో దేహి ద్విషో జహి ||

అని అమ్మవారిని ప్రార్థించారు కొందఱు పూర్వీకులు. కొందఱు పురుషులు ఒక్క భార్యతో సంతృప్తి చెందరు. వారిక్కూడా ఇదే పద్ధతి. వధువును నిర్ణయించుకోవడానికి 11 నెలల ముందునుంచి సత్కళత్ర సిద్ధి (మంచిభార్య లభించడం) అనే సంకల్పంతో ప్రతినెలా నెలకోసారి చొప్పున లక్ష్మీహోమం చేసుకోవడం కూడా అద్భుతఫలప్రదం. కాస్త ఖర్చవుతుంది కానీ తప్పదు.

సంక్రాంతి అంటే !!!!!

2012-01-13T20:55:00.009+05:30

మనకందరికీ నక్షత్రాలు 27 అని బాగా తెలుసు. మళ్లీ ఒక్కొక్క నక్షత్రానికి నాలుగు పాదాలు. ఒక్క నక్షత్రానికి నాలుగు పాదాల లెక్కన 108 పాదాలుగా నక్షత్రాలు విభజించారు. తిరిగి 108 పాదాల్ని 12 రాశులుగా విభజించారు. ఇందులో భాగంగా... సూర్యుడు నెలకొక రాశిలో ప్రవేశిస్తాడు. సూర్యుడు ఏ రాశిలో ప్రవేశిస్తే ఆ రాశి ఆ సంక్రాంతిగా వ్యవహరించబడుతోంది. ఇలాగే... మకరరాశిలో సూర్యుడు ప్రవేశించిన రోజుని మకర సంక్రాంతి లేదా మకర సంక్రమణం అంటారు శాస్త్ర, పురాణాల వాక్కు.

(నేటి వైజ్ఙానికులకు, అంతా ట్రాష్ అనుక్కునేవారికి ఇది విచిత్రంగానో మూఢనమ్మకంగానో తోచవచ్చు లేదా ఈ జ్యోతిష్యం, సూర్యుడు, నక్షత్రాలు బ్లా బ్లా బ్లా అని అనుక్కోనూవచ్చు. పాపం వారికి తెలియనిదేమంటే భౌగోళికంగా కూడా ఈ సంక్రాంతి రోజు నుంచీ భూమి సూర్యుని చుట్టూ తిరిగేటప్పుడు మిగిలిన ఆరు నెలలపాటు కొంచెం సూర్యుని వైపు మొగ్గి (TILT) తిరుగుతుంది. దాని వలన సూర్యుని ఆకర్షణ శక్తి భూమి మీద పడి తదనుగుణ లక్షణాలు , సూర్య తరంగాలు భూమి మీద ఉండేవారి మీద ప్రసరిస్తాయి. దీన్ని ఉత్తరాయణ పుణ్యకాలమని పెద్దలు నిర్ణయించారు, దీని వెనకున్న శక్తినే మనం దైవం అంటాం, పాపం వారికేమనాలో తెలియక తంటాలు పడుతుంటారు. (అంతర్ముఖ సమారాధ్యా బహిర్ముఖ సుదుర్లభా కదా మరి, అలా వెతికేస్తే చేతికి దొరికేస్తుందేమిటి పరబ్రహ్మం...?)

సూర్యుడు ధనూరాశి నుంచి మకరరాశిలోకి ప్రవేశించినప్పటి నుంచి కర్కాటకరాశిలోకి ప్రవేశించే వరకు దేవతలకు పగలుగా ఉంటుంది. ఈ సమయాన్నే ఉత్తరాయణం అంటారు. అలాగే సూర్యుడు కర్కాటకరాశిలో ప్రవేశించినప్పటి నుంచి ధనూరాశిలో ప్రవేశించే వరకు దేవతలకు రాత్రిగా ఉంటుందని శాస్త్రవచనం

అందుచేత ఉత్తరాయణం దేవతలకు పగలుగా ఉంటుంది... కాబట్టి.. దేవతలకు పగటి కాలంలో యజ్ఞయాగాదులు చేసి వారి అనుగ్రహాన్ని పొందమని మకర సంక్రాంతి సూచిస్తుంది. ఇంకా చెప్పాలంటే... ఉత్తరాయణ పుణ్యకాలం ఉత్తమ లోకప్రాప్తిని కలిగిస్తుందని విశ్వాసం. అంతే కాదు దక్షిణాయనం అంతా ఉపాసనాకాలం దక్షిణాయనం లో మరణిస్తే ఉపాసన చేసుకునే అవకాశం పోతుందని పెద్దలు ఊర్ధ్వముఖరేతస్సు కలవారు తమ మరణాన్ని ఉత్తరాయణంలో పొందేవారు. అందుకే పూర్వం భీష్ముడు ఉత్తరాయణ పుణ్యకాలంలో స్వచ్ఛందమరణాన్ని కోరుకున్నాడు.

రాబోవు ఉత్తరాయణ పుణ్యకాలంలో ఎన్నో ధార్మిక కార్యక్రమాలు చేపట్టి ఆధ్యాత్మికంగా అందరూ పై పై మెట్లు ఎక్కాలని ఆశిస్తూ....

సర్వే జనాః సుఖినో భవంతు |

-------------------------------------------------------

ఇవి హిందూ దేవాలయాలా ? ఇంగ్లీష్ చర్చిలా ?

2012-01-08T18:24:00.005+05:30

ఈ రోజుల్లో ఏ హిందూ దేవాలయంలో చూసినా ఇంగ్లీషు రాజ్యమేలుతున్నట్లు కనిపిస్తున్నది. దేవాలయం గుమ్మం దగ్గఱ అడుగుపెడుతూనే Phalaanaa Swamy -Phalaanaa Ammavaarla Devasthaanam అని ఇంగ్లీషులో రాసున్న ఱెక్కమాను కనిపిస్తుంది. లోపలికి వెళ్ళాక Silence, Q (queue), No smoking అని కనిపిస్తాయి. దేవుడికి చేసే సేవల జాబితా ఇంగ్లీషులో రాసి గోడకి తగిలిస్తున్నారు. Ticket Counter అని రాసుండడమే కాక ఆ టిక్కెట్లూ, రశీదులూ, టోకెన్‌లూ అన్నీ ఇంగ్లీషులోనే ఉంటాయి. ఇహ భక్తులకి సంబంధం లేని కార్యాలయ సామగ్రి అయిన దేవాలయ చిట్టాలూ, లెక్కలూ, ఆవర్జాలూ, కవిలెలూ, ఉత్తర ప్రత్యుత్తర వ్యవహారాలూ అన్ని సర్వం సమస్తం ఇంగ్లీషులోనే ! ఇంకా శంకుస్థాపన ఫలకాలూ, దాతల పేర్లు కూడా ఇంగ్లీషులోనే !

