శ్రీరామరాజ్యం చలనచిత్రం యొక్క ఆర్థిక పరాజయం

ఇటీవల ఒక గూగుల్ గుంపులో జఱిగిన చర్చ

ఒక సభ్యుడు

మిత్రులారా ! నేను సర్వదా ఆధ్యాత్మిక/ పౌరాణిక చలనచిత్రాల విజయాన్ని కోరుకుంటాను. కానీ నేను శ్రీరామరాజ్యం చూడలేదు. కొన్నిరోజులు పోయినాక ఎలాగూ CDs వస్తాయి గదా ! ఇంట్లోనే చూసుకుందామని ! అయితే ఆ సినిమా ఎక్కువ ప్రదర్శనాకేంద్రాల్లో బాగా ఆడలేదని వార్తలొచ్చాయి. దాని నిర్మాత నష్టాల్లో ఉన్నాడని కూడా చెబుతున్నారు. ఇది విన్నాక ఒక రామభక్తుడుగా నాకు బాధ కలిగింది, "ఇలా ఎందుకు జఱిగిందా ?" అని ! 

౧. బాపులాంటి దర్శకేంద్రుడు, నందమూరి బాలకృష్ణలాంటి జనరంజక కథానాయకుడూ పనిచేసిన ఈ చలనచిత్రం ఎందుకిలా అంచనాలు తప్పింది ? వయోవృద్ధత్వం వల్ల బాపుగారిలో దర్శకత్వపటిమ మందగించిందా ? లేదా అదే కారణం చేత బాలకృష్ణ ఆ పాత్రకి సరిపోలేదా ? లేక బాలకృష్ణ మూర్తిమత్త్వానికి (image) ఆ పాత్ర సరిపడలేదా ? లేక ప్రజలు "లవకుశ" రామారావుగారితో బాలకృష్ణని పోల్చుకొని తిరస్కరించారా ? 

౨. అంతకంటే ముఖ్యంగా ప్రజల్లో ఆధ్యాత్మిక, హిందూవాసనలు తగ్గిపోతున్నాయా ? ఆద్యంతమూ కుసంస్కారభూయిష్ఠమై, ఒక సాధారణ మగవాణ్ణి భగవంతుడిలాంటి సర్వశక్తిమంతుడిలా చూపిస్తూ తప్పుడు సందేశాలిచ్చే దూకుడు, బిజినెస్‌మాన్‌లాంటి చెత్తాగ్రేసరాలకి రోజుకు రు.50 లక్షలూ, కోటి, రెండుకోట్ల చొప్పున వసూళ్ళు కావడమేంటి ? మన నిజమైన సాంస్కృతిక మహాపురుషుల జీవితచరిత్రలు ఇలా బోల్తాపడడమేంటి ? జనాల్లో ఆదర్శవాదం తగ్గిపోతోందా ? తప్పుడు నమూనాపాత్రల (false role models) వెంటపడుతూ సిసలైన ఆదర్శపురుషుల్ని బుట్టదాఖలా చేసే స్థాయికి వీళ్ళు దిగజాఱిపోయారా ? అంటే 'లవకుశ' కి అఖండవిజయాన్ని చేకూర్చిన అలనాటి ప్రేక్షకుల తరం దాటిపోయి ఇలాంటి అప్రయోజక తరం మనకి సంప్రాప్తమయిందా ? 

౩. ఏ సినిమాకైనా ప్రేక్షకురాళ్ళ ఆదరణ కీలకం. ఈ పరాజయం వెనుక భగవంతుడైన శ్రీరామచంద్రమూర్తి పాపులారిటీని దెబ్బకొట్టిన రంగనాయకమ్మ లాంటి మార్క్సిస్టు, ఫెమినిస్టు శక్తుల పాత్ర ఎంత ? వీళ్ళు మన అంచనాలకి మించి జనంలోకెళ్ళి విజయం సాధించారా ? వీళ్ళ విజయం ఈ సినిమా పరాజయం రూపంలో వ్యక్తమవుతోందా ? 

ఆలోచించండి.

రెండో సభ్యుడు 

ఒకటి - ఆధ్యాత్మిక భావాలు జనంలో సన్నగిల్లుతున్నాయి అనడానికి సందేహించనక్కరలేదు. గుంపులుగుంపులుగా కనపడుతున్న భక్తసందోహాలలో ఎక్కువగా భయమే తప్ప భక్తి కనిపించడం లేదు. మనసున భక్తి నిండివున్న నాటితరంలో లవకుశకున్న ఆదరణ నేడు లేకపోవడానికి ఇదొకకారణం. గతంలో మాస్ హీరోలుగా గుర్తింపున్న జూనియర్ ఎన్ టి ఆర్ , అల్లు అర్జున్ శక్తి, బద్రి  చిత్రాల పరాజయంలో  ఏదో హైందవవ్యతిరేకుల పాత్రకూడా ఉండవచ్చనిపించింది . ఎందుకంటే అవి హైందవభావాల ప్రచారంతో కూడుకుని ఉన్నాయి కనుక . ఇక రామాయణం లాంటి మహాకావ్యాన్ని తెఱకెక్కించేటప్పుడు నాడు ఉన్న నటులలో దైవభక్తి పరాయణులు మమేకమై నటించారు. నేడు కేవలం డబ్బుకు నటించే వారి వల్ల పవిత్రభావాలు పలికించటం దర్శకులకు వీలుకాలేదేమో ననే అనుమానం ఉంది.

