దాడుల రూమర్స్: ఈశాన్యవాసులకు ఆర్ఎస్ఎస్ అండ

బెంగళూరు: అస్సాం అల్లర్ల నేపథ్యంలో ఈశాన్య రాష్ట్ర వాసులపై పెద్ద ఎత్తున దాడులు జరగబోతున్నాయనే ప్రచారం నేపథ్యంలో వేలాది మంది ఆ రాష్ట్రాల వారు బెంగళూరు, పరిసర ప్రాంతాల నుండి తరలి పోతున్న విషయం తెలిసిందే. కర్నాటక ముఖ్యమంత్రి జగదీష్ షెట్టార్, కేంద్ర హోంమంత్రి సుశీల్ కుమార్ షిండే, రాష్ట్ర హోంమంత్రి, డిజిపి తదితరులు రక్షణ కల్పిస్తామని విజ్ఞప్తులు చేస్తున్నారు. వారితో పాటు మీకు అండగా ఉంటామని, దాడులు జరగకుండా చూస్తామని ఆర్ఎస్ఎస్(రాష్ట్రీయ స్వయంసేవ సంఘ్) కూడా రంగంలోకి దిగింది.
సుమారు 250 మందికి పైగా స్వయం సేవకులు(ఆర్ఎస్ఎస్ కార్యకర్తలు) బెంగళూరు రైల్వే స్టేషన్‌లలో తరలి వెళ్లేందుకు సిద్ధంగా ఉన్న ఈశాన్య రాష్ట్ర వాసులకు రక్షణపై హామీ ఇస్తున్నారు. దాడుల ప్రచారాన్ని ఆర్ఎస్ఎస్, విహెచ్‌పి, రాష్ట్ర, కేంద్ర ప్రభుత్వాలు కొట్టి పారేస్తున్నాయి. ఆర్ఎస్ఎస్ కర్నాటక ప్రాంత శారీరక్ ప్రముఖ్ చంద్రశేఖర్ జాగీదర్, నగర జాయింట్ సెక్రటరీ కరుణాకర్ రాయ్‌ల ఆధ్వర్యంలో స్వయం సేవకులు బెంగళూరులోని మెజిస్టెక్ రైల్వే స్టేషన్‌లో ఈశాన్య రాష్ట్రవాసులతో మాట్లాడుతూ రక్షణపై హామీ ఇస్తున్నారు.
కాగా అస్సాం అల్లర్ల ప్రభావం బెంగళూరులో ఉన్న ఈశాన్య రాష్ట్ర వాసులపై పడింది. అక్కడి అల్లర్ల కారణంతో బెంగళూరు ప్రాంతంలోని ఈశాన్య రాష్ట్రాల వారిపై పెద్ద ఎత్తున దాడులు జరగబోతున్నాయన్న ప్రచారం వారిలో భయాందోళన కలిగించింది. దీంతో వారు పెట్టే బేడా సర్దుకొని బెంగళూరు నుండి తరలి పోతున్నారు. కర్నాటక ముఖ్యమంత్రి జగదీష్ షెట్టార్, కేంద్ర హోంమంత్రి సుశీల్ కుమార్ షిండే, పోలీసులు వారికి నచ్చజెప్పే ప్రకటనలు చేసినప్పటికీ వారు మాత్రం వెళ్లేందుకే సిద్ధపడ్డారు.
సుమారు ఐదు వేల మంది ఈశాన్య రాష్ట్రాల వాళ్లు బెంగళూరు, ఆ పరిసరాల నుండి తరలి వెళ్లారు/వెళుతున్నారు. ఇలా వెళుతున్న వారిలో విద్యార్థులు, ఐటి ఉద్యోగులు, ఇతర వృత్తుల వారు కూడా పెద్ద సంఖ్యలో ఉన్నారు. దాదాపు మూడు నుండి నాలుగు వేల మంది ఇప్పటికే బుధవారమే వెళ్లారని భావిస్తున్నారు. దాడులు చేస్తామని బాధితులకు పెద్ద ఎత్తున ఎస్సెమ్మెస్‌లు రావడంతో వారు వెళ్లి పోవడం ప్రారంభించారు.
ఇవన్నీ వదంతులేనని భయపడాల్సిన పని లేదని కర్నాటక హోమంత్రి, డిజిపి ప్రకటించారు. ఈ విషయమై ప్రధానమంత్రి మన్మోహన్ సింగ్ ముఖ్యమంత్రి షెట్టార్, కేంద్రహోంమంత్రి షిండేతో మాట్లాడారు. వారికి రక్షణపై హామీ ఇవ్వాల్సిందిగా ఆదేశించారు. ఈశాన్య రాష్ట్రాల వారు వెళుతుండటంతో రైల్వే స్టేషన్‌లు, రైళ్లు కిటకిటలాడుతున్నాయి. అందుబాటులో ఉన్న రైళ్లలో వెళుతున్నారు. ఈ విషయమై షెట్టార్ పిటిఐతో మాట్లాడుతూ... ప్రధాని, హోంమంత్రి ఈశాన్య రాష్ట్రవాసులు ఎలాంటి భయాందోళనకు గురి కావొద్దని చెప్పారన్నారు


ఈనాడులో తాజా వార్త - బెంగుళూరు నుంచి తరలిపోతున్న ఈశాన్య రాష్ట్రాల వాసులు
http://eenadu.net/Homeinner.aspx?item=break36

బ్రిటిషర్ల పూర్వీకులు హిందువులట !

ఇంగ్లీషువారు ఈరోజు క్రైస్తవులు. కాని ఆ జాతికి ఒక క్రైస్తవేతర గతం (Heathen past) ఉంది. అయితే ఆ గతం ఇప్పటిదాకా నిగూఢంగానే మిగిలిపోయింది. ఈమధ్యకాలంలో దాని గుఱించి చాలా పరిశోధనలు జఱిగాయి. ఇంగ్లీషు మాట్లాడే ఈ తెల్లజనాభా ఎక్కణ్ణుంచి వచ్చారు ? వీరు ఇంగ్లండుకి రాకముందు ఎక్కడుండేవారు ? ఏం చేస్తూండేవారు ? అనే అంశాల మీద బ్రిటిష్ పరిశోధకులు తీవ్రంగా కృషిచేశారు. ఆ కృషిలో నమ్మలేనంత అత్యాశ్చర్యకరమైన విషయాలు బయటపడ్డాయి.

ఇంగ్లండ్ అనే ఆ చలిద్వీపంలో ఇంగ్లీషువారు అడుగుపెట్టకముందు కూడా అక్కడ మనుషులుండేవారు. వివిధ సమయాల్లో ఇంగ్లండుకు చేఱుకున్న మూడు మానవజాతులు అక్కడి చలికి తట్టుకోలేక అంతరించాయి. నాలుగో జాతి అయిన Saxons తట్టుకుని నిలబడ్డారు. కాబట్టి ఇంగ్లీషువారు అక్కడ అడుగుపెట్టిన అయిదో జాతి. స్కాట్లెండ్, ఐర్లండ్, వేల్స్ మఱియు ఇతర బ్రిటిష్ ద్వీపాల్లో నివసించిన ప్రాచీన బ్రిటిషర్లకి డ్రూయిడ్స్ అని పేరు. డ్రూయిడిజమ్ అనే ఒక ప్రాచీన బ్రిటిష్ మతధర్మం పేరు మీద వారికి ఆ పేరొచ్చింది. ఇంగ్లీషువారు జెర్మానిక్ జాతివారు కాగా డ్రూయిడ్ లు ఆ జెర్మానిక్ జాతీయుల పూర్వీకుల నుంచి అంతకుముందే విడిపోయిన కెల్టిక్ జాతికి చెందినవారు. అంటే ఇద్దఱికీ మొత్తమ్మీద దగ్గఱి చుట్టఱికం ఉంది. అలా ఇంగ్లీషువారూ, శాగ్సన్ లూ, కెల్టిక్కులూ (డ్రూయిడ్ లు) కాలక్రమంలో ఒకే జాతిగా కలిసిపోయారు. అలా ఆంగ్లో-శాగ్సన్ బ్రిటిషర్లు కూడా అనేక శతాబ్దాల పాటు డ్రూయిడ్ మతాన్నే పాటించారు. సుమారు క్రీ.పూ. 200 ప్రాంతం లో బ్రిటిష్ ద్వీపాలు రోమన్ల పాలనలోకి వచ్చాయి. క్రీ.శ. నాలుగైదు శతాబ్దాల్లో ఇంగ్లీషువారిని బలవంతంగా క్రైస్తవ్యంలోకి మార్చిన ఆనాటి రోమన్ పాలకులూ, వారి పురోహితులూ కలిసి డ్రూయిడ్ మతావశేషాలన్నింటినీ ఉద్దేశపూర్వకంగా ధ్వంసం చేశారు. అయినా ఇప్పటికీ ఆ మతకేంద్రాల శిథిలాలుకొన్ని ఆ దేశంలో మిగిలే ఉన్నాయి.