ఈ మధ్య గణపతి సచ్చిదానందస్వామి ఆశ్రమంలో ఇంకో వైచిత్రి కూడా గమనించాను. అక్కడ పైన చెప్పిన విధంగా ఫలకాలూ, టిక్కెట్లూ ఉండడమే కాక మంత్రాల్ని ఇంగ్లీషులో ముద్రించిన శాలువాలు కప్పుకొని పూజారులు పూజలు చేయడం గోచరించింది. ఉండబట్టలేక అడిగేశాను : "మీరు హిందూదేవాలయంలో పనిచేస్తూ ఇలా ఇంగ్లీషులో రాసున్న శాలువాలతో పూజలు చేయొచ్చునా ? దీని బదులు జీన్ ప్యాంట్లేసుకొని పూజ చెయొచ్చు గదా ?" అని ! అతని పక్కనున్న కొంచెం పెద్ద పూజారి అందుకొని "భాష ఏదైనా ఆ స్వామినామం ఉంటే చాలని మా ఉద్దేశం" అని సమర్థించుకోబోయాడు. "బావుందండీ ! కానీ సంప్రదాయం సంప్రదాయమే కదా ? నా మనస్సు కలుక్కుమంది అందుకే అడిగాను" అన్నాను నేను. నా నోటిదాకా ఎన్నో మాటలొచ్చాయి. కానీ నేనక్కడికి వెళ్ళిన ప్రయోజనం అక్కడి పూజారులతో వాదించడం కాదు గనుక నోరు మూసుకొని పూజచేయించి బయటపడ్డాను. మంత్రాలయ రాఘవేంద్రస్వామి వారి ఆలయంలో కూడా సర్వేసర్వత్ర ఇదే తంతు. సేవ చేయించిన భక్తులకి స్వామినామాన్ని శ్లోకాన్ని ఇంగ్లీషులో ముద్రించిన సిల్కు శాలువా బహుకరిస్తారు. ఇంగ్లీషు అక్షరాల్లో మఠం పేరు చెక్కిన స్వామివిగ్రహాన్ని ఇస్తారు. ఇక్కడి వైచిత్రి ఇంకో రకంగా ఉంటుంది. భాష విషయంలో ఇంత సంప్రదాయ ఉల్లంఘన చేస్తున్న మంత్రాలయ మఠం వారు ప్యాంటూ, చొక్కా ధరించిన భక్తులకి భోజనం పెట్టరు. పరాయిభాషని ఆప్యాయంగా కౌగలించుకున్నవారు పరాయివేషాన్ని మాత్రం ఎందుకలా కౌగలించుకోలేక పోతున్నారో వారే చెప్పాలి. నా దృష్టిలో ఆ రెండూ మన మతానికి విసర్జనీయాలే.

ఇలా ఉన్నారు మతాచార్యులు, తాము చెడిపోయింది గాక తతిమ్మా హిందువులందఱినీ చెడగొడుతూ ! వీళ్ళని హిందువులు నమ్ముకున్నదొకదానికి. వీళ్ళు ఆచరణలో చేస్తున్నది మాత్రం ఇంకొకటి. వీళ్ళు మధ్వులో, వైష్ణవులో, శైవులో, స్మార్తులో ఎవరైతేనేంటి ? ఏ ఱాయైతేనేం పళ్ళూడగొట్టుకోవడానికి ? మఱి దేవాలయాల్లో క్రైస్తవుల్ని నియమిస్తే మనమెందుకు నెత్తీ నోరూ లబలబా కొట్టుకోవడం, ఇక్కడ పనిచేస్తున్న బ్రాహ్మలే ఇలా క్రమక్రమంగా మానసిక, అనుష్ఠాన క్రైస్తవులుగా మారిపోతున్నప్పుడు ?

నిజమేనా ? భాష ఏదైనా ఆ స్వామినామం ఉంటే చాలా ?

దీన్ని కొంచెం లోతుగా పరిశీలిద్దాం. మొదట్లో ఈ దేశంలో ఇంగ్లీషువారి సైనికస్థావరాలకే పరిమితమైన ఇంగ్లీషు, వారికి రాజకీయాధికారం దఖలుపడ్డాక కార్యాలయాల్లో ప్రవేశించింది. అటుపిమ్మట పాఠశాలల్లోకి ప్రవేశించింది. పిదప ఇళ్ళలోకి ప్రవేశించింది. ఇప్పుడు సంప్రదాయానికీ, సంస్కృతులకీ కాణాచిగా నిలవాల్సిన దేవాలయాల్ని సైతం సంపూర్ణంగా ఆక్రమించేసింది. ఇక్కడ నేర్చుకోవాల్సిన గుణపాఠం "ఏదీ అక్కడితో ఆగదు" అని ! ఈరోజు ఏ భాషయినా ఏ లిపైనా ఫర్వాలేదంటున్నవారు ఱేపు ఏ దేవుడైనా ఫర్వాలేదంటే ? వాళ్ళు అనేదేంటి ? వాళ్ళ బదులు భక్తులే అనేస్తారు. ఱేపు మంత్రాలు కూడా ఇంగ్లీషులోనే చదివే సంభావ్యతని నేను త్రోసిపుచ్చలేను. అలాగే ఇంగ్లీషు రామాయణాలూ, ఇంగ్లీషు గీతలూ మైకులు పెట్టి మఱీ వినిపిస్తారేమో తెలియదు. ఆ తరువాత వాటి స్థానంలో బైబిల్ వినబడుతుంది. మతానికీ, జాతీయతకీ, సంస్కృతికీ, భాషే ఆయువుపట్టు. భాష మారితే అన్నీ మారిపోతాయనే జ్ఞానం ఈ జాతికెప్పుడు కలుగుతుంది ? ఇంగ్లీషేమైనా భారతీయభాషా ? అదేమైనా మన మతానికి సంస్కృతంలా పవిత్రమైన భాషా ? ఇతరదేశాలవాళ్ళకి మన సంస్కృతిని పరిచయం చేయడం కోసం మాత్రమే ఇంగ్లీషు. మనలో మనకి ఇంగ్లీషు అవసరమా ? మన దేవాలయాల్లో ఇంగ్లీషు అవసరమా ? ఇతరదేశాలతో వ్యవహరించడం కోసం ఇంగ్లీషన్నారు. తలూపాము. సైన్సూ, టెక్నాలజీ ఇంగ్లీషులో ఉన్నాయన్నారు. సరేనన్నాము. కంప్యూటర్లకోసం ఇంగ్లీషన్నారు చేతులెత్తేశాము. ఇప్పుడు దేవాలయాల్లో కర్ణకఠోరంగా ఈ ఇంగ్లీషేంటి ? అది కనీసం మనల్ని ప్రేమగా చూసుకున్నవాళ్ళ భాషైనా కాదు.

మనం ఇలా మన భాషల స్థానంలో అవి ఎక్కడుంటే అక్కడల్లా వాటిని ఎత్తి అవతల పారేసి అతికినా అతక్కపోయినా ఇంగ్లీషుని ప్రతిష్ఠిస్తున్నాం. తద్ద్వారా మనం చరిత్రలో మన ఉనికినీ, మన పూర్వీకుల ఉనికినీ రద్దు చేసిపారేస్తున్నాం. తెల్లవాళ్ళ చేతుల్లో నశించిపోయిన ఎన్నో ఆఫ్రికన్, అమెరికన్ తెగల దారిలో మనం నడుస్తున్నాం, మహోజ్జ్వలమైన చరిత్రా, సంస్కృతీ ఉండీ కూడా ! ఇంతమందిమి ఉండీ మనం ఒక భాషాజాతిగా నిష్కారణంగా అనవసరంగా ఎవరూ మనల్ని చంపకుండానే అంతరించిపోతున్నాం. కాదు, విదేశీ భాషావ్యామోహంతో మనల్ని మనమే అంతం చేసుకుంటున్నాం. ఆత్మహత్య చేసుకుంటున్నాం. ఇలా కొనసాగితే భావితరాలకి మనం దొఱక్కుండా పోతాం. మన పేర్లు, మన పూర్వీకుల పేర్లూ వినిపించవు. మన ఘనతలు కనిపించవు. ఇంగ్లీషే కనిపిస్తుంది. ఇంగ్లండే వినిపిస్తుంది. భవిష్యత్తులో ప్రతిదానికీ మూలాలు తెల్లవాళ్ళలోనే వెతకబడతాయి. ఆంధ్రా తెలియదు. ఆంధ్రుల గొప్పతనం తెలియదు. అసలు మనమంటూ మనుషులం ఉన్నామని కూడా భావితరాలకి ఎఱుక కలిగే అవకాశం లేదు.