మూడోసభ్యుడు

 జనం ఆధ్యాత్మిక భావాల్ని కేవలం గృహస్థానికే పరిమితం చేసుకున్నట్లుగా గోచరిస్తుందండి. చలనచిత్రాల విషయంలో ఐతే కుటుంబసమేతంగా వెళితే రూ500/ అంతకంటే ఎక్కువ అవుతుంది. చిత్రనిర్మాణవ్యయం కూడా ఆధ్యాత్మిక మఱియు చెత్తాగ్రేసరాలకి  చాల వ్యత్యాసం ఉండటం , టికెట్ ఖరీదు మఱియు నమూనానటుల పారితోషికాలు  తగ్గితేనే కానీ పౌరాణిక చిత్రాలకూ , కుటుంబకథాచిత్రాలకూ మళ్ళీ ఆదరణ రాదు. 

నాలుగో సభ్యుడు

బద్రి, శక్తి సినిమాల పరాజయానికి కారణం, బలహీనమైన కధ, అతి బలహీనమైన కధనం. ఇక శ్రీరామరాజ్యం సినిమాకి వచ్చేసరికి, చిత్ర నిర్మాణ వ్యయం బాగా ఎక్కువ అవడం వల్ల ఆర్ధికంగా పరాజయం పాలయ్యి ఉండవచ్చు. కానీ చాలా చోట్ల ౫౦ రోజులు దాటి ఆడింది. ప్రస్తుత మల్టీప్లెక్స్ థియేటర్ల కాలంలో ఒక తెలుగు సినిమా ౫౦ రోజులు ఆడిందంటే అది చాలా బాగున్నట్లే. మన తెలుగు సినిమాలలో భారీ చిత్రాలు విజయం సాధించాలంటే అందుకు తగ్గ స్టార్‌డమ్ ఉన్న కధానాయకులు కూడా ఆ సినిమాలకు అవసరం. "32 కోట్లు ఖర్చుపెట్టి తీసిన సినిమాకు సరిపడా స్టార్‌డ‍మ్ బాలకృష్ణకు ఉందా ?" అంటే అనుమానమే!!!

ఐదో సభ్యుడు


ఇవన్నీ కాక, నాకు మఱొక కారణం కూడా కనబడుతోందండీ. అది, మనలాంటివారిలోనే (నాతో కలుపుకుని) తరువాత తీఱిగ్గా ఇంట్లో చూద్దాంలే అని సినిమాతెఱపై చూడకపోవటం.

ఆఱోసభ్యుడు

౧) మెటీరియలిజమ్ 
౨) విలువలు మారడము 
౩) సెక్యులరైజేషన్ ఆఫ్ హిందువులు 
౪) సెక్యులర్ ఎడ్యుకేషన్ 
౫) కొత్త జెనరేషన్స్ 
౬) Saturation of Entertainment Industry (Cinema, TV, Internet, YouTube,Smart Cell Phones, Texting, etc) 
౭) ఇతరములు 

ఏడో సభ్యుడు

"ఈ పరాజయం వెనుక భగవంతుడైన శ్రీరామచంద్రమూర్తి పాపులారిటీని దెబ్బకొట్టిన రంగనాయకమ్మలాంటి మార్క్సిస్టు, ఫెమినిస్టు శక్తుల పాత్ర ఎంత ?" అని ప్రశ్నిస్తున్నారు మీరు.

భగవంతునికి పాపులారిటీయా? దాన్ని మానవమాత్రులు దెబ్బకొట్టడమా?

మొదటి సభ్యుడు 

ఆర్యా !  ఫెమినిస్టులూ, కమ్యూనిస్టులూ గత దశాబ్దాల్లో భగవదవతారాల్లో ఒకదాని మీద విస్తారంగా దుష్ప్రచారం చేసిన మాట వాస్తవమే కదా ? ఆ ప్రచారానికి తలొగ్గి చాలామంది నాస్తికులై రాములవారిని పూజించడం మానేసిన మాట కూడా వాస్తవమే కదా ? ఒకప్పుడు రాష్ట్రమంతటా అత్యంత భక్తిశ్రద్ధలతో జఱపబడ్డ శ్రీరామనవమి, దాని కోసం వేసిన పందిళ్ళూ, ఆ 9  రోజుల కార్యక్ర్తమాలూ ఈనాడు సంపూర్ణంగా అదృశ్యమైపోవడానికి కారణం ఈ ప్రచారం కాదా ? ఈ ప్రచారంతో తెలుగుస్త్రీల మనసుల్ని కలుషితం చేయడం విజయవంతంగా జఱిగింది కదా ? ఎంత భగవంతుడైనా ఈ దుష్ప్రచారానికి రాములవారు గుఱయ్యారనేది స్పష్టంగా కనిపిస్తోంది కదా ?

ఎనిమిదో సభ్యుడు

నాకు మటుక్కు చిత్రం నచ్చిందండీ. చాల కాలం తరువాత ఆంగ్లాధ్రమిశ్రమ సంభాషణలు లేకుండా తీసిన చిత్రం కావడం ఒక పెద్దకారణం. నచ్చని చిన్నచిన్న విషయాలు కొన్ని ఉన్నాయి కానీ మొత్తం మీద మంచి చిత్రమే. అయితే ఆర్థికంగా విజయవంతం కాలేదంటే ఆశ్చర్యంగానే ఉంది.  బాగానే డబ్బు కూడబెట్టిందని ఎక్కడో చదివిన గుర్తు.

మొదటి సభ్యుడు

తొలిరోజు వసూళ్ళు బావున్నాయని నేనూ చదివాను. తొలిరోజున రూ.5 కోట్లు వసూలు చేసిందట. కానీ తరువాతి వారాల్లో అంత ఊపు కనిపించలేదని విన్నాను. కొన్ని ప్రదర్శనకేంద్రాల్లో బాగా ఆడినా ఎక్కువ చోట్ల సగటు-సరాసరిగా ఆడడం చేత లాభం మాత్రం రాలేదంటున్నారు. నష్టం వచ్చిందా ? లేదా ? వస్తే ఎంత ఎంత ? ఇలాంటి వివరాలు మనకి తెలీదు.