డ్రూయిడ్ లు ప్రధానంగా విగ్రహారాధకులు, అగ్ని-ఉపాసకులు, సూర్యోపాసకులు కూడా. ఇళ్ళల్లో హోమాలు బాగా చేసేవారు. కాబట్టి ఇంటికి ఇంగ్లీషులో హోమ్ అని పేరొచ్చింది. (I go to home = అంటే నా హోమం ఉన్నచోటికి వెళుతున్నానని) వారి దేవుడు ఘూతోమ్ (సంస్కృతంలో హుతమ్ – ఎవరికోసం హోమం (హుతం) జఱపబడుతుందో ఆయన ఘూతోమ్) ఇదే తరువాత God అయింది. వారికి ఒక ఆచారకాండ ఉండేది. అది మన మనుధర్మశాస్త్రాన్ని పోలి ఉంటుంది. ఇంగ్లీషులో ఇప్పుడు మనకి తెలిసిన వారాల పేర్లు వాస్తవానికి డ్రూయిడ్ దేవతల పేర్లే. Sun (సూర), Mon (మాస్),Tues, Wednes (బుధ), Thurs (Thor), Fri (భృగు), Saturn (శని) మొ||

నేను మొదట ఈ విషయం చదివినప్పుడు ఒకానొక వైదిక సంహితలో చిన్నప్పుడెప్పుడో చదివిన కథ (కథ అనకూడదేమో) ఒకటి గుర్తుకొచ్చింది. ఆ బ్రాహ్మణం పేరేంటో గుర్తులేదు. జనక మహారాజు తన రాజ్యంలోని భ్రష్ట బ్రాహ్మణులందఱికీ (వ్రాత్యులని రాశారు) దేశ బహిష్కారశిక్ష విధించి వెళ్ళగొట్టాడట. వాళ్ళు వేలాదిమంది రాజ్యాన్ని విడిచి కట్టుబట్టలతో కుటుంబాలతో సహా పశ్చిమదిక్కుగా వెళ్ళిపోయారట. ఆ వెళ్ళిపోయినవాళ్ళు ఏమయ్యారో తెలియదు. దేశవ్యాప్తంగా అన్ని వేలమంది ఒకేసారి భ్రష్టులెలా అవుతారు ? అని సందేహం కలుగుతుంది. బహుశా వాళ్ళు నిజంగా భ్రష్టులు కారనీ, జనకమహారాజూ, ఆయనకి విధేయులైన మతగురువులూ నమ్మిన వేదాంతం/ లేదా భాష్యం కంటే భిన్నమైన వేదాంతాన్ని, తాత్పర్యాన్ని అవలంబించడం చేత వారినలా దూషించి భ్రష్టముద్ర వేసి కుట్రపూరితంగా వెళ్ళగొట్టారని అనిపిస్తుంది. ఆ వెళ్ళిపోయినవాళ్లే ఈ డ్రూయిడ్స్ కావచ్చు. చరిత్ర ఏనాటికైనా కసి తీర్చుకుంటుందని నా నమ్మకం.

9 ఏళ్ళ క్రితం Peter Berresford Ellis అనే ఆంగ్లేయుడు ఈ విషయమై మఱికొన్నివిశేషాలు వ్రాశారు. ఆ మేటర్ ఇక్కడ పెడుతున్నాను. చదవగలరు.

(ముగింపు వచ్చే టపాలో)

శ్రీ పరమశివతత్త్వం

శ్రీ గురుభ్యోనమః 

సభాయైనమః 

శ్రావణమాసంలో ఎన్నో వ్రతాలు, పూజలు, ఎన్నో వ్రతాలు ఈ మాసం నుండే ప్రారంభం. శ్రావణంలో ఎందరో దేవతలకి సంబంధించిన పూజలున్నా శ్రావణ మాసం సాంబశివుని పూజకు అత్యంత ఉత్కృష్టమైన కాలం. శ్రావణ మాసం తనకెంతో ప్రీతికరమైన మాసమని స్వయంగా సదాశివుడే సనత్కుమారునితో చెప్పారు. "శ్రావణంలో వ్రతము కాని రోజు లేదు" అని శివవాక్కు. సరే, కొన్ని కారణాల వల్ల ముందే పంపుదామనుకున్న కొన్ని విషయాలు సమయానికి పంపలేకపోయాను. ఈ వేళ శివతత్త్వం గురించి తెలుసుకున్నది చదువుకున్నది మీతో పంచుకునే ప్రయత్నం చేస్తున్నాను..... శివాయ గురవే నమః 

పరమశివతత్త్వం విచిత్రంగా ఉంటుంది. ఆయనను కీర్తించే నామాలు, ఆయన గౌణాలూ సింహభాగం అమంగళ వస్తువులలాగా, అమంగళ పదాలలాగా ఉంటాయి. ఒక విధంగా అవి ఆయన సౌలభ్యాన్ని సూచించేవే ఐనా కొందరు అదే నిజమనుకుని శివతత్త్వం మీద అటువంటి వ్యాఖ్యలే చేస్తుంటారు.’యద్భావం తద్భవతి’ అన్నట్లు ఎలా ఆలోచించేవారికి, ఎలా కోరే వారికి అలానే కనపడి ఉద్ధరించే స్వరూపం ఆయనది. ఇదే విషయాన్ని అదే పరమాత్మ స్థితికారుడైన విష్ణు అంశలతో జగద్రక్షకుడుగా ఎవరు ఎలా కావాలనుక్కుంటే అలా వచ్చి ఉద్ధరించినట్లు మనం ఎన్ని వృత్తాంతాలలో చూడలేదు ? ’శివుడు’ అనగా శుభరూపుడు శుభకరుడు అని అర్థాలు. అలాంటి శివుణ్ణి స్మశానవాసిగా, పిశాచ సహచరునిగా, చితా భస్మం పూసుకునే శరీరం ఉన్నవాడిగా, నర కపాల మాలాధరునిగా చూసి ఆరాధిస్తారు. కొందరు "ఈ రూపమున్నవాడే శివుడు" అని తలచి ఆరాధిస్తారు కొందరు తత్త్వ సమన్వయం చేసుకుని సచ్చిదానంద విగ్రహం అని ఆరాధిస్తారు. మరికొందరు నిందచేస్తారు, వాటినీ వ్యాజస్తుతిలా స్వీకరించి అనుగ్రహిస్తాడు. 

శ్లో|| శ్మశానే ష్వాక్రీడా స్మరహర! పిశాచాః సహచరా 
శ్చితాభస్మాలేపః స్రగపి నృకరోటీపరికరః |
అమాంగల్యం శీలం తవ భవతునామైవ మఖిలం 
తథాపి స్మర్తౄణాం వరద! పరమం మంగళమసి ||

రూప సమన్వయము 

౧) అందరికీ ఆహ్లాదం కలిగించి మన్మథుని చంపినవాడా! నువ్వు శ్మశానములలో తిరుగువాడవు. పిశాచాదులు నీ తోటి స్నేహితులు నీతో తిరిగేవారు. పిశాచములు ప్రేతములతో కలిసి నువ్వు తిరుగుతావు. కాలిన శవముల బూడిదను గ్రహించి శరీరానికి పూసుకుంటూ ఉంటావు. నరులు చనిపోతే కాలిపోయిన వారి కపాలములతో గుచ్చిన మాల వేసుకుంటావు. ఇలా నీ అలవాట్లలో ఏది చూసినా శుభకరమైనది కానేకాదు. అయినా నిన్ను స్మరించే వారికి నువ్వెప్పుడూ మంగళస్వరూపుడవు. అత్యంత శుభకరుడవు. 