ఈ దేశంలోంచి ఇంగ్లీషువాళ్ళని వెళ్ళగొట్టి వాళ్ళదైన ప్రతిదాన్నీ ఆబగా అప్యాయంగా కావిలించుకున్న ఈ మానసిక బానిసల జాతికి స్వాతంత్ర్యం ఎందులోనో, దేనికో నా కర్థం కావడంలేదు. మనకీ కుహనా స్వాతంత్ర్యం లేనిరోజుల్లోనే మనం సరైన మార్గంలో ఉన్నట్లు కనిపిస్తున్నది.

(కలగూరగంప బ్లాగునుంచి)

హోటళ్ళ సంస్కృతికి ప్రత్యామ్నాయం అవసరం

2012-01-04T15:23:00.002+05:30

హైదరాబాదులో ఆదివారం రోజున బయటికి రావాలంటే భయం. మిహతా వారాల్లో కంటే ఆదివారం పూట వాహనాల రద్దీ జాస్తి. రోడ్డు మీద మనల్ని పద్మవ్యూహం లా చుట్టుముట్టే ప్రతివాహనం మీదా ముందుసీట్లో ఒక మగవాడు, వెనకసీట్లో మహిళ(లు). ఇది ఆ రోజు సర్వసాధారణంగా కానవచ్చే దృశ్యం. "ఆదివారం పూటే ఎందుకిలా ?" అనడిగితే చాలా ఉంది చెప్పడానికి. పాపం, ఆ మగవాళ్ళు "కనీసం ఆదివారమన్నా కాస్త ఆలస్యంగా నిద్రలేద్దాం. క్యాంటీన్ వంటని ఒక్కరోజైనా మర్చిపోయి ఇంటివంట రుచిచూద్దాం. భార్యాబిడ్డలతో కాసేపు సరదాగా కబుర్లు చెప్పుకుందాం, క్యారమ్సూ, ఛెస్సూ ఆడుకుందాం. చాలా కాలంగా చదవాలని ముచ్చటపడి కొనుక్కున్న పుస్తకాన్ని కనీసం ఈ వారమైనా తెఱిచి చూద్దాం." అని ఏవేవో ఊహలతో ఉంటారు. కానీ ఆ రోజు కూడా వాళ్ళని ప్రశాంతంగా ఒకపూట నిద్రపోనివ్వరు పూర్తికాలిక గృహిణులైన ఆ భార్యలు. "నన్ను బయటికి తీసుకెళతావా ? ఛస్తావా ? నాకు అలా తిరిగి రావాలనుంది" అని బలవంతంగా భర్తల్ని బయటికి బయల్దేఱదీస్తారు. "రోజూ అన్నిచోట్లకూ తిరిగీ తిరిగీ నాకు విసుగొచ్చింది" అని అనదల్చుకున్న ఆ భర్త మాటలు గుండె గొంతుకలోన కొట్లాడినట్లు లోలోపలే అణిగిపోతాయి. ఆ రోజుకిహ ఆ ఇంట్లో వంట ఉండదు. సినిమా మల్టిప్లెక్సు, షాపింగు మల్టిప్లెక్సు, భోజనం మల్టిప్లెక్సు, కాలకృత్యాలు కూడా మల్టిప్లెక్సు.. ఇంటికొచ్చాక బి-కాంప్లెక్సు.

మనకు మన మనుషులు మధురస్మృతులు కావడం మానేసి హోటళ్ళు, సినిమాహాళ్ళూ, ప్లాస్టిక్ చెత్తతో నిండిన పార్కులూ, వాహనరద్దీలూ, పొగలూ, దుమ్మూ, ధూళీ, కాలుష్యం - ఇవన్నీ మధురస్మృతులుగా పరిణమించడం విచారకరం. ఈ రకమైన గృహ అశాంతికి ఒక కారణం - హోటల్ భోజనాలు ఇంట్లో భోజనాల కంటే బావుంటాయనే వృథాభ్రాంతి. అలా ఖర్చుపెట్టడం దర్జా అనే మఱో భ్రాంతి. దాన్ని విశ్రాంతిగా భావిస్తూ, ఒక sense of wellbeing ని అనుభూతి చెందాలని ప్రయత్నించే అమాయకత్వం. ఇది ఎక్కువభాగం వారపత్రికల్లో సీరియళ్ళు చదవడం వల్లా, టీవీలలో సీరియళ్ళు చూడ్డం వల్లా మన కుటుంబాల మీద పడ్డ ప్రతీప ప్రభావం. అదే సమయంలో ధనిక, ఎగువ మధ్యతరగతి జీవనశైలిని అనుభూతి చెందాలనే ఉత్సుకత. సరే, అది ప్రస్తావనాంతరం.

ప్రయాణంలో ఆచారం అర్ధభాగమే అన్నారు పెద్దలు. కనుక ప్రయాణంలో ఉన్నప్పుడు హోటళ్ళ దగ్గఱ రాజీపడొచ్చు. తప్పులేదు. కానీ ఉన్న ఊళ్ళోనే ఉంటూ ఈ అనాచారాలేంటి ? హోటళ్ళు హోటళ్ళుగా ఉండడం మానేసి అవి హిందూజాతికి దేవాలయాలతో సమానమైన ప్రాముఖ్యం గల సంస్థలుగా మారడం చాలా బాధ కలిగిస్తోంది. కొద్ది సంవత్సరాల క్రితం ఒకాయన ఉత్తరాది నుంచి దిగొచ్చి హైదరాబాదు చందానగర్ లో ఒక హోటల్లో మకాం పెట్టాడు "జ్యోతిష్యం చెప్పబడును" అంటూ ! హోటల్ లో మకాం పెట్టి వైద్యం చేసేవారి గుఱించి విన్నాం. జ్యోతిష్యం చెప్పేవారు కూడా ఉన్నారని తెలియడం అదే మొదటిసారి.

అదే విధంగా ఈ మధ్య హోటళ్ళలో పెళ్ళిళ్ళు, గర్భాధానాలూ, ఉపనయనాలూ చేయడం గుఱించి వింటున్నాను. ఇందుకు బ్రాహ్మణులు ఎలా అనుమతిస్తున్నారో నాకు తెలియదు. ఎలా చూసుకున్నా సరే, అవి ఎంత ఖరీదైన హోటళ్ళయినా సరే, హోటళ్ళు పవిత్రమైన ప్రదేశాలు మాత్రం కావు. అక్కడ నానాజాతులవారూ, నానా చిత్ర (చెత్త) అలవాట్లవారూ బసచేస్తారు. అక్కడ కొందఱు జనం బాత్‌రూములకీ, టాయిలెట్లకీ వెళ్ళి కాళ్ళూ చేతులూ కడుక్కోకుండా తిరిగేస్తూ ఉంటారు. అవి అనేక నీచ కార్యకలాపాలకు నిలయాలు. రౌడీలూ, గూండాలూ అక్కడ గదులు తీసుకొని "ఎవఱిని లేపెయ్యాలా ?" అని హింసాత్మక సమాలోచనలు చేస్తారు. భారీ లంచాల డీలింగులు కూడా అక్కడ కుదుర్చుకుంటూ ఉంటారు. అక్కడి సమావేశ మందిరాలలో తఱచుగా మందుపార్టీలు జఱుగుతుంటాయి. పిలుపుబాలికలు చాలా తఱచుగా హోటళ్ళని సందర్శిస్తూంటారు. అలాంటిచోట్ల కూర్చుని "గణానాం త్వా గణపతిం హవామహే, కవిం కవీనాం.." అని దేవతల్ని ఆవాహన చేస్తే వారు వస్తారా ? మన నైవేద్యాలు స్వీకరిస్తారా ? మన క్రతువుల్ని సఫలం చేస్తారా ? ఎవఱెవఱో, ఎందఱెందఱో ఎక్కితొక్కిన పరాయి ముఱికిమంచాల మీద మన గర్భాధాన మహోత్సవాలు జఱుపుకోవడంలోని వెగటునీ, అసహ్యాన్ని ఈ హిందూజాతి అనుభూతి చెందడం లేదేమీ ? మన మతధర్మ స్పృహనీ, మనో సున్నితత్వాల్ని మొఱటుబార్చి మనల్ని ఇలా మనుషుల స్థాయి నుంచి పందుల స్థాయికి దిగజార్చినదెవఱు ?