నాలుగోసభ్యుడు

శ్రీరామరాజ్యం పుస్తకంగా రాబోతుంది...

తొమ్మిదో సభ్యుడు

"మంచి ప్రారంభవసూళ్లు వచ్చాక కూడా నిలదొక్కుకోలేదు" అని అందఱూ చెపుతున్నదే. నా దృష్టిలో ప్రస్తుత స్థితికి కారణాలు-

 ౧. బాపు దర్శకత్వలోపమైతే కాదు. అది నిస్సందేహంగా ఒప్పుకోవల్సినదే. ప్రతీ ఫ్రేమూ ఎంతో అందంగా ఒక చిత్రకారుని కుంచె నుంచి వెలువడినట్లు ఉంది. చాలా సన్నివేశాల చిత్రీకరణ అత్యున్నత స్థాయిలో ఉంది. అద్భుతమైన గ్రాఫిక్సు వాడుకున్నారు.

౨. సినిమా చూసిన వారెవఱైనా వెంటనే చెప్పే విషయం ఈ సినిమా శ్రీరాముని రాజ్యం గుఱించి కాదు, సీతా దేవి వనవాసం గుఱించి అని. ఈ విషయంలో ప్రేక్షకులు నిరుత్సాహపడి ఉంటారని చెప్పగలను.

౩. బాలకృష్ణ గత చిత్రాలైన "పాండురంగడు" వంటి చిత్రాల ప్రభావం పడి ఉండవచ్చు.

౪. ఆఖరుకు దేవుని చిత్రంలో కూడా నందమూరి భజనను పక్కకు పెట్టకపోవటం ( ఒక సన్నివేశంలో రఘువంశ మహారాజులను చూపించే క్రమంలో రామారావును కూడా చూపించడం జఱిగింది. ఈ సన్నివేశానికి అనుకోని స్పందన కూడా లభించింది)

౫. అక్కినేని వారు వాల్మీకి పాత్రను అత్యద్భుతంగా పోషించారని అనేక వెబ్ సైట్ ఘనులు సెలవిచ్చినప్పటికి ప్రేక్షకులను రంజింప చెయ్యలేకపోయారు.

౬. ఎప్పుడైతే ప్రేక్షకులు సినిమా "ఇది శ్రీ రాముని రాజ్యం కాదు, సీతా వనవాసం" అని గ్రహించారో వెంటనే వద్దన్నా ఆనాటి లవకుశ గుర్తుకు వస్తుంది. వెనువెంటనే బాలకృష్ణను రామారావుతో, నయనతారను అంజలీ దేవితో మఱియు నాగయ్య గారితో నాగేశ్వరరావును పోల్చడం మొదలు పెట్టారు. అందువల్ల ప్రేక్షకులు నిండుభోజనం కాదు సగం భోజనమే తిన్నామన్న భావన వచ్చి ఉండవచ్చు.

౭. ఇక సంగీతం, ఇళయరాజా మంచి సంగీతాన్నే అందించినా, లవకుశ తో పోల్చినప్పుడు ఆ స్థాయిలో రంజింపచేయదు 
 

౮. ఇక, అన్నిటికన్నా ప్రధానం యువ ప్రేక్షకులకు హిందూ సినిమాల మీద ఆసక్తి సన్నగిల్లడం.

౯. ఎప్పుడైతే  ప్రేక్షకులు లవకుశ తో పోల్చారో వృద్ద మఱియు కుటుంబ ప్రేక్షకుల సంఖ్య హటాత్తుగా పడిపోతుంది. అదే  సమయంలో యువ ప్రేక్షకుల అనాసక్తి కూడా ఇతోఽధికంగా సాయం చేసింది.

౧౦. అలాగే గత దశాబ్దంలో  హిందూ భక్తి సినిమాల పేరుతో తీసిన సినిమాల (పాండురంగడు, రామదాసు వగైరా) వల్ల ఇకపై రాబోయే భక్తీ సినిమాల మీద అనాసక్తి పెరుగుతోంది. 

....గారు అనుకున్నట్టు "శక్తి, బద్రీ నాద' లాంటి సినిమాల పరాజయానికి బీజం సినిమా విడుదల అయ్యాక కాదు, ప్రారంభ దశలోనే పడిపోయింది. పిచ్చి పిచ్చి కధలు, దానికి తోడూ హీరో గాలిలోనే ఉండేలా పోరాటాలు చెయ్యడం.

ఈ సందర్భంగా నాదొక చిన్న సందేహం, ఉత్తర రామాయణం నిజంగా వాల్మీకి రాసినదేనా ? లేక చరిత్రలో పుట్టుకొచ్చినదా?

మొదటి సభ్యుడు

ఉత్తర రామాయణం (ఉత్తరకాండ) వాల్మీకిది కాదని కొందఱు పరిశోధకులు అభిప్రాయపడ్డారు. నాదీ అదే అభిప్రాయం. ఇందుకు కొన్ని కారణాలున్నాయి.

౧. పూర్వరామాయణ శైలీ, ఉత్తరరామాయణశైలీ ఒకే విధంగా లేవు. వేఱువేఱు వ్యక్తులు వ్రాసినట్లు స్పష్టంగా తెలుస్తుంది, సంస్కృతభాషా జ్ఞానం ఉన్నవాళ్ళకి !