తత్త్వ సమన్వయము 

౨) ఇక్కడ స్మరహర అని సంబోధన 
స్మర= నిన్ను స్మరించు, ఉపాసించు 
హ= ఆకాశ సూచకము 
ర=అగ్ని సూచకము 
స్మర హర = నిన్ను ఉపాసించు వారి దహరాకాశమున అగ్నిబిందు రూపమున స్వయంజ్యోతిగా ప్రకాశించు శివా! 
శ్మశానేష్వాక్రీడా= శ్మశానేషు+ఆక్రీడా; 
శ్మ శానేషు = శమ శయనేషు = అంతర్ ఇంద్రియ నిరోధమునకు శయనము (శమ దమాది గుణములంటాము కదా) శమ దమాది సాధనాసంపత్తి/ శుద్ధ సత్త్వగుణమునకు శయనము అంటే ఆశ్రయము అగు ఉపాసకుల హృదయములందు. 
తవ = నీ 
ఆక్రీడా= విహరణము, తిరుగుట 
పిశాచాః=పిశా..శాః=అవయవములను తమవిగా అనుభవించెడి నాలుగు రకాల శరీరములు, 
పిశాచాః= స్థూల, సూక్ష్మ, కారణ, మహాకారణ దేహములు 
తే=నీ 
సహ చరాః= ఉపాసనయందు నీతో కలిసి తిరుగునవి 
చితా భస్మ = ప్రణవ ఉపాసనచే సిద్ధమగు జ్ఞాన సిద్ధి /జ్ఞాన దీప్తి 
తే= నీ 
ఆలేపః =  వంటికి పూసుకునే ద్రవ్యం 
అపి = మరియు 
నృ కరోటీ పరికరః = జ్ఞాన సిద్ధికి మార్గం చూపే మాతృకలు/వర్ణముల కూర్పు 
తే=నీ 
స్రక్ = మాల 
వ ర ద;  వ = ప్రాపంచిక సుఖరూప శుభము  ర= మోక్షప్రద జ్ఞానప్రకాశము ద= ఇచ్చు వాడా 
ఏవం = ఈవిధముగా 
స్మర్తౄణాం = నిన్ను స్మరించు లేదా ఉపాసించు వారికి  
పరమం మంగళం =ఉత్తమమైన శుభము లేదా అత్యంత శుభకరము 
అసి = అగుచున్నావు 

తాత్పర్యము : 

తత్త్వజ్ఞులై అంతర్ముఖ అంతః కరణ వృత్తితో (సాధనా సంపత్తితో) ఉపాసించు ఉపాసకుల దహరాకాశములందు నివసించే దేవా ఓ శివా! నీవు బహిర్ అంతర్ ఇంద్రియముల నిగ్రహము కలవారి హృదయములలో నిలిచి ఉండేవాడవు. నీ తత్త్వములు విచారణ చేయుటకు వారికి వారి నాలుగు శరీరములైన స్థూల సూక్ష్మ కారణ మహాకారణ శరీరములు సహకరించును. నీ తత్త్వమునకు అవే సహచరములై ఉంటాయి. నిరంతరమూ వివేచనా దీప్తిచే సిద్ధించిన తత్త్వనిర్ణయమే జ్ఞాన సిద్ధియే నీ శరీరమునకు పూసుకున్న పూత. జ్ఞానానుభవమునకు త్రోవచూపు అకారాదిక్షకారాంత అక్ష (ర) మాలయే నీ తత్త్వరూపశరీరమునకు అలంకారమగు కంఠమాల. ఈ విధముగా శ్రుతి గురూపదేశ మార్గమున నిన్ను ఉపాసించు వారికి నీవు పరమ మంగళుడవు. 

ఇదే పరబ్రహ్మ తత్త్వం. సర్వం శ్రీ పరబ్రహ్మార్పణమస్తు. 

- శ్రీ అయ్యగారి సూర్యనాగేంద్ర కుమార్ శర్మ

'దళిత' పదం అర్థమేమిటి?
- ఎం.ఎన్. ఆచార్య

దళిత పద వాడకం ఇటీవలి కాలంలో అధికమైంది. ఈ పదాన్ని మన రాష్ట్రంలో 'మాల' 'మాదిగ' పదాలకు మారుగా వాడుతున్నారు. ఈ పదం 1970 తర్వాత ప్రచారంలోకి వచ్చింది. ఇది మహారాష్ట్రలో పుట్టింది. అక్కడ దళిత పాంథర్స్ అనే పేరుతో ఒక ఉద్యమం కొనసాగింది. పూనాలో ఉన్న గోఖలే పరిశోధనా సంస్థలో ఈ 'దళిత' పదాన్ని రూపొందింది. దీనికి మాతృక అమెరికాలో కొనసాగిన బ్లాక్‌పాంథర్స్ మూవ్‌మెంట్. పాంథర్ అంటే చిరుత పులి, బ్లాక్ పాంథర్ అంటే నల్లచిరుత పులి. నల్లవారు తమ ఉద్యమానికి అర్థవంతమైన పేరు పెట్టుకున్నారు.

కాని మహారాష్ట్రులు తమ ఉద్యమానికి పెట్టుకొన్న పేరు దళిత పాంథర్స్. దళిత పాంథర్స్ అంటే చీల్చబడిన, చిమ్మబడిన, చంపబడిన చిరుతపులులని అర్థం. దళిత పదాన్ని పాంథర్ అనే పదంతో జోడించి మహారాష్ట్రులు ఘోరమైన తప్పు చేశారు. అన్‌టచ్‌బుల్ పాంథర్స్ అని పేరు పెట్టుకున్నా శ్లేషార్థంతో అర్థవంతంగా ఉండేది. పోనీ ఆ ఉద్యమం ఫలించిందా అంటే అదీ లేదు. ఫలరహితమైన చెట్టువలే అది ఎండిపోయింది. కాని వారు ప్రయోగించిన ఈ 'దళిత' పదం మాత్రం భారతదేశ వ్యాప్తమై ఎస్సీల్ని అవమానిస్తోంది.

అసలీ దళిత పదానికి ఉన్న అర్థమేమిటో పరిశీలిద్దాం. దళనము, దళితము అనుపదాలు సంస్కృత పదాలు. దళేదళనం అనే ధాతువు నుంచి ఈ పదం పుట్టింది. దళనమంటే భేదించుటకు సాధనమైంది, భేదించుట అని అర్థం. దళితమంటే ఖండింపబడినది. ఛేదింపబడినది. అర్థీకృతము. సగముగా చేయబడినది. విక్షిప్తము. ఇటునటు చిమ్మబడినది అని శ్రీ సూర్యరాయాంధ్ర నిఘంటువు ఈ రెండు పదాలకు ఉన్న అర్థాల్ని వివరించింది. అందుకు ఉదాహరణగా ఈ శ్లోకాన్ని ఇచ్చింది. 'దళిత ఫలాల పుంజే వృషభం పరిభవతి హాలికే కుపితే / నిభృత నిబాలిత వదనౌ హలిక వధూ దేవరౌ హసత:' తాలుధాన్యపు రాశిని ఇటునటు చిమ్ముతున్న ఎద్దుని కోపముతో కొడుతున్న రైతుని చూచి అతని భార్యా, ఆమె మరిది ఇద్దరూ నవ్వుతున్నారని శ్లోకార్థం. తాలుధాన్యపు రాశిని చిమ్ముతున్న ఎద్దును కొట్టడం దేనికని వారి భావన. ఇక్కడ దళనమంటే చిమ్మడమని అర్ధం. వివరాలకు (ఆర్యా సప్తశతి, 302. శ్రీ సూర్యరాయాంధ్ర నిఘంటువు, 3వ సంపుటం, పుట 706.)