ఈ వెధవపని చేస్తున్నది మనం (హిందువులం) మాత్రమేననీ, ఇతరమతాలవారు ఇప్పటికీ తమ యొక్క సకలసబ్బండు కర్మల్నీ, సంస్కారాల్నీ తమ ప్రార్థనాలయాల్లోనే నిర్వహిస్తున్నారనీ ఈ సందర్భంగా గుర్తుచేసుకోవడం అవసరం. ఇంట్లో వివాహం కుదఱకపోతే కల్యాణమండపాలన్నారు. సమ్మతించాం. ఇంట్లో ఆబ్దికాలు కుదఱకపోతే అవి జఱిపించే బ్రాహ్మల ఇళ్ళకే వెళుతున్నామన్నారు. తల పంకించాం. పెళ్ళిముహూర్తానికి రాలేనివాళ్ళ కోసం హోటల్లో వారిని కలుసుకునే కార్యక్రమం (రిసెప్షన్) ఏర్పాటు చేశామన్నారు. కానీ అలా మెట్టుమెట్టూ దిగిపోతూ - ఈరోజు మఱీ అంకఛండాలంగా హోటళ్ళలో పెళ్ళిళ్ళూ, గర్భాధానాలూ, ఉపనయనాలూ, బ్రహ్మోపదేశాలూ ఏంటి బాబూ ? హోటళ్ళేమైనా దేవాలయాలా ?

వైదిక/ శ్రౌత/స్మార్త క్రియల నిర్వహణకు సరైన కాలమూ, దేశమూ అవసరం అన్నారు పెద్దలు. యోగాభ్యాసానిక్కూడా సరైన కాలమూ, దేశమూ అవసరమని హఠయోగప్రదీపికలోను, భగవద్గీతలోను చెప్పబడింది. కానీ హోటళ్ళు ఎట్టి పరిస్థితుల్లోను ఆ శ్రేణిలో చేఱవు. పూటకూళ్ళ కొంపల్లో గదులు అద్దెకు తీసుకొని శ్రౌతమూ, స్మార్తమూ నిర్వహించుకో వలసినదని ఏ ధర్మశాస్త్రమూ అనుశాసించి ఉండలేదు.

"గ్రాండ్ కాకతీయలో ఉపనయనము చేసికొనుము"

"హోటల్ వైస్రాయ్ లో పెండ్లి చేసుకొనుము."

"కృష్ణా ఓబెరాయ్ లో శోభనము జఱుపుకొనుము"

"అనేక బ్యాంకుల్ని యథాశక్తి ముంచి రాజీవ్ రెడ్డిగారు నిర్వహిస్తున్న ఖరీదైన కంట్రీక్లబ్ లో నీ తండ్రికి తద్దినము పెట్టుము"

అని ఏ గ్రంథంలోను వ్రాసిలేదు. ఒకవేళ మన ఇళ్ళలో ఈ క్రియల్ని నిర్వహించుకోవడం అధునాతన జీవనశైలిలో ఏ కారణం చేతనైనా వీలుపడకపోతే, హిందువులమంతా కలిసి ప్రతి ఊళ్ళోను వాటి కోసం ప్రత్యేక భవనాలు కట్టుకుందాం. అంతే తప్ప ఈ హోటళ్ళ వ్యామోహంతో తరతరాల పవిత్ర సంప్రదాయాన్ని భ్రష్టుపట్టించరాదు.

సనాతనధర్మానికి ప్రమాదం లేదు

2012-01-02T10:32:00.029+05:30

మనలో చాలామంది ఆందోళన చెందేది - మతమార్పుల వల్ల హిందూధర్మం కాలగర్భంలో కలుస్తుందేమోనని ! ప్రజాస్వామ్యయుగంలో ప్రజలెక్కువమంది దేనికి జై కొడితే అదే నిలుస్తుందనీ, కనుక హిందువుల సంఖ్య తగ్గితే హిందూధర్మం నశించిపోయినట్లేననీ భావించే భయభ్రాంతిపూరితభావనే ఇందుక్కారణం. ఇది పాక్షికంగా మాత్రమే వాస్తవం. ’పాక్షికంగా” అని ఎందుకంటున్నానంటే హిందూధర్మం చుట్టూ ఏర్పడిన అనంతరకాలీన ఉపరితల నిర్మాణాల్ని (super structures of later times) ని మాత్రమే మతమార్పులు కూలగొట్ట గలవు. మూలహిందూధర్మాన్ని మాత్రం ఏమీ చేయజాలవు. ఉపరితల నిర్మాణాలంటే మన సంగీతం, సాహిత్యం మొ||

కానీ మూలహిందూధర్మం నశించిపోవడం జఱగదు. ఎందుకంటే హిందూధర్మం జనసంఖ్య మీద ఆధారపడినది కాదు. దీన్ని ప్రత్యేకంగా "సనాతనధర్మం" అని పిలవడానికీ, మిగతా వన్నీ కేవలం "మతాలు" (cults) మాత్రమే అవడానికీ గల కారణం ఇది. ఈ "మతాలు" కలిపురుషవిజృంభణలో భాగంగా కొత్తగా ఉప్పతిల్లినటువంటివి. పురాణాలలో చెప్పినట్లు, అల్పజ్ఞానులూ, అల్పమేధస్కులూ, అల్పాయుష్కులూ, శిశ్నోదరపరాయణులూ అయిన కలికాలపు హీనజనం యొక్క సంస్కారానికీ, అవసరాలకూ అనుగుణంగా భగవంతుడు ఆధ్యాత్మికతాకషాయాన్ని బాగా నీళ్ళుపోసి పల్చబార్చి భూలోకంలోకి పంపినటువంటివి. అంటే ఈ సంకుచితమతాలకొక తాత్కాలికమైన చారిత్రిక పాత్ర ఉన్నది. ఆ పాత్ర ప్రయోజనం నెఱవేఱగానే వాటంతట అవే కాలగర్భంలో కలిసిపోతాయి.

ఈ విషయాన్ని మనం కొన్ని ఉదాహరణల ద్వారా తెలుసుకోవచ్చు. శ్రీపాద శ్రీవల్లభుల జీవితచరిత్రలో ఇలా ఉంది. దత్తాత్రేయస్వాములవారి ఆజ్ఞానుసారం శంకరభట్టు సంస్కృతంలో శ్రీపాదశ్రీవల్లభుల చరిత్ర వ్రాశాడు. దానికున్న రెండుప్రతులలో ఒకదాన్ని సిద్ధులూ, గంధర్వులూ తీసుకెళ్ళిపోగా ఒక ప్రతి మట్టుకు పశ్చిమగోదావరిజిల్లా భీమవరానికి చెందిన మల్లాదివారింట్లో ఉన్నది. శ్రీమాన్ మల్లాది గోవిందదీక్షితులు తల్లివైపునుంచి శ్రీపాద శ్రీవల్లభుల వంశానికి చెందినవారు. వారు మళ్ళీ దత్తాజ్ఞ ననుసరించి ఆ పుస్తకాన్ని కొద్ది సంవత్సరాల క్రితం తెలుగులోకి అనువదించారు. అనూచానంగా వచ్చిన మూలసంస్కృత ప్రతిని కృష్ణానదిలో నిమజ్జనం చేశారు. కలియుగం గడిచిపోయి సత్యయుగం వచ్చిన తరువాత సంస్కృతప్రతిని సిద్ధులు మళ్ళీ భూలోకానికి తీసుకొస్తారని వ్రాశారు.