౨. ఉత్తరరామాయణం వాస్తవానికి రావణాయణం. ఎందుకంటే అందులో చాలా భాగాన్ని రావణాసురుడి గొప్పతనాన్ని వర్ణించడానికి వినియోగించాడు రెండో వాల్మీకి.

౩. ఏడో కాండని ప్రవేశపెట్టడానికి గల అసలు కారణం (motive) ఏమిటై ఉండొచ్చునంటే - శ్రీరామచంద్రమూర్తి అశ్వమేధయాగం చేసిన సమయానికి సీతమ్మవారు ఆయన దగ్గఱ లేదనే కథని కల్పించగోరడం. ఇలా కథని ట్విస్టు చేయబూనడానికి కారణం - అశ్వమేధయాగంలో పట్టపు రాణీ యాగాశ్వంతో సంభోగిస్తుందనే అపోహ. అంటే శ్రీరాములవారు అశ్వమేధయాగం చేశారంటే, అశ్వమేధయాగ నియమాల ప్రకారం సీతమ్మవారు కూడా ఇలాంటి పనేదో చేసి ఉండాలి కదా అని జనం ఊహించి ఆ తరువాత "హవ్వహవ్వ ఎట్టెట్టా" అని బుగ్గలు నొక్కుకుంటారనే భయం. సీతమ్మవారికి ప్రజల్లో ఉన్న ఇమేజిని చెడగొట్టి అసలు యావత్తు రామాయణాన్నే అసందర్భంగా, హాస్యాస్పదంగా మార్చిపారేయగలది ఈ అశ్వమేధయాగ ఘట్టం. "దీని గుఱించి ప్రజలకి ఏమని సంజాయిషీ ఇచ్చుకోవాలా ?" అని ఆలోచించి ఉత్తర రామాయణం పేరుతో ఈ "ఉత్తుత్తి" రామాయణాన్ని కల్పించాడు ఎవడో రామభక్తుడైన రెండో వాల్మీకి. కానీ ఈ ప్రయత్నంలో ఇతను (తన వ్యక్తిగత అపోహల కోణం నుంచి)  సీతమ్మవారి పరువు కాపాడాడు. కానీ తెలిసో తెలీకో శ్రీరాములవారి మీద మాత్రం చిక్కగా బుఱద చల్లేశాడు. ఫలితంగా అసలు రామాయణంలో వర్ణించబడ్డ రాములవారి గొప్పతనమంతా కొసఱు రామాయణంతో పూర్తిగా తుడిచిపెట్టుకు పోయింది.

అసళ్ళ కంటే కొసర్లు డామినేట్ చేసేస్తూండడం కూడా కలియుగ లక్షణాల్లో ఒకటనుకోండి.

ఏడో సభ్యుడు

ఇక్కడ పట్టపు రాణీ అంటే *రాజు భార్య కాదు*, వేరే ఆడ గుఱ్ఱము. వైదిక సంస్కృతి చాలా advanced, ఇలాంటి పిచ్చి పని వాళ్ళు అనిమతించరు. అదీ ఒక రాజు మఱియు రాజు భార్య విషయములొ. అదీ ఒక public event లొ. ఇలా చూసించినవాళ్ళని రాజు ఖండఖండాలుగా నరుకుతాడేమో. మామూలు వ్యక్తే తన భార్యను ఇలాంటి పని చేయమనడు, అలాంటిది all powerful చక్రవర్తి ఎలా అంగీకరిస్తాడు!?. ఇది చీకటిలో చేసే ఏదో తాంత్రిక పద్ధతి కాదు కదా. 

ఈ అపోహ ఎలా వచ్చిందో, దీని వెనుక హిందువుల యొక్క శత్రువుల కుట్ర ఉండి ఉండవచ్చు. భారతములో ద్రౌపది ఈ పద్దతిలో పాల్గొన్నట్లు ఎక్కడా చెప్పబడలేదు. Some one twisted or mis-interpreted this. Probably during the colonial time by some crooked మిషనరి, with malicious intentions or lack of Sanskrit knowledge. 

హిందువులు  దీని (అశ్వమేధయాగం) మూలాలు గుర్తించవలసిన అవసరము ఉంది.

మొదటిసభ్యుడు

మీరు బాగా అర్థం చేసుకున్నారు. ఈ అశ్వమేధ ఘట్టాన్ని వర్ణించే శుక్ల యజుర్వేదం నా దగ్గఱుంది. రాజుగారి గుఱ్ఱాన్ని గుఱ్ఱాల రాజు అంటారు. రాజుగారి ఆడగుఱ్ఱాల్లో మేలుజాతి ఆడగుఱ్ఱాన్ని గుఱ్ఱాల రాణీ లేదా ఆశ్వమహిషి అంటారు. యజ్ఞంలో చనిపోయే ముందు ఆ అశ్వమహిషితో సంభోగించి తన వంశాన్ని అభివృద్ధి చేసుకునే అవకాశాన్ని ఆ గుఱ్ఱాల రాజుకు (మగగుఱ్ఱానికి) మంత్రపూర్వకంగా ఇస్తారు యాజకులు. ఇది ఒక చెట్టుని పడగొట్టినందుకు పరిహారంగా ఇంకో మొక్క నాటడంలాంటిది. కానీ చాలామంది స్వదేశీ సంస్కృత పండితులు కూడా ఇక్కడ సందర్భాన్ని అర్థం చేసుకోలేక పట్టమహిషి గుఱించి చెబుతున్నారనుకుని బోల్తాపడ్డారు. ఇలా బోల్తాపడ్డవాళ్ళలో ఎవఱో ఒకఱు ఈ ఉత్తర రామాయణాన్ని సృష్టించి శ్రీరామచంద్రులవారికీ, ఆయన భార్యాప్రేమకీ, కీర్తికీ తీఱని ద్రోహం చేశారు. నిజానికి అశ్వంతో మానవస్త్రీలకి సంభోగం సాధ్యం కాదు. అలాంటిదానిగ్గనక సాహసిస్తే వాళ్ళు fatal గా గాయపడే అవకాశా లున్నాయి. ఏ మతమూ ఇలాంటిది ప్రిస్క్రైబ్ చేయదు.