మరొక ఉదాహరణం. మహాకవి నంది తిమ్మన విరచిత పారిజాతాపహరణం అను ప్రబంధం యొక్క పీఠికలోని ఇరువది ఎనిమిదవ పద్యంలో కూడా దళిత పద ప్రయోగమున్నది. దాన్ని కూడా చూద్దాం. 'సామర్ష దళిత పరభట/ సామజ హయకూల ముద్రుజ క్షతజ ధునీ / కాముకి తాఖిల జలధికి / నాముష్యాయణ సుధీగృహాంగణ నిధికన్' పై పద్యంలోని దళిత పరభట సామజ హయములంటే చంపబడిన పరరాజుల యొక్క భటులూ, ఏనుగులు, గుర్రాలని అర్థం. ఇక్కడ దళితమంటే చంపబడినదని అర్థం. ఇంకొక ఉదాహరణాన్ని పరిశీలిద్దాం. 'దేశదాస్య దళన దీక్షానిబద్ధోగ్ర/కంకణంబు మెరయ కత్తి బట్టి/కటిక రాత్రి బందిఖానా నుడాయించి/ బోసుబాబు దాటిపోవు వేళ' ఈ పద్యంలో ఉన్న దళనము అనే పదానికి అర్థం రూపుమాపడమని.

వివరాలకు (మహాకవి జాషువా విరచిత నేతాజి. పుట6) దళితులంటే హిందువుల నుంచి వేరుచేయబడిన వారని కొందరు మాలమాదిగ విద్యావేత్తలంటున్నారు. వారి భావన పూర్తిగా తప్పు. విభజన అంటే వేరుచేయడం. విభజితమంటే వేరుచేయబడినది. విభజిత సమాజమంటే వేరుచేయబడిన సమాజమని. కాని దళనమంటే వేరుచేయడమనే అర్థం రాదు. అనగా విభజన అనే అర్థం రాదు. దళనమంటే ఒక వస్తువును భౌతికంగా రూపుమాపడం, చీల్చడం, చిమ్మడం, చంపడం అనే అర్థాలు వస్తాయిగాని డివైడ్ అనే అర్థం రానే రాదు. దళితుడంటే శారీరకంగా చీల్చబడినవాడు లేక చంపబడిన వాడు అని అర్థం. పాండవులు విరటుని కొలువులో ఉన్నప్పుడు భీముడు తన భార్య ద్రౌపదిపట్ల అసభ్యంగా ప్రవర్తించిన సుధేష్ణ సోదరుని శరీరాన్ని రెండు ముక్కలు చేశాడు.

అనగా అతనిని దళిత శరీరుణ్ణి చేసాడని అర్థం. దళిత పదంతో కలసిన ఏ పదమైనా చంపబడిన, చీల్చబడిన అనే అర్థాలే వస్తాయి. ఉదాహరణకు దళిత కవి అంటే చంపబడిన కవి అని అర్థం. అలానే దళిత మంత్రి, దళిత ఎమ్మెల్యే, దళిత ఎంపీ, దళితోద్యోగి, దళిత విద్యార్థి మొదలైన పదాలకు కూడా పై అర్థమే వర్తిస్తుంది. దళిత సాహిత్యమంటే రూపుమాపబడిన సాహిత్యమని. కొందరు దళిత మహాసభ, దళిత బహుజనులంటున్నారు. దళిత మహాసభ అంటే బ్రద్దలు చేయబడిన లేక రూపుమాపబడిన మహాసభ అని అర్థం. దళిత బహుజనులంటే చంపబడిన బహుజనులని అర్థం. ఇటీవల టిటిడి పాలక మండలి కూడా ఎస్సీ కాలనీల్లోకి వెంకటేశ్వరుణ్ణి తీసుకొనిపోయే ఒక కార్యక్రమానికి దళిత గోవిందమని పేరు పెట్టారు. దళిత గోవిందమంటే చంపబడిన గోవిందమనీ, చిమ్మబడిన గోవిందమనీ, చీల్చబడిన గోవిందమని అర్థం. టిటిడి వారు ఈ విషయాన్ని గమనించకపోవటం ఆశ్చర్యకరం.

బాబా సాహెబ్ అంబేద్కర్ ఒక సందర్భంలో ఐ యామ్ ప్రౌడ్ టు బి ఏ మహర్ అని అన్నాడు. అనగా నేను మహర్‌గా ఉన్నందుకు గర్విస్తున్నాను. 1938లో మహారాష్ట్ర అసెంబ్లీ ఎస్సీలకు హరిజన పదాన్ని చట్టబద్ధం చేయడానికి ఒక బిల్లును ప్రవేశపెట్టగా, అంబేద్కర్ దానికి నిరసనగా తన అనుయాయులతో సభ నుంచి వాకౌట్ చేశారు. దేశ ప్రజలందరినీ హరిజనులంటే మాకు అభ్యంతరం లేదని అంతకు ముందు మాట్లాడిన గైక్వాడ్ అన్నారు. ఈ పై విషయాన్ని తరచి చూడగా ఎస్సీలకు కొత్త పదాలు అవసరం లేదని అంబేద్కర్ భావన.

ఎస్సీలు ఆదిమాంధ్ర, ఆది ద్రావిడ, ఆది కర్నాట, ఆది మళయాళ, నాగ ఇత్యాది చారిత్రక పదాలు కలిగిన వారు. వీరిని మూల నివాసులని కూడా అంటారు. ఆంధ్రుల్లో నాగ, యక్ష జాతులు బౌద్ధం పట్ల ప్రత్యేక ఆదరాన్ని ప్రదర్శించారని చరిత్ర చెబుతుంది. అమరావతి శాసనాలు గథిక, చర్మకార మొదలైన కర్మ కారుల దాన ధర్మాలను గురించి ముచ్చటిస్తున్నాయి. విధికుడనే చర్మకారుడు ధాన్య కటక స్తూపాన్ని కుటుంబ సమేతంగా దర్శించి చేసిన దానం వల్ల బౌద్ధం ప్రజలలో కలిగించిన సర్వసమభావాన్నే కాక, నాడు సమాజంలో అట్టడుగున ఉన్న ప్రజలు బౌద్ధం పట్ల ప్రదర్శించిన అభిమానం వ్యక్తమౌతుంది. బాబాసాహెబ్ అంబేద్కర్ 1956 అక్టోబర్ 15న నాగ జాతి గొప్పతనాన్ని ప్రశంసించారు.

ఇప్పటికైనా మాలమాదిగలు కళ్లు తెరవాలి. ఈ దళిత పద వ్యవహారానికి స్వస్తి చెప్పాలి. ఆదిమాంధ్ర పదాన్ని లేక మాలమాదిగ పదాల్ని వాడుకలోకి తీసుకొని రావాలి. ఈ దళిత పద వాడకాన్ని సుప్రీంకోర్టు మార్చి 17, 2008న నిషేధించింది. దీనిపై ఎవరైనా కోర్టుకు వెళితే చిక్కులు వస్తాయి. దళితుడంటే చంపబడినవాడని అర్థం.
- ఎం.ఎన్. ఆచార్య
అంబేద్కర్ ఫెలోషిప్ గ్రహీత

వంటింటి మీద యుద్ధం

శ్రీ గురుభ్యోనమః 
నమస్తే 


ఏ సంస్కృతి-సంప్రదాయాల్ని కాలరాయాలన్నా చేసే మొదటి యుద్ధంలో భాగం వంటింటి మీద యుద్ధం. మన సనాతనధర్మంలో వంటింటిని పాకశాల, పాకగృహం, వంటి పేర్లతో అగ్నిహోత్రుడు కొలువై ఉండే ప్రదేశంగా భావించేవారు. నాకు తెలిసి నా చిన్నప్పుడు ఊర్లకెళ్ళినప్పుడు స్నానం చేయకుండా, మడి బట్ట కట్టుకోకుండా వంటింటిలోకి ఎవరూ వెళ్ళేవారు కారు, కనీసంలో కనీసం స్నానానంతరం ఉతికి ఆరేసిన చక్కని బట్ట కట్టి మాత్రమే వంటింట్లోకి వెళ్ళేవారు. ఏ వంట వండినా మొదట కొంత తీసి అగ్నిహోత్రంలో వేసేవారు. నాకు ఇప్పటికీ గుర్తు, ఇంట్లో సాయంత్రాలు జంతికలు, చెగోడీల వంటివి చేసినా మా అమ్మ మొదటి వాయిలోని ఒక ముక్క తీసి స్టవ్వులోని అగ్నిహోత్రంలో వేసి నమస్కరించినతరవాతే మాకు పెట్టేవారు. (ఇప్పటికీ ఆవిడ అలానే చేస్తున్నారు మేమూ అదే పాటిస్తున్నాము). ఇప్పుడు ఆ అలవాట్లన్నీ చాలా కనుమరుగైయ్యాయి మన ఇళ్ళలో, నిద్ర లేవగానే కనీసం ముఖ ప్రక్షాళన కూడా లేకుండా పొయ్యి వెలిగించి పాలు కాఫీ/టీ డికాక్షను వగైరాలు కాస్తున్నారు. ఇంటి యజమాని పనిమీద బయటికెళ్ళాక, పిల్లలు స్కూలుకెళ్ళాక అప్పుడు స్నానాదులు. ఐశ్వర్యాన్ని, సుఖాన్ని ఇచ్చే అగ్నిహోత్రుణ్ణి అంత అవమానిస్తే... ఏమి సుఖ శాంతులు లోకంలో ప్రవర్ధిల్లుతాయి? 