రెండో ఆధారాన్ని వాగ్గేయకారశిరోమణి శ్రీ త్యాగరాజు జీవితంలో చూడవచ్చు. నారదమహర్షి సంగీతం మీద ఒక పుస్తకం వ్రాశారనీ, అది అంతరించిపోయిందనీ విని త్యాగరాజుగారు బాధపడ్డారు. కానీ ఆ తరువాతికాలంలో నారదమహర్షే ఆయనకు స్వయంగా దర్శనమిచ్చి ఆ సంగీతగ్రంథంలోని రహస్యాల్ని బోధించారు. ఆ గ్రంథం భౌతికంగా జనాల పఠనపాఠనాల్లోంచి తొలగిపోయింది. కానీ దాన్ని రచించిన నారదమహర్షి మాత్రం ఇప్పటికీ ఉన్నారు.

మూడో ఆధారాన్ని విద్యారణ్యస్వాములవారి జీవితచరిత్రలోంచి గ్రహించవచ్చు. శ్రీ వేదవ్యాస మహర్షులవారు కాశీలో రోజూ పొద్దుపొడవకముందే మారువేషంలో గంగానదిలో స్నానానికి వస్తారని ఆయన విన్నాడట. రాత్రంతా నిద్రకాచి తెల్లవారుఝామున అక్కడికి నాలుగు కుక్కలతో వచ్చిన మాలవాడే వేదవ్యాసుడని గ్రహించి ఆయన కాళ్ళు గట్టిగా పట్టుకున్నాడట. ఆ మాలాయన తనను కసిరినా, తన్నినా, తోసినా, బండబూతులు తిట్టినా విద్యారణ్యుల వారు వదల్లేదట. అప్పు డాయన సంతోషించి తన నిజస్వరూపంతో విద్యారణ్యస్వాములవారికి దర్శనమిచ్చాడట.

నాలుగో ఆధారం - నా స్వానుభవం. నాచేత అమ్మవారు కొన్ని మంత్రాలు చదివించారు. ఆవిడ ఉపదేశిస్తూంటే నేను పలికాను. కానీ చిత్రమేంటంటే ఆ మంత్రాల్ని నేనప్పటి వఱకూ ఎక్కడా వినలేదు, కనలేదు, చదవలేదు. అవి ఉన్నట్లు నాకే కాదు, ఇతరులక్కూడా తెలియదు. ఇవి ఎక్కడివో, ఏనాటివో, ఏ ఋషి దర్శించినవో !!

అంటే ఈ హిందూమంత్రాలూ, శాస్త్రాలూ, ఉపాసనాపద్ధతులూ అన్నీ వాటివాటి అధిష్ఠాన దేవతల చేతా, సిద్ధపురుషుల చేతా, గోత్రఋషుల చేతా భద్రంగా కాపాడబడుతున్నాయి. ఈరోజున బజారులో దొఱక్కపోయినంతమాత్రాన అవేమీ నశించిపోలేదు. ఎప్పటికీ నశించవు కూడా. వాటిని నేర్చుకోవడానికి అర్హులైన ఉపాసకులు లేక వారు వాటిని బహిరంగపఱచడం లేదు. ఈ కలిదోషం పూర్తిగా నివర్తించాలనే వారూ ఎదుఱుచూస్తున్నారు. కానీ మఱో 400 - 500 సంవత్సరాలకు గానీ ఆ శుభదినం రాకపోవచ్చు.

ఆవు నెయ్యి గురించిన చిన్న విశేషం

2011-12-28T20:18:00.000+05:30

శ్రీ గురుభ్యోన్నమః

నమస్తే
ఆవు నెయ్యి గురించిన చిన్న విశేషాన్ని గురించిన వివరం..

గోమాత నామావళిలో హవ్య కవ్య ప్రదాయిని అన్న నామమున్నది. గోఘృతం లేదా ఆవు నెయ్యితోనే దేవతలకు హవిస్సులర్పిస్తాము అలానే పితృదేవతలకు కవ్యమూ.. ఇది అందరకూ తెలిసినదే, ఐతే నిత్యమూ యజ్ఞ యాగాదులు జరిగేచోట, ఆవు నెయ్యి ఇతర సమిధలతో కాలి ఆవిరి అయ్యిన చోట రేడియోధార్మిక పదార్థాల యొక్క విషపు గాలులయొక్క ప్రభావం నామమాత్రం లేదా అసలు ఉండదని రష్యన్ శాస్త్రజ్ఙ్యులు డా శిరోవిచ్ తమ పరిశోధనలో తెలిపి నిరూపించారు. మనవాళ్ళు చెప్తే నమ్మని మన వారు ఇతరులు చెప్పినా కొన్ని సార్లు సనాతన ధర్మ గొప్పదనాన్ని ఒప్పుకోలేరు. ఈ విషయం 1980వ దశకంలో జరిగిన అత్యంత ఘోర ప్రమాదమైన భోపాల్ గ్యాస్ విషవాయువులు, రేడియోధార్మికశక్తిల వలన ఆ ప్రాంత చుట్టూ ఐదారు మైళ్ళ వరకూ అత్యంత ఉపద్రవంతో కూడిన వ్యాధులు సోకాయి, ఎందరో చనిపోయారు, కొందరికి చర్మం కాలిపోయింది, ఇప్పటికీ ఆ ప్రాంతం వారిలో కొంతమందికి ఆ రసాయనాల వల్ల కలిగిన రోగాలను పోగొట్టుకోలేని స్థితిలో ఉన్నారు.

ఇంత అత్యంత దారుణ బాధాకరవిపత్కర పరిస్థితులలో ఈ ప్రమాదం సంభవించిన కర్మాగారానికి ఒక మైలులోపు ఉన్న రెండు కుటుంబాలకు మాత్రం ఎటువంటి హానీ జరగలేదు, ఎవరి ప్రాణాలకీ ముప్పు కలగలేదు, కనీసం ఎవరూ అనారోగ్యం పాలు కాలేదు. కారణం ఈ రెండు కుటుంబాలు......
for full article https://groups.google.com/group/gomata/browse_thread/thread/ae65a756272eb1ec?hl=en
This email and any attachments are confidential, and may be legally privileged and protected by copyright. If you are not the intended recipient dissemination or copying of this email is prohibited. If you have received this in error, please notify the sender by replying by email and then delete the email completely from your system. Any views or opinions are solely those of the sender. This communication is not intended to form a binding contract unless expressly indicated to the contrary and properly authorised. Any actions taken on the basis of this email are at the recipient's own risk.

This email is sent for and on behalf of Ivy Comptech Private Limited. Ivy Comptech Private Limited is a limited liability company.

This email and any attachments are confidential, and may be legally privileged and protected by copyright. If you are not the intended recipient dissemination or copying of this email is prohibited. If you have received this in error, please notify the sender by replying by email and then delete the email completely from your system.
Any views or opinions are solely those of the sender. This communication is not intended to form a binding contract on behalf of Ivy Comptech Private Limited unless expressly indicated to the contrary and properly authorised. Any actions taken on the basis of this email are at the recipient's own risk.

Registered office:
Ivy Comptech Private Limited, Cyber Spazio, Road No. 2, Banjara Hills, Hyderabad 500 033, Andhra Pradesh, India. Registered number: 37994. Registered in India. A list of members' names is available for inspection at the registered office.

'మతమే' మారాలి!

2011-12-21T12:33:00.001+05:30

15-11-2011 anshrajyothy daily

'మతమే' మారాలి!
హైందవంలో లోపాలూ మార్పిడికి ప్రేరణ
నిమ్న వర్గాలపై వివక్ష.. అవమానాలు
దేవుణ్ని దర్శించుకోవడానికీ డబ్బులే!