ఈ జనాభా లెక్కల్ని ఎంతవఱకూ నమ్మొచ్చు ?

http://www.indiaonlinepages.com/population/hindu-population-in-india.... 

ఎందుకడుగుతున్నానంటే - చాలామంది దళితులూ, గిరిజనులూ క్రైస్తవమతంలోకి  మారినా కూడా కేవలం రిజర్వేషను కోసం హిందువులుగా జనాభా లెక్కల్లో నమోదయ్యారు. అందుచేత హిందువులుగా ప్రొజెక్టు చేయబడుతున్నవాళ్ళంతా వాస్తవంగా హిందువులు కారు. ఉదాహరణకి - ఆంధ్రప్రదేశ్ లో 90 శాతం కంటే ఎక్కువమంది దళితులు క్రైస్తవంలోకి వెళ్ళి చాలా సంవత్సరాలవుతున్నది. దళితుల సంఖ్య మొత్తం జనాభాలో 15 శాతం. అంటే ఏ.పి.లో ఉన్న 8 కోట్ల 46 లక్షల జనాభాలో కోటీ 27 లక్షలమంది దళితులు. కనుక వీళ్ళల్లో ఇప్పటికీ హిందువులుగానే మిగిలిపోయిన జనం అంతా కలిపి పదమూడు - పదిహేను లక్షలకి మించరు. 

ఇహపోతే రాష్ట్రజనాభాలో 8 - 9 శాతం ఉన్న గిరిజనులలో ఎంతమంది కిరస్తానం పుచ్చుకున్నారో, ఎంతమంది హిందువులుగా ఉన్నారో అస్సలు అంతు చిక్కట్లేదు. ఇహపోతే ముస్లిములు. తమ సంఖ్య రాష్ట్ర జనాభాలో సుమారు 9 శాతం అని వాళ్ళు క్లెయిమ్ చేస్తున్నారు. దీన్ని తనిఖీ (verify) చేయడానికి పనికొచ్చే విశ్వసనీయ ఆకరం (reliable source) ఏంటో, ఎక్కడుందో నాకు తెలీదు. ఈ క్రింది లంకె చూడండి : 

http://www.indiaonlinepages.com/population/hindu-population-in-india....  

ఇలా ఓ పక్క  క్రైస్తవులేమో 15 శాతం (అన్నికులాలవాళ్ళనీ కలుపుకుని), మఱో పక్క ముస్లిములేమో (కనీసం) 9 శాతం ఉన్నారనుకుంటే ఇహ హిందువుల Brute majority ఎక్కడుంది ఈ రాష్ట్రంలో ? కాబట్టి ఇప్పుడు మనం వాస్తవంగా 70 - 75 శాతం మధ్య మాత్రమే ఉన్నట్లు నాకు అనుమానం కలుగుతోంది. మనం గనక భవిష్యత్తులో 60 శాతానికి లోపల పడిపోయామా, ఆ తరువాత పరిస్థితి ఎలా ఉంటుందో చెప్పడం కష్టం.

ఈ సందర్భంగా గత శతాబ్దాల్లో ఆఫ్ఘనిస్తాన్, పాకిస్తాన్, కాశ్మీర్, బాంగ్లాదేశ్ లలో ఏం జఱిగిందో గుర్తు తెచ్చుకోవడం అవసరం. అక్కడ హిందువుల జనాభా పడిపోయాక వాళ్ళ మీద భౌతికదాడులూ, రక్తపాతాలూ, Ghettoisations, దోపిళ్లూ, అత్యాచారాలూ, అన్ని రంగాల్లోనూ దుర్విచక్షణ, apartheid మొదలయ్యాయి. వారి సాంస్కృతిక చిహ్నాలన్నింటినీ నిర్దాక్షిణ్యంగా కూలగొట్టారు. ఆ బాధలు పడలేక వాళ్ళల్లో చాలామంది మతం మారారు. (అవతలివాళ్ళకి కావాల్సిందీ అదే). ఇంకొంతమంది తమ మాతృభూమి నుంచి తామే "బతుకు జీవుడా" అని పారిపోయారు.

ఎవరి కోసం ఈ వీసా ఆన్ అరైవల్ పథకం ?

http://www.immigrationindia.nic.in/visa_on_arrival2.htmhttp://www.immigrationindia.nic.in/visa_on_arrival2.htm

విసా ఆన్ అరైవల్ అనేది సక్రమముగా నడుస్తుందా? దీని ఉపయొగించుకొని జాతి వ్యతిరేక శక్తులు,ఉగ్రవాదులు సులభంగా ఇండియా వస్తారేమొ!?

అమెరికా, ఇంగ్లెండ్, ప్రాన్స్, జర్మని, జపాన్ లాంటి దేశాలే Immigration/Non-immigration పద్దతులను కఠినతరము చేస్తుంటే,  ఇండియన్ ప్రభుత్వము, ఎవరికొసము ఈ పధకాని ప్రవేశ పెట్టింది.