మన వంటింట్లోని పోపులడబ్బా కూడా మన సంస్కృతిని, మన కుటుంబ జీవనాన్ని ప్రతిబింబిస్తుంది. ఒకే చిన్న డబ్బాలో ఇంకొన్ని చిన్న డబ్బాలు కలిసి వివిధ రకాలైన పోపు దినుసులు, చప్పవి, కారానివి, ఘాటువి, చేదువి, నల్లవి తెల్లవి ఇలా రకరకాలైనవన్నీ కలిసి ఒకే డబ్బాలో ఉంటాయి. ఏ మోతాదులో ఏది వాడితే ఏ రుచి వస్తుందో ఆ ప్రకారం వాటిని వాడి రుచికరమైన వంట చేస్తాం. మన కుటుంబ వ్యవస్థా అంతే అందరు సభ్యులు కలిసి ఒకే ఇంట్లో ఉంటాం. ఒక్కో పని ఒక్కోరు చేస్తాం అందరం అందరికోసం బ్రతకడం మనకు మన వంటింటి పోపులడబ్బా నేర్పుతుంది. మనం భోజనం చేసే పద్ధతైనా అంతే. విస్తరాకులు, అరటి ఆకులు వాడడం ద్వారా వాడిన తరవాత ఆ ఎంగిలి విస్తర్లని పారేసినా అవి పునః మట్టిలో కలిసిపోయే స్థితిలో ఉంటాయి ఇతర జీవాలకూ ఆహారంగా పనికొస్తాయి. సహజ సిద్ధ recycling జరుగుతుంది వాటి వాడకం వల్ల. అన్ని సమయాల్లోనూ అవి వాడలేని వారు లోహాలతో తయారు చేసిన కంచం/ పళ్ళెంలో తింటారు, ఇవి కడిగి వాటిని మళ్ళీ వాడుకోవచ్చు. లోకానికి ఇవి వాడడం వల్ల ఏ ఇబ్బందీ లేదు. ఒకటి recycle ఇంకొకటి reuse. అంతే కానీ కాగితపు, ప్లాస్టిక్ కంచాలు, లోటాలు మనకలవాటులేవు వాటి వాడకం ఎక్కువై పడేసిన చెత్త తూములకి నాలాలకి అడ్డుపడి మురికి నీరు పొంగి లేనిపోని అనర్థాలకి దారితీస్తున్నాయి. పైగా అందులో వాడిన రసాయనాలు మనం తినే తిండి ద్వారా మనలోకి చేరుతున్నాయి అనారోగ్యాన్ని కలిగిస్తున్నాయి. (తమిళులు, కేరళ ప్రాంత వాసుల జుట్టు ఎక్కువ కాలం నల్లగా ఉండడానికి కారణం, వారు ఎక్కువగా లేత అరటి ఆకులలో భోజనం చేయడమని కంచిలో ఒకరు చెప్పగా విన్నాను)


విస్తరిలో తీపి పదార్థం తో సహా అన్ని వంటకాలూ వడ్డించుకుని తినే అలవాటు మనది. అన్ని రుచులూ వడ్డించుకుని ఒకదానిలో ఒకటి కలుపుకుని , నంజుకుని ఒక పద్ధతిగా తినే అలవాట్లు మనవి. అన్నం పప్పు, అందులోకి రసం/ పులుసు/ సాంబారు వంటివి కలుపుకోవడం పచ్చళ్ళు నంజుకోవడం, వడియాలు, అప్పడాలు నంజుకోవడం, ఒకదానితో ఒకటి కలిపి తింటాం, అన్నిటినీ కలుపుకుపోగలిగిన మన మనస్తత్వాన్నీ, మన సాంప్రదాయాన్నీ ఆ విషయం సూచిస్తే.. సూపు విడిగా, స్నాక్స్ విడిగా, మెయిన్ కోర్స్ విడిగా మళ్ళీ అందులో పదార్థాలు విడివిడిగా చివరకి డెసర్ట్ అని అదీ విడి విడిగా విడిపోయి ఉండే సంస్కారం అన్యులది. సంస్కృతి సాంప్రదాయాల మీద యుద్ధంలో భాగంగా, గ్లోబలైజేషన్ పేర మనకీ ఆ విడి విడి తిళ్ళేఅలవాటౌతున్నాయి. 


వంటింట్లోకి ఎవరుపడితే వారొచ్చేవారు కాదు, కానీ నేడు ఓపెన్ కల్చర్, ఐ లైక్ ఓపెన్ కిచెన్ యు నో... సో కమ్ఫర్టబ్‍ల్ ఏది కావస్తే అప్పుడు అది తీసుకోవచ్చు అని చెప్పుకునే స్థితికి వచ్చాం. తినే తిళ్ళు భగవత్ప్రసాదంగా తినే మన సంస్కృతికి ఎంగిలి తిళ్ళు అలవాటయ్యి అన్నీ బాగుండాలి సుఖ శాంతులు కావాలంటే ఆ దిశగా బుద్ధి ప్రచోదనం చేసి మన మనసుని మార్చగలిగే తిండే కరవౌతోంది కదా............. 


ఆలోచించండి... ఇదీ మన వంటింటి మీద యుద్ధం మనకే తెలియకుండా జరుగుతున్న తీరు...

 - శ్రీఅయ్యగారి సూర్యనాగేంద్రకుమార్ శర్మ

చారిత్రిక అనుభవాలనుంచి హిందువులు గుణపాఠాలు నేర్వాలి

పాశ్చాత్య విద్యా వ్యామోహం ఒక తీయని విషం. అది ఆధునికీకరణ పేరుతో అమలవుతున్న భస్మాసుర హస్తం. అది మనల్ని కరకరా నమిలి మింగడానికి సిద్ధంగా ఉన్న కలిపురుషుడి కరాళదంష్ట్ర. ప్రతివారినీ బాగు చేసేస్తామని ప్రచారం ద్వారా మభ్యపెట్టి, వాళ్ళ చేతికి ఒక లాటరీ టిక్కెట్టిచ్చి, వారందఱినీ తమ పూర్వస్థానాల నుంచి భ్రష్టుల్ని చేసి, ఆఖరికి వారిలో కొద్దిమందిని మాత్రం బాగుచేసి మిగతా కోట్లాదిమందిని పేదలుగా, అనాథలుగా మిగిల్చే ఒక మోసపూరిత ప్రక్రియ. ఉదాహరణకి, మన రాష్ట్రంలో యావత్తు విద్యావిధానమూ జనాన్ని అమెరికా, ఆస్ట్రేలియా పంపడమే లక్ష్యంగా పనిచేస్తోంది. అందఱమూ ఇంగ్లీషు నేర్చుకొని రాష్ట్రాన్ని వదిలిపెట్టి పారిపోదామనే పిఱికి ఎస్కేపిస్టు ఫిలాసఫీని ఇది ప్రచారం చేస్తోంది. పాఠశాలలకి పేర్లు కూడా ఆ లక్ష్యానికి అనుగుణంగానే పెడుతున్నారు, తల్లిదండ్రుల్ని ఆకర్షించే ఉద్దేశంతో ! కెనడీ హై అట, సిల్వర్ ఓక్స్ ఇంటర్నేషనల్ అట. చైతన్య టెక్నో అట.... వీటిల్లో చదివే పిల్లలంతా భావి అమెరికన్లు గా భావించుకోబడుతున్నారు గనుక వీటిల్లో తెలుగనే సబ్జెక్ట్ ఉండదు. తెలుగు రావడం ఈ కాబోయే బ్రౌన్ అమెరికన్లకి అవమానం గదా !