తన చుట్టూ ఉన్న సమాజంలో అత్యధిక సంఖ్యాకులు, తన పూర్వీకులు, కుటుంబీకులు అనుసరించే మతాన్ని కాకుండా మరో మతంలోకి వెళ్లాలని ఒక వ్యక్తి నిర్ణయించుకున్నాడంటే... అందుకు కొత్త మతంలోని ఆకర్షణ, కొత్తదనాన్ని వెతకాలన్న అన్వేషణతో పాటు, తానున్న మార్గంపై అసంతృప్తి కూడా ఎంతో కొంత కారణమవుతుంది. మత మార్పిడులు పెద్ద ఎత్తున జరుగుతున్న ఈ తరుణంలో రెండో కోణాన్ని చర్చించకుండా ఉండడం అసంపూర్ణమే అవుతుంది. ఆ ప్రయత్నమే ఈ కథనం...

హిందూ మతంలోని కుల వ్యవస్థ, అంటరానితనం, అంతరాలకు వ్యతిరేకంగా, సమానత్వాన్ని వెతుక్కుంటూ దళితులు ప్రారంభించిన ప్రయాణం మతాంతరీకరణలో తొలి ఘట్టం. ఇది దేశంలో సంచలన కారకమే అయినా మతం మారినవారిని ఎవరూ తప్పుబట్టలేకపోయారు. అయితే ప్రస్తుతం ఆ వర్గాలే కాకుండా, అటువంటి ఇబ్బందులు లేని ఇతర కులాలవారు కూడా పెద్దఎత్తున మతం మారడానికి కారణాలు అన్వేషిస్తే ఆసక్తికర సమాధానాలు, దిద్దుకోవాల్సిన అంశాలు కనిపిస్తాయి.

"హిందూమతం చాలా సరళం (ఫ్లెక్సిబుల్). ఎవరైనా అనుసరించవచ్చు. మతంలోనే ఉండి అనుసరించకపోయినా అడిగేవారు లేరు. ఎలాంటి కట్టుబాట్లు, క్రమశిక్షణ లేవు. అందువల్లే పక్క చూపులు చూడడానికి అవకాశం ఎక్కువ'' అని చిల్కూరు బాలాజీ ఆలయ ప్రధానార్చకుడు సౌందర్‌రాజన్ విశ్లేషించారు. దిల్‌సుఖ్‌నగర్‌కు చెందినరామకృష్ణ.. "ప్రపంచంలోని ఏ ఇతర మత ప్రార్థన స్థలాల్లోనూ దర్శనాలకు, పూజలకు, సేవలకు టికెట్లు, రుసుములు లేవు. కానీ హిందూ మతంలో గుడికి వెళ్లాలంటే టికెట్, దర్శనం చేసుకోవాలంటే రుసుము. ఎక్కడ చూసినా వ్యాపారమే'' అని తప్పుబట్టారు.

"మిగతా మతాల్లో దేవుడి ముందు అందరూ సమానమే. కానీ, హిందూ మతంలో డబ్బు, పలుకుబడి, అధికారం ఉన్నవాడికి ఒక పూజ, లేనివాడికి మరో పూజ. గుళ్లలో వీఐపీలు వచ్చినప్పుడల్లా హారతులివ్వడం ఏమిటో ఇప్పటికీ అర్థం కాదు'' అని మహేశ్వరం ప్రాంత రైతు కిష్టారెడ్డి అన్నారు. హిందూమత గురువులు, పూజారుల తీరును సామాజిక విశ్లేషకుడు రామకృష్ణ తప్పుబట్టారు. "మనం చర్చికో, మసీదుకో వెళ్లినపుడు అక్కడి గురువులు ఆప్యాయంగా పలకరిస్తారు. హిందూమత గురువులు అలా ఉండరు'' అని అభిప్రాయపడ్డారు.

"మతం మారాలనుకున్నప్పుడు అసలు మన మతంలో ఏముందో, వేరే మతంలో ఏముందో తెలుసుకోవాలి కదా? మారేవాళ్లంతా ఏం అధ్యయనం చేసి నిర్ణయం తీసుకుంటున్నారు? అసలు ఆ శక్తిసామర్థ్యాలు వారికున్నాయా? ఈ మౌలిక ప్రశ్నలకు జవాబు వెతకాల్సి ఉంది'' అని దేవాలయ ఆస్తుల పరిరక్షణ ఉద్యమ కమిటీ కన్వీనర్ ఎన్వీఎస్ఎస్ ప్రభాకర్ అన్నారు. "మత మార్పిడి ఎప్పటినుంచో ఉంది. అప్పుడు రాని వివాదం ఇప్పుడే ఎందుకు తలెత్తుతోంది? జైన, బౌద్ధ మతాలు హిందూ దేవుళ్లను కించపరచలేదు. కానీ మతం మారిన హిందువుల జాతీయతనే దూరం చేయడానికి, ఈ దేశ మూలాల మీదనే క్రైస్తవ సంస్థలు గురిపెట్టాయి'' అని వేద భారతి సంస్థ సమన్వయకర్త గౌరీభట్ల సుబ్రహ్మణ్యశర్మ పేర్కొన్నారు.

ఆలయ ప్రవేశం తప్పనిసరి
"మతమార్పిడులు అడ్డగోలుగా జరక్కూడదంటే దళితులకు ఆలయ ప్రవేశం కల్పించాలి'' మహబూబ్‌నగర్ జిల్లాలో మతం మారి తిరిగి వచ్చిన పలువురి మాట ఇది. "హిందువుల్లో మిగతా కులాలవారు దళితులను దూరం పెట్టొద్దు. మాకూ ఆలయ ప్రవేశం కల్పించాలి'' అని అడ్డాకులకు చెందిన ఎం.దానేలు ఆవేదన వ్యక్తం చేశారు. "దళిత వాడల్లో హైందవ సంస్థలు ధార్మిక కార్యక్రమాలు నిర్వహించాలి. వీహెచ్‌పీ తరపున పాత పాలమూరు దళితవాడలో ఏటా సీతారామకల్యాణం, కుంకుమార్చనలు నిర్వహిస్తున్నాం. రాష్ట్రవ్యాప్తంగా ఇలాంటివి కొనసాగిస్తే మతమార్పిడులకు ఆస్కారం ఉండదు'' అని వీహెచ్‌పీ నాయకుడు లక్ష్మీనారాయణ సూచించారు.

చట్టాలు అమలు చేయాలి
"హిందూమతంలో రిజర్వేషన్లు అనుభవిస్తున్న కులాల వారెవరైనా క్రైస్తవం లేదా ఇస్లాం స్వీకరిస్తే వారు రిజర్వేషన్లు కోల్పోవాల్సి ఉంటుందని సుప్రీంకోర్టు ఇచ్చిన తీర్పును ప్రభుత్వాలు కఠినంగా అమలుచేయాలి. హిందూమతంలో కులవివక్షను పోగొట్టడానికే ఎస్సీ, ఎస్టీ అత్యాచారాల నిరోధక చట్టం అమల్లోకి వచ్చింది. క్రైస్తవం, ఇస్లాం మతాల్లో కులాలు లేనందున వాటిని స్వీకరించే ఎస్సీ, ఎస్టీలు రిజర్వేషన్లను వదులుకోవాలి. కొన్ని మతాల అభివృద్ధికి ప్రభుత్వాలు నిధులు విడుదల చేయడాన్ని తక్షణం ఆపాలి.