NRI and ప్రవాస భారతీయులకు ఈ పధకము అవసరము లేదు. NRI లు ఎప్పుడైనా రావచ్చు వీసా లేకుండా (they have Indian Passport). అలానే ప్రవాస భారతీయులు (India born persons who accepted Foreign Citizenship) సహజంగా OCI or PIO cards తీసుకుంటారు (ఈ మధ్య వేరే కొత్త పద్దతి ఎమైన పెట్టారొ తెలియదు).
 ఇండియన్ ప్రభుత్వము హిందువులకు వ్యతిరేకంగా కఠిన చట్టాలను చేస్తు, ఎవరికొసము ఈ విసా ఆన్ అరైవల్ పధకాని ప్రవేశ పెడుతున్నారు.

ఆలోచించాలి ప్రతివారూ.

ఎవఱి చావు వారు చస్తే తప్పేంటి ?

ఈ వ్యాసపరంపర ఇప్పుడు PDF గా ఈ క్రింది లంకెలో లభ్యమవుతోంది.

http://www.scribd.com/doc/12810089/-Why-Suicide-is-a-Sin-in-Hinduism-Telugu

జ్యోతిష్యం ఒక అనుభవాధారిత శాస్త్రం

ఒక పాతబ్లాగునుండి యథాతథ పునః ప్రదర్శన

SUNDAY, DECEMBER 23, 2007

Is astrology scientific? -scietific method continued

ఏది విజ్ఞానం? ఏది కాదు?
తన పరిధిలో పరిశీలనకు వచ్చిన వాస్తవాలను సంతృప్తికరంగా వివరించకపోతే వైజ్ఞానిక సిద్ధాంతం ఏదీ కూడా అట్టేకాలం నిలబడదు. కాని విజ్ఞాన చరిత్ర నిండా ఉత్తరోత్తరా దోషాలని రుజువైన సిద్ధాంతాలు లేకపోలేదు. న్యూటన్ పేర్కొన్న వెలుగుకణ సిద్ధాంతం ఇందులో ఒకటి. ఇంత మాత్రానే విజ్ఞాన స్థాయికి భంగం వాటిల్లదు. మనో విశ్లేషణవంటి అన్వేషణారంగాలనేకం ఉన్నాయి. వాటిలో సర్వసాధారణంగా ఆమోదించే వైజ్ఞానిక సిద్ధాంతం ఇంకా రావలసి ఉంది. అంటే మనో విశ్లేషణ ఉబుసుపోక అనుకోరాదు. చాలా ఆసక్తికరమైన, ఉపయోకరమైనకృషి ఈ రంగంలో జరిగింది. అనేక సందర్భాలలో ఈ పద్ధతి ప్రయోగించే చికిత్సా విధానాలను చూస్తుంటే దీనిని తేలికగా కొట్టిపారేయడానికి వీల్లేదు. అయినప్పటికీ ఆ సిద్ధాంతంగా పేర్కొన్న దానిలో అద్భుతమైన అంతర్ దృష్టి కనిపిస్తున్నదేగాని, కీలకమైన పరీక్షకు గురికాలేదు. విజ్ఞాన సిద్ధాంతంగా ఆవిర్భవించడానికి మనో విశ్లేషణ అన్వయించే పద్ధతులు, ఉద్దేశాలు ఉన్నాయికూడా. దీనికి వ్యతిరేకంగా వ్యవస్థాపితమైఉన్న సిద్ధాంతం ఏదీ లేదు. అందు వల్లనే, మనో విశ్లేషణ రానురాను విజ్ఞాన సిద్ధాంతంగా పెంపొందవచ్చు. ఆ లక్ష్యం చేరుకోడానికి ఎంతో దూరం పయనించవలసి రావచ్చు.
మరో విధమైన సిద్ధాంతాలు కూడా ఇక్కడ చర్చించబోతున్నాం. వాటిలో పరిమితంగా ప్రాపంచికానుభవ సత్యం కొంతమేరకు ఉన్న సందర్భాలు లేకపోలేదు. అయినా అవి విజ్ఞానపరంగా లేవు. ఈ సిద్ధాంతాలు ప్రతిపాదించే వాటిననుసరించి, అందులో ఇమిడి ఉన్నవాటిని పరోక్షంగానైనా రుజువుపరచవీల్లేదు. అదే రంగంలో విజయవంతంగా పనిచేస్తున్న వైజ్ఞానిక సిద్ధాంతాలలో పెసగకుండా ఉన్న సందర్భాలు కూడా ఉన్నాయి. పైగా అటువంటి విజ్ఞాన-విజ్ఞానేతర సిద్ధాంతాలను (ఒకే రంగంలో) కొన్నింటిని చూద్దాం.