ఈ హైప్ వెనక ఉన్న వాస్తవమేంటంటే, నిజానికి అమెరికాలోనూ, ఆస్ట్రేలియాలోనూ, యూరప్ లోనూ ప్రస్తుతం పెద్దగా ఉద్యోగాలేమీ లేవు. వాళ్ళకే లేవు. ఇంక మనకేమిస్తారు ? గత కొద్ది సంవత్సరాలుగా ఆ దేశాలు గొప్ప ఆర్థిక సంక్షోభంలో కూరుకుపోయి ఉన్నాయి. అందులోంచి అవి ఎప్పుడు బయటపడతాయో ఎవఱికీ తెలీదు. వాళ్ళు ఏటా మనకు జారీ చేస్తున్న వీసాలు కేవలం కొద్దివేలల్లోనే ! అయినా ఆ లక్ష్యంతోనే మిలియన్లాదిమంది చదువుకుంటున్నారు దేశీ బ్రౌన్ అమెరికన్ స్కూళ్ళల్లో ! కానీ అక్కడికి పోవడాన్ని ఘనపఱుస్తూ ఆ వలసవాద, వలసదారీ భావజాలాన్ని మనకు అమ్మజూపుతున్నాయి ఈ విద్యాసంస్థలు. "చచ్చినోడి కళ్ళు చేరెడేసి బాబూ, రండి, రండి ! భలే మంచి బేరము" అని కేకేస్తూ ! మన తెలివితేటలు మన దేశాభివృద్ధికీ, మన సాంస్కృతిక వారసత్వానికీ పనికొచ్చే విధంగా మన విద్యావిధానం ఉండాలి. చైనాకి పనికిరావాలని జపాన్ వాళ్లు చదువు నేర్చుకోరు. ఫ్రాన్సుకి పనికొచ్చే ఉద్దేశంతో స్పెయిన్ వాళ్ళు చదువు నేర్చుకోరు. కానీ ఇండియాలో - ముఖ్యంగా ఆంధ్రాలో అంతా తారుమారుగా చిత్రవిచిత్రంగా నడుస్తోంది.

గతంలో మన రాష్ట్రంలో ఒక సనాతన సామాజిక వర్గం ఇలాంటి వ్యామోహాల్లో పడి ఎలా అధః పతనం చెందిందో మనకు కనువిప్పు కావాలి.  

స్వాతంత్ర్యానికి ముందు బ్రాహ్మణులకు రాష్ట్రంలో లక్షలాది ఎకరాల వ్యావసాయిక ఎస్టేట్లు ఉండేవి.బ్రాహ్మణులు ఒక బలీయమైన వ్యవసాయకులంగా ఉండేవారు. వనపర్తి, ఉర్లామ్, పోలవరం లాంటి చోట్ల వారు రాజాలుగా, జమీందార్లుగా కూడా ఉండేవారు. ఇంత స్థాయిలో కాకపోయినా ప్రతి బ్రాహ్మణుడికీ ఎంతో కొంత పొలం ఉండేది. ఆ రోజుల్లో బ్రాహ్మణుల రాజకీయ నాయకత్వానికి వారి దేశభక్తితో పాటు ఈ భూస్వామ్యం కూడా ఒక కారణం. దేశం ఎంతగా బ్రాహ్మణుల్ని అనుసరించేది అంటే - మొట్టమొదటి లోక్‌సభ (1952) కు ఎన్నికైన MP లలో 340 మంది బ్రాహ్మణులేనంటే ఈనాటివారికి దిగ్భ్రాంతి కలగొచ్చు. పత్రికలూ, పుస్తక ప్రచురణ, రేడియోల్లాంటి మీడియా కూడా బ్రాహ్మణుల చేతుల్లోనే ఉండేది. స్వాతంత్ర్యానంతరం కేవలం ఒకటి=రెండు దశాబ్దాల్లోనే ఈ స్థితిమత్త్వం నెమ్మదినెమ్మదిగా అదృశ్యమౌతూ వచ్చింది. ఇందులో బ్రిటీషువారు రాజకీయ కక్షలతో చేసినదాని కంటే, లేదా భూసంస్కరణల పేరుతో దేశీ ప్రభుత్వాలు లాక్కున్నదానికంటే బ్రాహ్మణులు అనాలోచితంగా దూరదృష్టిలేమితో స్వయంగా చేసుకున్నదాని పాత్రే చాలాఎక్కువ. 

బ్రాహ్మణులు చేసిన పొఱపాటు ఏంటి ? అంటే, వారు ఒక దశలో బ్రిటీషువారిచ్చే ఉద్యోగాల కోసం, లేదా లా చదవడం కోసం ఉన్న భూములమ్మేసి పట్టణాలకు చేఱుకోవడం. లేదా ఆ పొలాల్ని ఎవఱో ఇతర కులస్థులకు కౌలుకిచ్చేసి పట్టణాలకు చేఱుకోవడం. ఆ తరువాత ఆ భూములతో, ఆ ఊళ్ళతో సంబంధాలు తెగిపోవడం. ఆ తరువాత వారి వారసులు ఆ పొలాల్ని ఐనకాడికి అమ్మేసుకుని శాశ్వతంగా పట్టణాలలో స్థిరపడ్డం. ఈ క్రమంలో - క్రమం తప్పని ఆదాయంగా భావించి ఏ నెలజీతపు ఉద్యోగాల కోసమైతే తాము ఎగబడ్డారో అవి, తమకొచ్చినంత సులభంగా తమ సంతానానికి రాని పరిస్థితి తలెత్తడం. ఏతావతా రెంటికీ చెడ్డ రేవడిలా, ఇటు పొలమూ లేక, అటు అనుకున్నంత స్థాయిలో జీవితానికి కుదిరికా లేక బ్రాహ్మణులు దెబ్బదిన్నారు. వారు సలామ్ చేయదగ్గ భూస్వాముల స్థాయి నుంచి అందఱికీ సలాములు కొట్టే నెలజీతగాళ్ళ స్థాయికి పడిపోయారని గమనించాలి. అయితే కులపరంగా తరతరాలుగా ఉన్న సాంస్కృతికస్థాయి, సంప్రదాయాల మూలంగా వారు పూర్తిగా నాశనం కావడం జఱగలేదు. ఆ అడ్వాంటేజిలు లేని ఇతరులు ఆంగ్లవిద్య అనే ఈ లాటరీ టిక్కెట్టు కొనుక్కుని ఏమవుతారో తల్చుకుంటే భయమేస్తుంది.

ఒకప్పుడు బ్రాహ్మణులు త్రొక్కిన ఆ తప్పుదారినే, తెలిసో, తెలియకో ఇప్పుడు అందఱూ త్రొక్కుతున్నారు. వ్యవసాయ కులాలన్నీ పాశ్చాత్యవిద్యావ్యామోహంతో, MNC ఉద్యోగాల వ్యామోహంతో పొలాల్ని వదిలేసి నగరాల బాట పట్టుతున్నాయి. పొలాల్ని ఒకసారి వదిలిపెడితే ఇహ మళ్లీ వాటిల్లో అడుగుపెట్టడం అసాధ్యం. పొలాన్ని అమ్మగలం గానీ, కొనాలనుకున్నప్పుడు మళ్లీ కొనలేం. ఎన్ని చెప్పినా ఈ దేశంలో Land is power. అది పోగొట్టుకున్నవారికి రాజకీయాధికారం కూడా దూరమైపోతుంది. కనుక ఇప్పుడు మనం అగ్రకులాలూ, రాజకీయంగా బలవత్తరులైన కులాలూ అనుకుంటున్నవన్నీ ఒక యాభయ్యేళ్లల్లో పేదలుగా, మధ్యతరగతిగా మారే సంభావ్యత ఉంది. ఇది హిందూధర్మం మీద కూడా ప్రభావం చూపవచ్చు. 