మత ప్రచార నిషేధానికి జారీచేసిన 746, 747 జీవోలను అమలు చేయాలి. కానీ ఇవేవీ జరగట్లేదు. పార్టీల ఓటుబ్యాంకు రాజకీయాలే దీనికి కారణం'' అంటారు బీజేపీ రాష్ట్ర ఉపాధ్యక్షుడు చల్లపల్లె నరసింహారెడ్డి. "హిందూ మతంలోని అట్టడుగువర్గాల పేదరికాన్ని, నిరక్షరాస్యతనూ అవకాశంగా తీసుకుని ప్రలోభపెట్టి మతం మార్చ డం అనైతికం. ఇలాంటి మతమార్పిడులకు పాల్పడటం నేరం. దీని పై ప్రభుత్వం చట్టాలను కఠినంగా అమలుచేయాలి'' అని ఎస్టీయూ రాష్ట్ర అధ్యక్షుడు కత్తి నరసింహారెడ్డి అభిప్రాయపడ్డారు.

ప్రత్యేక చట్టాలతోనే మతమార్పిడులకు అడ్డుకట్ట పడుతుందని చిత్తూరుజిల్లా లోక్‌సత్తా అధ్యక్షుడు జయకుమార్ అభిప్రాయం. "వాళ్లకు ఈ దేశం అంటే గౌరవంకానీ, ఇష్టం కానీ ఉండదు. రాముణ్ని, కృష్ణుణ్ని తిడతారు. శంకరాచార్యులను గౌరవించరు. వివేకానందుడిని అసహ్యించుకుంటారు. హిందువుల మనోభావాలను, ఆచారాలను ఇం తగా వ్యతిరేకించేవాళ్లు మనకి శాంతినీ, సమానత్వాన్నీ, నాగరికత ను నేర్పిస్తామనడం ఏమిటి?'' విజయవాడ సిద్ధార్థ కాలేజీ విద్యార్థి చైతన్య ఆవేదన ఇది. "ఒక వ్యక్తి చనిపోతే చూడటానికి వెళ్లటం మానవత్వానికి సంబంధించిన విషయం.

కానీ నా మరదలు చనిపోతే దహన సంస్కారాలకు వెళ్లొద్దన్నారు. క్రైస్తవంలోకి మారితే ఇలాంటివి ఉంటాయనే అవగాహన కల్పించే హిందూమత పెద్దలెవరూ లేరు. అలాంటివారుంటే బాగుంటుంది'' అని నల్గొండ జిల్లా వాసి రాజు వాపోయారు. "జనాభాలో 50 శాతం ఉన్న యువత కు ఆసక్తికలిగించేలా హిందూమతంలో మార్పులు రావాలి. మౌలిక సూత్రాలను మార్చమని ఎవరూ అడగరు. కానీ కాలంతోపాటు కొన్ని ఆచార వ్యవహారాలు చేరుతాయి. వాటిని తొలగిస్తే- అసలు నగిషీలు బయటకొస్తాయి. వాటిపై అందరికీ ఆసక్తి ఉంటుంది. ఒక వ్యక్తికి తన మతం పూర్తిగా సంతృప్తి కలిగించిన రోజున మతమార్పిడి సమస్యలండవు'' అని సామాజిక శాస్త్రవేత్త వాసు అన్నారు.

వద్దన్న చోటనే వేద విద్య
అది 1930. మహారాష్ట్ర, నాసిక్‌లోని సుప్రసిద్ధ కాలారామ్ మందిరం బయట.. రాజ్యాంగ రూపకర్త డాక్టర్ బాబా సాహెబ్ అంబేద్కర్ నేతృత్వంలో వేలాది మంది దళితులు ఆలయప్రవేశం కోరుతూ సత్యాగ్రహానికి దిగారు. గుడి పూజారి రామ్‌దాస్ మహరాజ్ సహా, ధర్మకర్తలు, స్థానిక అగ్రవర్ణాలవారెవ్వరికీ దళితులు ఆలయంలోకి ప్రవేశించడం ఇష్టంలేక, వారిని అడ్డుకున్నారు. ఐదేళ్లపాటు సత్యాగ్రహం చేసినా దళితులు ఆ గుడిలోకి ప్రవేశించలేకపోయారు!! దాదాపు 75 సంవత్సరాల తర్వాత.. 2005లో.. ఆ గుడిలో ఒక కార్యక్రమాన్ని నిర్వహించారు.

అందులో.. దళితులకు ప్రవేశాన్ని అడ్డుకున్న ఆనాటి సంఘటనకు.. ఆలయ పూజారి సుధీర్ మహరాజ్ క్షమాపణ చెప్పారు. 1930లో పూజారిగా ఉన్న రామదాస్ మహరాజ్ మనవడే సుధీర్ మహరాజ్.. "బాబా సాహెబ్‌ను ఆలయంలోకి రానివ్వకుండా మా తాతగారు చేసిన తప్పునకు నేను క్షమాపణ చెబుతున్నాను'' అని ఆయన ఆ కార్యక్రమంలో బహిరంగంగా ప్రకటించారు. దళితులను గుడిలోకి రానివ్వడమే కాదు, ఇప్పుడక్కడ వారికి వేదం కూడా నేర్పించే పనిలో ఉన్నారాయన.

మన లోపాలు దిద్దుకుంటేనే!
"ఒకప్పుడు హిందూ మతం చాలా పటిష్ఠమైనది. దానిలో ఉన్న కొన్ని బలహీనతలను ఎత్తిచూపి, వాటిని సంస్కరించే క్రమంలో బౌద్ధమతం అవతరించింది. బౌద్ధంలో ఒక మౌలికమైన క్రమశిక్షణ లేకపోవటం వల్ల తర్వాత ఆ మతం కూడా అంతరించిపోయింది. అనంతర కాలంలో హిందూ మతంలో కూడా అలాంటి పొరపాట్లే జరుగుతూ వచ్చాయి. ఒకప్పుడు హిందూ మతంలో క్రమశిక్షణ ఉండేది.

దాన్ని పాటించినంత కాలం మతానికి వచ్చిన సమస్యేమీ లేదు. ఎక్కడైతే క్రమశిక్షణ లోపిస్తుందో అక్కడ కొన్ని బలహీనతలు ఏర్పడతాయి. వాటిని ఉపయోగించుకొనేవారు కూడా అనేక మంది ఉంటారు. మత మార్పిడులు కూడా ఆ తరహాలోనివే. మౌలికంగా మనలో తప్పు పెట్టుకొని ఇతరులను నిందించి లాభం లేదు. ముందు మనలో ఉన్న లోపాలను సరిదిద్దుకుంటే సమస్యలు తీరిపోతాయి''
-ప్రొఫెసర్ సౌందర్‌రాజన్,
బాలాజీ ఆలయ ట్రస్టీ, చిలుకూరు.

ప్రతికూల ప్రచారం
"క్రైస్తవ మత సిద్ధాంతాలను, ఆచారవ్యవహారాలను ప్రచారం చేసుకోవటం వల్ల మనకు వచ్చిన సమస్యేమీ లేదు. అందరికీ తమ మతంలో ఉన్న గొప్పదనాన్ని తెలియజేసి.. వ్యక్తిత్వ సంస్కారం చేస్తే మనకు వచ్చిన ఇబ్బంది లేదు. మన దేశం నుంచి వెళ్లి హిందూ ధర్మ ప్రచార సంస్థలన్నీ చేస్తున్నది ఇదే. రామకృష్ణ మఠం బోధించే ధర్మాన్ని కొన్ని లక్షల మంది విదేశీయులు అనుసరిస్తారు. ఇస్కాన్‌కు కొన్ని లక్షల మంది విదేశీ ఫాలోయర్స్ ఉన్నారు. వీరు ఇతర మతాలవారిని హిందూ మతంలోకి చేరాలని ఎప్పుడూ అడగరు.