ఖగోళం-జ్యోతిష్యం
ఈ రెండూ మానవుడు చిరకాలంగా పరిశీలిస్తున్న ఆకాశానికి చెందినవే. ఆకాశంలో ఒకే తీరుగా చలిస్తున్నవాటిని, అందుకు సంబంధించిన భౌతిక సంఘటనలను మానవుడు పరిశీలిస్తున్నాడు. ఆధునిక విజ్ఞానం ఆవిర్భవించేటంత వరకూ జ్యోతిష్యం-ఖగోళ శాస్త్రం భిన్నమైనవని భావించనేలేదు. మానవ వ్యవహారాలకు ఖగోళ విషయాలను అన్వయిస్తే జ్యోతిష్యం అవుతుంది. మానవుడి వ్యవహారాలకు ఖగోళ విషయాలను అన్వయిస్తే జ్యోతిష్యం అవుతుంది. ప్రతి నక్షత్రం, ప్రతి గ్రహానికి కూడా ఒక దేవత ఉంటుందనీ, ఆ దేవత మానవుడి వ్యవహారాలలో ఆసక్తి చూపడమేగాక, ప్రభావితం చేస్తుందని భావించారు. గ్రహాల చలన నియమాలను కనుక్కొన్న కెప్లర్ సైతం జ్యోతిష్యంలో నమ్మకం గలవాడే. అతడి సమకాలీనులకు ఈ ధోరణిలో దోషం కనిపించలేదు. ఆకాశంలోని ఈ నక్షత్రాలు, గ్రహాలు ఎలా ఏర్పడ్డాయో తెలుసుకున్న తరవాత, సామాజిక సంస్థలు పనిచేసే తీరు, మానవుడి శారీరక మానసిక రీతుల గురించి తగినంతగా తెలిసిన అనంతరం, గడ్డినుంచి గింజలు వేరు చేయడానికి వీలుచిక్కింది. ఖగోళశాస్త్రం విజ్ఞాన సిద్ధాంతంగా పెంపొందింది. మానవుడిపై గ్రహాల, నక్షత్రాల ప్రభావం ఉంటుందనే జ్యోతిష్యం విజ్ఞానపరంగా అపఖ్యాతి పాలైంది. ఇది అవగాహన చేసుకోవడం సులభమే. ప్రతిపాదన చేసిరాబట్టే నిర్మాణం ఖగోళంలో ఉంది. అనేక పరిశీలనాంశాలకు స్పష్టమైన వివరణలను ఖగోళ శాస్త్రం ఇస్తోంది. పరీక్షకు తట్టుకొనే ప్రమాణానికి నిలబడకలుగుతోంది. ఇందుకు భిన్నంగా, జ్యోతిష్యంలోని మూల సూత్రం దోషపూరితమైంది. నక్షత్రాలకు, గ్రహాలకు అంటి పెట్టుకొని దేవతలు అనేవారెవరూ లేరు. ఆకాశంలోగాని భూమిపైన గాని ఎక్కడా అలాంటి వారు లేరు కనక వారు మానవుడి వ్యవహారంలో ఆసక్తి చూపే ప్రశ్నేరాదు. జ్యోతిష్యం అశాస్త్రీయం. మనకు గల ప్రత్యక్షజ్ఞానానికి, వ్యవస్థాపిత సిద్ధాంతాలకు పొసగకుండా జ్యోతిషం ఉంది. జ్యోతిష్యం అశాస్త్రీయమే కాదు. విజ్ఞాన వ్యతిరేకం కూడా, జ్యోతిష్యంలో లాగే, యోగసిద్ధాంతం వంటి వాటిల్లోనూ ఇలాంటి విజ్ఞాన వ్యతిరేక ధోరణి ఉంది. విజ్ఞానం రుజువు పరచిన నియమాలను పాటించకుండా, గతం, వర్తమానం, భవిష్యత్తుకు సంబంధించి జ్ఞానాన్ని మానవుడు యోగం ద్వారా సిద్ధింపజేసుకోవచ్చుననటం వాస్తవ వ్యతిరేకమే.
Next-Is ayurveda scientific?

ముందు అమ్మవారు, తరువాతే అయ్యవారు !

ప్రపంచానికి తండ్రే కాదు, తల్లి కూడా ఉందని చెప్పే ఏకైక మతం హిందూమతం. ఇతర ధర్మాలలో స్త్రీదేవతల్ని పూజించడాన్ని పాషండ సంప్రదాయంగానూ, witchcraft గానూ భావిస్తారు. కానీ మనకి స్త్రీదేవతలందఱూ పరమపురుషుడి భార్యగా అభివర్ణించబడిన జగన్మాత యొక్క అంశలే, అవతారాలే. ఎవఱీ జగన్మాత ? అనడిగితే, ఈ చరాచరవిశ్వమూ, ప్రకృతీ అంతా జగన్మాతే. ఈ ప్రపంచం చైతన్యరహితమైనది కాదు. ఇది మనలాగే ప్రాణం కలిగినది. ఇది చాలా తెలివైనది. అలాంటి ఈ విశ్వమే జగన్మాత. "ప్రకృతిం వికృతిం విద్యాం సర్వభూతహితప్రదామ్" అని అభివర్ణించారు లక్ష్మీ అష్టోత్తర శతనామస్తోత్రపు మొట్టమొదటి శ్లోకంలో ఆవిణ్ణి ! సంపదలన్నీ ప్రకృతి (natural resources) నుంచి సంప్రాప్తించాల్సిందే కనుక లక్ష్మీదేవికి గల మొట్టమొదటి నామం ప్రకృతి అని పూర్వీకులు తెలియజేశారు.

అలాంటి ఈ ప్రకృతి యొక్క సత్యస్వరూపాన్ని తెలుసుకోలేక జనం భ్రమలో ఉన్నారు. దాన్ని నిర్జీవంగా భావిస్తున్నారు. అయితే ఎలా భావిస్తే ఆ ఫలితమే వస్తుంది. మన దేహంలో నివసించే బ్యాక్టీరియా, వైరస్సులక్కూడా తామొక చైతన్యస్వరూపమైన మానవదేహంలో ఉన్నామని తెలీదు. మన పరిస్థితీ అదే. ఆమెలోంచే మనమంతా ప్రభవించాం. ఆమెలో భాగంగా జీవిస్తున్నాం. చివఱికి ఆమెలోనే కలిసిపోతాం. ఈ జీవం, ఈ ప్రాణం, ఈ దేహం, దీనిక్కావాల్సిన ఆహారం ఆమెలోంచి ప్రభవించాయి. ఆమె పరమపురుషుడి యొక్క మానసస్వరూపం, ఆయన యొక్క సంకల్పం కావడం వల్ల మనక్కూడా మనస్సునీ, సంకల్పాల్నీ కలిగిస్తున్నది ఆమే. Science and technology ఇత్యాది పేర్లతోనూ, Nuclear energy, Laws of nature, ప్రభృతినామాలతోనూ మనం ఈ కాలంలో అధ్యయనం చేస్తున్నది అమ్మవారినే. అదే సమయంలో అమ్మవారు వీటన్నింటినీ మించినవారు కూడాను. అంటే అమ్మవారికి ఈ శాస్త్రాల రూపంగా కొన్ని నియమాలు (rules) ఉన్నాయి. అయ్యవారికి అవి లేవు. కానీ ఏ విధంగానైతే అయ్యవారిలో దివ్యాంశలూ, రాక్షసాంశలూ రెండూ ఉన్నాయో అలాగే అమ్మవారిలో సైతం అవి అంతే స్థాయిలో ఉన్నాయి.