బ్రాహ్మణులు చేసిన పొఱపాట్లను ఇతరులు పునరావృత్తం చేయకూడదు. తల్లిని నమ్మినవాడూ, భూమిని నమ్మినవాడూ చెడడనే నానుడిని మనసా వాచా కర్మణా విశ్వసించి ఎన్ని ఇబ్బందులున్నా మనం మన జీవనవిధానాన్ని కాపాడుకోవాలి.

తెలుగుహిందువులంతా ఒకే వోట్ బ్యాంకుగా మారాలి

ఇప్పుడు జఱిగిన ఉపఎన్నికల్లో జగన్ పార్టీకి 50 శాతం కన్నా ఎక్కువ వోట్లు పడ్డాయి. ఈ ఊపు ఇలాగే కొనసాగితే భవిష్యత్తులో అతను అధికారాన్ని చేపట్టడం ఖాయం. ఈ వోట్లలో 10 శాతం క్రైస్తవులవి, ఇంకో 10 శాతం ముస్లిములవీ, మఱో 10 శాతం హిందూ రెడ్లవీ కాక మిగతావి తక్కిన హిందూ కులాలవి. కనుక చాలావఱకూహిందువుల వోట్లతోనే అతను అధికారాన్ని చేపట్టగలడని సులభంగా అర్థం చేసుకోవచ్చు.

హిందువుల విషయానికొస్తే హిందువులకు ఈ మైనారీటీ నాయకత్వ పార్టీలు తప్ప వేఱే దిక్కు లేని పరిస్థితి దాపఱించింది. ఆంధ్రాలో స్థానికంగా హిందువుల కోసం పోరాడే పార్టీ ఏదీ లేదు.  హిందువుల పార్టీలు ఆచరణలో కులపార్టీలు మాత్రమే. అంటే మనకి కులపార్టీలు తప్ప మతపార్టీలేమీ లేవు. మైనారిటీలకు కాంగ్రెస్ ఉంది ఉమ్మడివేదికగా. ఇప్పుడు దాని స్థానాన్ని వైయస్సార్ కాంగ్రెస్ ఆక్రమించింది. అదొక్కటే తేడా.

తెలుగుదేశాన్ని ప్రజలు తెలుగుహిందువుల పార్టీగా చూడ్డం లేదు. దాన్ని సాదా సీదా కులపార్టీగానే చూస్తున్నారు. అది అన్ని ఎన్నికల్లోనూ వరసపెట్టి ఘోరంగా ఓడిపోవడానికి ఇదే కారణం. మఱోపక్క ప్రజాస్వామ్యంలో ఇతర కులాల మద్దతు లేకుండా, వాళ్ళందఱినీ కలుపుకు పోకుండా ఏ ఒక్క కులమూ స్వతంత్రంగా ఆధిపత్యంలో ఉండడం అసాధ్యమనే తెలివిడీ, వివేకమూ హిందూ అగ్రకులాలలో పూర్తిగా లోపించాయి. ఈ విషయమై నగరాల్లో కొంత చైతన్యం ఉంది. కానీ గ్రామాలకి పోయి చూస్తే అక్కడి అగ్రకులాల ప్రజలు యథాప్రకారంగా తమ సంకుచిత కులతత్త్వంలో, మతపరమైన అజ్ఞానంలోబ్రతుకుతున్నారు.

ఈ పరిస్థితి మారాలంటే వోటర్లలో విస్తృతమైన పోలరైజేషన్ రావాలి. అలా రావాలంటే హిందువుల రాజకీయ పార్టీలు కూడా తమ వంతు జాగృతిని వోటర్లలో కలిగించాలి. ఊరికే సెక్యులర్ పోజులివ్వడం వల్ల ఏమీ లాభంలేదు. ఇలాంటి పోజుల మూలానే వై.ఎస్. హయాంలో హిందూ దేవాలయాలకు జఱిగిన అపకారం గుఱించి మాట్లాడకుండా గమ్మున కూర్చున్నాయి అప్పట్లో హిందువుల సెక్యులర్ పార్టీలు. అలా వోట్లని  పోలరైజ్ చేసి లాభపడగల సువర్ణావకాశాన్ని అవి జాఱవిడుచుకున్నాయి.భవిష్యత్తులో కూడా YSRCP లాంటి మైనారిటీ నాయకత్వ పార్టీలు తమ మతోన్మాదం కొద్దీ, హిందువులంటే తమకున్న చిన్నచూపు కొద్దీ వై.ఎస్.ఆర్. చేసిన పొఱపాట్లనే యథాపూర్వంగా పునరావృత్తం చేస్తాయనడంలో సందేహం లేదు. వాళ్ళు తాము చేసే అపచారాలతో, తప్పులతో హిందువులకు చాలా అవకాశాలిస్తారు.  కానీ వాటిని హిందూ ప్రజానీకంలోకి విస్తృతంగా తీసుకెళ్ళి,  వోట్ల పోలరైజేషన్ ని సాధించే సత్తా, ఉద్దేశమూ తెలుగుదేశంలాంటి హిందూ పార్టీలకుందా ? అనేది సందేహాస్పదం. ఎందుకంటే వాటి ట్రాక్ రికార్డు మఱోలా ఉన్నట్లు కనిపిస్తోంది.

విద్రోహాన్ని పెంచనున్న ‘రాజ్యాంగ సమీక్ష’!

తగాదా పడుతున్న ఉభయ పక్షాల మధ్య తగవు తీర్చడానికి మధ్యవర్తులు అవసరం. ‘జమ్మూకాశ్మీర్’ సమస్యను పరిష్కరించడానికి ముగ్గురు మధ్యవర్తులను నియమించడం ద్వారా కేంద్ర ప్రభుత్వం వారు ఆ రాష్ట్రం విషయంలో తమకూ మరెవరికో మధ్య వివాదం కొనసాగుతున్నట్టు గుర్తించినట్టయింది! ఇలా గుర్తించడం మన రాజ్యాంగ వ్యవస్థ స్ఫూర్తికి విరుద్ధమైన అంశం! ప్రజలకూ ప్రభుత్వానికీ మధ్య తగాదా ఏమిటి?? దాదాపు పంతొమ్మిది నెలల క్రితం నియుక్తులైన ఈ మధ్యవర్తి మహాశయులు కేంద్ర ప్రభుత్వానికి సమర్పించిన పరిష్కార నివేదిక గత నెల 24వ తేదీన బయటపడింది! కాశ్మీర్‌లోని విచ్ఛిన్నవాదుల ఆకాంక్షలకు పాకిస్తాన్ అనుకూల విద్రోహపు తండాల మనోభావాలకు ఈ నివేదిక అద్దంపడుతోంది! ఈ నివేదికలోని సిఫార్సులను అమలుజరిపినట్టయితే జమ్మూకాశ్మీర్ కథ క్రీస్తుశకం 1947వ, 1952వ సంవత్సరాల మధ్య నడచిన విద్రోహకాండకు పునరావృత్తికాగలదు. ఎటొచ్చీ ఈ పునరావృత్త గాధలో కాశ్మీర్ లోయలోని హిందువులు మాత్రం ఉండరు!

1947 అక్టోబర్ 26వ తేదీన కాశ్మీర్ రాజు హరిసింగ్ ఆ ప్రాంతాన్ని మిగిలిన భారతదేశంలో విలీనం చేయడం చారిత్రక వాస్తవం. అందువల్ల కాశ్మీర్‌కు సంబంధించిన వివాదం లేదు! కానీ ఆ తరువాత పాకిస్తాన్ అక్రమ అధీనంలో ఎనబయి మూడు వేల చదరపు కిలోమీటర్ల భూభాగం ఉండిపోవడమే వివాద కారణం! దాన్ని రాబట్టుకోవడం మాత్రమే వివాద పరిష్కారం! కానీ దాన్ని రాబట్టుకొని వివాదాన్ని పరిష్కరించే మాటను మన ప్రభుత్వాలు మరచిపోయాయి. 1993లో పాకిస్తాన్ ప్రభుత్వంవారు కాశ్మీర్‌లో ‘హక్కుల’కు భంగం కలుగుతోందన్న తీర్మానాన్ని ఐక్యరాజ్యసమితిలో ప్రతిపాదించారు! అప్పటి ప్రధాని పి.వి.నరసింహారావు అభ్యర్థన మేరకు ప్రతిపక్ష నాయకుడు అటల్ బిహారీ వాజ్‌పేయి నాయకత్వంలోని ప్రతినిధి బృందంవారు ఐక్యరాజ్యసమితికి వెళ్లి పాకిస్తానీ తీర్మానాన్ని వమ్ముచేసి రాగలిగారు. జమ్మూకాశ్మీర్ భారతదేశంలోని భాగమన్న సత్యాన్ని ప్రపంచ దేశాలు గుర్తించాయి!

