18 ఫిబ్రవరి 2012 శనివారం

భావి హిందూ మతవ్యవస్థ : ఒక ప్రతిపాదన

హిందువులు సమైక్యంగా లేకపోవడానికి, మన మతం నానాటికీ బలహీనపడుతూండడానికి గల కారణాల్లో కులోన్మాదం ఒకటైతే, హిందువులందఱికీ కలిపి ఒక అత్యున్నత మతపీఠం లేకపోవడం రెండో ప్రధానకారణమని నా అభిప్రాయం. ఈ కారణం చేత మన ధర్మశాస్త్ర సూత్రాల స్థానాన్ని సెక్యులర్ ప్రభుత్వ చట్టాలు ఆక్రమించుకుంటున్నాయి. మన పీఠాధిపతుల స్థానాన్ని సెక్యులర్ న్యాయమూర్తులూ, కోర్టులూ దురాక్రమించేశారు. వారిప్పుడు మన దేవాలయాల మీదా, ఆచారాల మీదా తీర్పులు చెప్పే స్థాయికొచ్చేశారు.  వీటన్నింటి ద్వారా మనం మన ఆచార వ్యవహారాలకీ, ధర్మశాస్త్ర నిర్దేశాలకీ వ్యతిరేకంగా ప్రవర్తించేలా, మాట్లాడేలా తర్ఫీదివ్వబడుతున్నాం. మఱోపక్క హిందువులుగా మన ఉమ్మడి ప్రయోజనాల దృష్ట్యా మనమెవఱికి వోటెయ్యాలో మార్గదర్శనం చేసే ధార్మికనాయకులూ, సాంస్కృతిక నాయకులూ కఱువయ్యారు. లేదా తమకంటూ ఒక వ్యవస్థ లేకపోవడం చేత వారి గొంతు ఈ కలకలంలో వినపడ్డం మానేసింది. 

కనుక భవిష్యత్తులో నైనా మనం ఒక కేంద్రీకృత  అత్యున్నత మతపీఠాన్ని (Centralized Supreme Pontificate) ఏర్పఱచుకోవాలి. దేవాలయాలలో నియామకాలూ, ఆచారాలూ, జీతాలూ, హిందువుల సామాజిక, ఆర్థిక, రాజకీయ పాలసీలూ అన్నీ ఆ పరమపీఠాధిపతులే నిర్ణయించాలి. ఆ నిర్ణయాలు అన్ని స్థాయిల్లోనూ వెనువెంటనే అమల్లోకి రావాలి. ప్రతి హిందువూ తన కుటుంబ సంప్రదాయాని కనుగుణంగా ఏదో ఒక ప్రపీఠంలోనూ, ఉపపీఠంలోనూ, అనుపీఠంలోనూ తన పేరు నమోదు చేసుకోవాలి. దాని స్వరూపాన్ని నేను ఈ క్రింది విధంగా ఊహించుకుంటున్నాను. ఈ క్రింద పరిశీలించండి.

తెలుగులో టైప్ చేయండి

కైఫీయతులు

  © బ్లాగర్ టెంప్లేట్ "ప్సై" రూపొందించినవారు Ourblogtemplates.com 2008

ఈ పుట పైభాగానికి వెళ్ళడం కోసం ఇక్కడ నొక్కండి