క్రీౖస్తు సరైన దేవుడు కాడని.. వారి మత గ్రంథాలు తప్పని చెప్పరు. కేవలం హిందూ మతంలో ఉన్న గొప్పదనాన్ని వివరిస్తారు. కానీ ఈ మధ్య కాలంలో క్రైస్తవ మత ప్రచారం పేరిట జరుగుతున్న వ్యవహారాలు ఇందుకు పూర్తి విరుద్ధం. హిందు దేవుళ్లను విరోధులుగా చూపించటం, హిందు ధర్మాన్ని, ఆచారాల్ని అనాగరికమైనవిగా ప్రచారం చేయటం.. సంప్రదాయాలను పాటించవద్దని ప్రోత్సహించడం ఇవేవీ సరైనవి కావు''
-స్వామి పరిపూర్ణానంద

అమెరికాలో హిందూయిజం
ఒకవైపు.. భారతదేశంలో క్రైస్తవంలోకి మారుతున్న వారి సంఖ్య క్రమేపీ పెరుగుతుంటే, అంతర్జాతీయంగా హిందూయిజం వైపు ఆకర్షితులవుతున్నవారి సంఖ్య పెరుగుతోంది. ప్ర త్యేకించి.. అమెరికన్లలో చాలామంది ఇప్పుడు 'పునర్జన్మ' సిద్ధాంతాన్ని, కర్మ సిద్ధాంతాన్ని నమ్ముతున్నారు. 2009లో లీసా మిల్లర్ అనే రచయిత్రి అమెరికన్ పత్రిక న్యూస్‌వీక్‌లో 'వుయ్ ఆర్ ఆల్ హిందూస్ నౌ' అనే వ్యాసాన్ని రాశారు. అందులో ఆమె... 2008 నాటికి అమెరికాలో 76శాతం మంది క్రైస్తవులు ఉన్నారని, అది ఆ దేశ చరిత్రలోనే అతి తక్కువ శాతమని పేర్కొన్నారు.

"దేవుణ్ని చేరుకోవడానికి అనేక మార్గాలుంటాయని ఒక హిందువు విశ్వసిస్తాడు. అందులో జీసస్ ఒక మార్గం, ఖురాన్ మరొక మార్గం. యోగసాధన ఇంకొక మార్గం. ఏదీ ఒకదానికంటే ఎక్కువ కాదు. అన్నీ సమానమే. కానీ.. అత్యంత సంప్రదాయబద్ధమైన క్రైస్తవులు ఇంతవరకూ ఇలా ఆలోచించడం నేర్చుకోలేదు. వారు తమ మతమే సత్యమని, ఇతర మతాలన్నీ అసత్యాలనీ నేర్చుకుంటారు'' అని పేర్కొన్నారు. 2008 హ్యారిస్ పోల్ ప్రకారం 24 శాతం మంది అమెరికన్లు హిందూ పునర్జన్మ సిద్ధాంతం మీద తమకు నమ్మకం ఉందని స్పష్టం చేశారు.

మారాల్సింది ఎవరు?
రాష్ట్రంలో మత మార్పిడుల పర్వంపై 'ఆంధ్రజ్యోతి' గత ఆరు రోజులుగా ప్రచురించిన కథనాలకు రాష్ట్రవ్యాప్తంగా అనేకమంది స్పందించారు. ఇరు మతాలకు చెందినవారి నుంచి, సామాజిక విశ్లేషకుల నుంచి, కుల సంఘాల నేతల నుంచి వందలాది ఫోన్ కాల్స్, ఈ మెయిల్స్ మా కార్యాలయానికి వెల్లువెత్తాయి. ప్రశంసలు, పరిశీలనలు, అభ్యంతరాలు, ఆరోపణలను పక్కనబెడితే.. సమాజంలో చాపకింద నీరులా సాగిపోతున్న, అనర్థాలకు, అంతరార్థాలకు కారణమవుతున్న ఒక దృగ్విషయంలోని అన్ని కోణాలను ప్రజల ముందు పెట్టి చర్చనీయాంశం చేయడమే ఈ కథనాల లక్ష్యం.

'రాజ్యాంగం ఇచ్చిన స్వేచ్ఛ.. ప్రచారం' ముసుగులో, ప్రలోభాల ప్రయత్నాలతో జరుగుతున్న బలవంతపు మత మార్పిడులు వ్యక్తుల మనసులపై, కుటుంబ సంబంధాలపై, సామాజిక సమీకరణలపై, రాజకీయ పరిణామాలపై చూపుతున్న ప్రభావాన్ని ప్రజల దృష్టికి తేవడమే ఈ కథనాల ఉద్దేశం. 'మనిషి మతం మారినంత మాత్రాన ప్రయోజనం లేదు. అభిమతాలు మారనంత వరకు ఎన్ని మతాలు మారినా.. అవే కతలు, గాథలు తప్పవు.

హిందూ మతంలో వివక్షకు వ్యతిరేకంగా మతం మారిన దళితులు పేర్లతో సహా మారి కొత్త మతంలో మమేకమైపోతుంటే, అగ్ర వర్ణాల వారు.. పేరు తోకను అలాగే తగిలించుకుని ఉండడం, తరాలు మారినా కులాల గోలలు, లీలలు ఇంగువ కట్టిన గుడ్డలా అక్కడా కనిపిస్తుండడం గమనించాల్సిన విచిత్రం. 'నువ్వు దేవుని సేవ కోసమే పుట్టావు. దేవుని పుత్రికవు' అని వస్తున్న సందేశాలకు స్పందించి, చెప్పాపెట్టకుండా మతం మారుతున్న పిల్లలు, తమ ప్రత్యక్ష దైవాలైన తల్లిదండ్రులు ఇంట్లోనే ఉన్నారన్న సంగతిని మరచిపోతుండడం మరో విషాదం.

సమస్య ఉందనో, అవసరం తీరుతుందనో, ఆర్థికంగా ఆదుకుంటారనో, ఆరోగ్యం చేకూరుతుందనో.. చిన్నచిన్న కారణాలకు మతం మారే వారు.. అది ఏ మతంలోంచి ఏ మతంలోకైనా.. విలువల పట్ల, విశ్వాసాల పట్ల, జాతీయత పట్ల ఏం నిబద్ధత చూపించగలరన్నది.. మారే వారు, మార్చే వారు వేసుకోవాల్సిన ప్రశ్న! 'మార్పిడి' అవసరం లేకుండా, అవకాశమివ్వకుండా మతాలే మారాలి, మనుషులూ మారాలి, మనసులూ మారాలన్నదే ఆంధ్రజ్యోతి ఉద్దేశం, సందేశం!

ధర్మస్థలమ్

పురాతన ఈజిప్టులో శ్రీకృష్ణుణ్ణి కొలిచేవారా ?-4 (సమాప్తం)

ఈనీచుడు ఇలా ఇంకోమతం పై వాగుంటే వీడికేగతి పట్టేది ???

హిందూ ఫాసిజమే భారత్‌కు హాని- ప్రొఫెసర్ భంగ్యా భూక్యా[andhrajyothy.daily 25.1.012]

పురాతన ఈజిప్టులో శ్రీకృష్ణుణ్ణి కొలిచేవారా ?-3

భారతీయిజం

పురాతన ఈజిప్టులో శ్రీకృష్ణుణ్ణి కొలిచేవారా ?-2

పురాతన ఈజిప్టులో శ్రీకృష్ణుణ్ణి కొలిచేవారా ?

అందఱూ ఒకప్పుడు బ్రాహ్మణులే !

మంచిభార్య కావాలన్నా తపస్సు చేయాలి

సంక్రాంతి అంటే !!!!!

ఇవి హిందూ దేవాలయాలా ? ఇంగ్లీష్ చర్చిలా ?

హోటళ్ళ సంస్కృతికి ప్రత్యామ్నాయం అవసరం

సనాతనధర్మానికి ప్రమాదం లేదు

ఆవు నెయ్యి గురించిన చిన్న విశేషం

'మతమే' మారాలి!

హిందూ ఫాసిజమే భారత్‌కు హాని
- ప్రొఫెసర్ భంగ్యా భూక్యా[andhrajyothy.daily 25.1.012]