అమ్మవారు అయ్యవారి మానసస్వరూపం కావడం వల్ల ఆమెకీ, ఆయనకీ అంతర్గతంగా భేదం లేదు. "వారిది భార్యాభర్తల సంబంధం" అని హిందూపురాణాలు వర్ణిస్తున్నప్పటికీ ఈ రెండు మహోన్నత, అత్యున్నత శక్తుల (Supreme powers) మధ్య ఉన్న అసలు సంబంధం ఏంటనేది ఇంకా మనకి అవగాహన కావాల్సి ఉంది. అయితే వారిద్దఱూ ఖచ్చితంగా ఉన్నారనేది మాత్రం హిందూ ఋషులు కొన్నివేలసార్లు ప్రత్యక్షంగా అనుభూతి పొంది దర్శించిన సత్యం. కనుక వారి వాక్యానుసారంగా మనం ఆ సత్యాన్ని నమ్మి ఆ ప్రకారంగా ఉపాసించక తప్పదు.

"పరమపురుషుడి భార్య అయిన జగన్మాతని ఎందుకు ముందు పూజించాలి ? సాధారణంగా భార్యాభర్తల సంబంధంలో భర్తకే అగ్రతాంబూలం కదా ? ఆ రకంగా చూసినప్పుడు ముందు పూజించాల్సింది భర్తనే (పరమపురుషుణ్ణే) కదా ?" అనడిగితే, ఆ దృష్టితో ఈ ఉపదేశాన్ని చూడకూడదని మనవి. అదే విధంగా Female first లాంటి ఆధునిక ఫెమినిస్టు ధోరణిలోంచి కూడా దీన్ని చూడకూడదు. లోకరీతి రివాజుల ననుసరించి పై ప్రశ్న సహేతుకమే. కానీ అదే లోకరీతి ప్రకారం - ఏ బిడ్డడికైనా తండ్రి ఉన్నాడనే సత్యం ముందు తల్లి ద్వారానే తెలుస్తుంది. అంటే "తల్లే సత్యం, తండ్రి అసత్యం’ అని కాదిక్కడ అర్థం. తల్లి అనే పరిభావన (concept) అంతకంటే ఉచ్చతరమైన తండ్రి అనే పరిభావనని (higher concept) జాడమాత్రంగా సూచిస్తూ, ఆయన దగ్గఱికి త్రోవచూపేదే తప్ప దానికదే ఏకైక పరిభావన కాదు. అక్కడితో ఆగిపోయేవారు మూర్ఖులు.

ఇక్కడ మన ఆధ్యాత్మిక జీవనంలో కూడా ప్రకృతే మన చుట్టూ కనిపిస్తున్నది. ఈ ప్రకృతి అనే దృశ్యమానస్వరూపం (visible concept) వెనక ఆమె భర్త అయిన పరమపురుషుడు అనే అదృశ్య సమున్నత స్వరూపం (invisible higher concept) దాగున్నాడు. ఈ ప్రకృతిని అధిగమిస్తే తప్ప ఆ పరమపురుషుణ్ణి చేఱుకోలేం. ఈ ప్రకృతికే మాయాశక్తి అని పేరు. ఎందుకంటే ఈమె భగవంతుడి మాయాశక్తి. ఈ మాయాశక్తి వలన మన జ్ఞానం కప్పబడుతున్నది. అలా కప్పబడడం వల్ల మనం అజ్ఞానులమనీ, అల్పజీవులమనీ, మనకేమీ తెలీదనీ, చేతకాదనీ అనుకుంటున్నాం. ఆ జ్ఞానం తిరిగి వెలికివస్తే మనమే భగవత్ స్వరూపులమనీ, మానవాత్మ పరమాత్మకే చిన్నప్రతిబింబం (miniature) అనీ గ్రహిస్తాం. అలా జ్ఞానం తిరిగి ప్రకాశమానం కావాలంటే ఈ మాయాశక్తి కప్పిన ఆచ్ఛాదనని తొలగించుకోవాలి. మనంతట మనం తొలగించుకోలేం. మనకా శక్తి లేదు. ఏ తల్లి ఈ ఆచ్ఛాదనని మనమీద కప్పిందో ఆవిడే దయదల్చి దీన్ని తొలగించి "అరుగో మీ నాన్నగారు" అని చూపాల్సి ఉంది. అందుకే ముందు ఆవిణ్ణి ప్రసన్నురాలిని చేసుకోవాలనడం.

ఆమె మన యెడ ప్రసన్నురాలైతే మనకి తగిన సద్గురువుని తప్పకుండా చూపించి ఆయన ద్వారా మనకి పరమాత్మదర్శనం చేయిస్తుంది. శ్రీరామకృష్ణపరమహంసగారి జీవితంలో ఇలాగే జఱిగింది. శ్రీ వైష్ణవులు కూడా అందుకే ముందు లక్ష్మీపూజ చేసినాకనే విష్ణుపూజ చేస్తారు.