1972లో కుదిరిన సిమ్లా ఒప్పందం భారత పాకిస్తాన్ మధ్య ఉన్న వివాదాలన్నీ ద్వైపాక్షిక చర్చల ద్వారా పరిష్కరించుకోవాలి! మూడవ దేశం ప్రమేయం లేదు! అందువల్ల 1994నాటి తీర్మానం ప్రకారం పాకిస్తాన్ దురాక్రమణలో కొనసాగుతున్న కాశ్మీర్ భూభాగాలు జమ్మూకాశ్మీర్‌తో ఏకీకృతం అయినట్టయితే కథాకధిత కాశ్మీర్ సమస్య లేదు! కానీ ఇలా ఏకీకృతం చేసే విషయం మన ప్రభుత్వాలు మరచిపోయాయి. అందువల్ల పాకిస్తాన్ ఆక్రమిత కాశ్మీర్‌లో తిష్ఠవేసిన పాకిస్తానీ బీభత్సకారులు జమ్మూకాశ్మీర్‌లోని దేశంలోని ఇతర ప్రాంతాలలోకి చొరబడుతున్నారు. దశాబ్దులుగా జమ్మూకాశ్మీర్‌లోను ఇతర ప్రాంతాలలోను పాకిస్తాన్ సృష్టిస్తున్న బీభత్సకాండ మాత్రమే సమస్య! ఈ బీభత్సకాండ ఫలితంగా పాకిస్తాన్ ఆక్రమిత ప్రాంతంలోను, కాశ్మీర్ లోయ ప్రాంతంలోను అనాదిగా జీవించిన హిందువులు హత్యాకాండకు, అత్యాచారాలకు తరిమివేతకు గురిఅయినారు! ఈ హిందువులు భారతదేశ భక్తులు. జమ్మూకాశ్మీర్- పాకిస్తాన్ చైనా ఆక్రమిత భూభాగంతోసహా- భారతదేశంలో కొనసాగాలని భావిస్తున్నారు. 1947నుండి పాకిస్తాన్ ఆక్రమిత ప్రాంత హిందువులు, 1990 నుండి లోయ ప్రాంతంలోని హిందువులు తమ సంస్థలకు దూరమై శరణార్ధి శిబిరాలలోను కాశ్మీర్ వెలుపలి ప్రాంతాలలోను జీవచ్ఛవ జీవన యాత్రను సాగిస్తున్నారు. అందువల్ల పాకిస్తాన్ ప్రేరిత బీభత్సకాండను నిర్మూలించడం జమ్మూకాశ్మీర్‌లో ప్రశాంతికి ప్రధాన పరిష్కారం. బీభత్సకాండ అణగారిపోయినట్టయితే లోయ ప్రాంత హిందువులు తమ స్వస్థలాలకు తిరిగి వెడతారు! పాకిస్తాన్ ఆక్రమిత కాశ్మీర్‌ను జమ్మూకాశ్మీర్‌లో ఏకీకృతం చేసినట్టయితే జమ్ములో ఉంటున్న పాకిస్తాన్ ఆక్రమిత ప్రాంత హిందువులు కూడా జన్మస్థలాలకు తిరిగి వెడతారు! ‘మధ్యవర్తుల’ నివేదికలో ఈ బీభత్సకాండ నిర్మూలనకోసం చేసిన సిఫార్సులు లేవు! నిర్వాసిత హిందువులు.. మధ్యవర్తులకు కాని కేంద్రానికి కాని గుర్తులేదని ఇలా స్పష్టమైంది!

ఇలా అసలు సమస్యను వదలివేసిన మధ్యవర్తులు జమ్మూకాశ్మీర్‌కు వర్తిస్తున్న కేంద్ర ప్రభుత్వపు చట్టాలను సమీక్షించాలని సూచించారు. అలాగే 1950 తరువాత వివిధ సమయాలలో జమ్మూకాశ్మీర్‌కు వర్తింపచేసిన భారత రాజ్యాంగ విషయాలను కూడ సమీక్షించాలని మధ్యవర్తుల సంఘం కేంద్ర ప్రభుత్వానికి సిఫార్సు చేసింది. కేంద్ర ప్రభుత్వం చేసిన చట్టాలవల్ల జమ్మూకాశ్మీర్ ప్రజలకు జరిగిన నష్టం ఏమిటన్నది మధ్యవర్తుల బృందం సూచించలేదు! అలాగే భారత రాజ్యాంగంలోని వివిధ అంశాలు మిగిలిన రాష్ట్రాలతోపాటు కాశ్మీర్‌కు వర్తించడంవల్ల ఆ రాష్ట్ర ప్రజలలో కలిగే ఇబ్బందులు ఏమిటో కూడ మధ్యవర్తులు విశే్లషించలేదు. 1953 సంవత్సరానికి ముందు కాశ్మీర్‌కు ఉండిన ప్రతిపత్తిని పునరుద్ధరించడం సాధ్యంకాదని చెప్పిన మధ్యవర్తుల ‘నివేదిక’. మరోవైపు దీన్ని సాధ్యం చేయడానికి అవసరమైన ‘సమీక్ష’లను సిఫార్సుచేసింది! ‘సమీక్ష’ కోరుతున్న వారు బీభత్సకారులను సమర్ధిస్తున్న ‘హురియత్’ కాన్ఫరెన్స్ వంటి ముఠాలవారు! నిజానికి సమీక్ష మాత్రమే ఈ ముఠాల లక్ష్యంకాదు! మన దేశంనుండి జమ్మూకాశ్మీర్‌ను విడగొట్టడానికి జరుగుతున్న కుట్రకు ఈ ‘సమీక్ష’ దోహదపడగలదని మాత్రమే ఈ ముఠాలు భావిస్తున్నాయి! కాశ్మీర్ లోయలో పాకిస్తాన్ అనుకూల బీభత్స ముఠాలు సమాంతర పాలన నిర్వహిస్తున్నాయి. అందువల్ల ఈ ముఠాల మద్దతును కూడ కట్టుకొనడంవల్ల ఎన్నికలలో విజయం సాధించవచ్చునన్నది ‘రాజ్యాంగ నిబద్ధత’కల రాజకీయ పార్టీల ఆశ. ఫలితంగా ఈ ‘సమీక్ష’కు అనుగుణమైన అనేక కోరికలను ఈ పార్టీలు దశాబ్దులుగా వెళ్లబుచ్చుతున్నాయి.

మాజీ ముఖ్యమంత్రి ఫరూక్ అబ్దుల్లా ప్రస్తుత ముఖ్యమంత్రి ఉమర్ అబ్దుల్లాల నాయకత్వంలోని ‘నేషనల్ కాన్ఫరెన్స్’వారు జమ్మూకాశ్మీర్‌కు స్వతంత్ర ప్రతిపత్తి- అటానమీ- గురించి ప్రచారం చేస్తున్నారు. భారత రాజ్యాంగం 370వ అధికరణ కాశ్మీర్‌కు ప్రసాదించిన ‘ప్రత్యేక ప్రతిపత్తి’వల్ల, ఈ ‘ప్రత్యేక ప్రతిపత్తి’ - స్పెషల్ స్టాటస్-కి 1950వ దశకంలో ఆ అధికరణంలో లేని అర్ధాలు కల్పించడంవల్ల, ఇలా అర్ధాలు కల్పించిన వారిని నిలదీసిన వారు లేకపోవడంవల్ల 1953 వరకు కాశ్మీర్ ముఖ్యమంత్రిని ప్రధానమంత్రి అని పిలిచేవారు. అలాగే కాశ్మీర్‌కు ప్రత్యేక రాజ్యాంగం, ప్రత్యేక పతాకం ఏర్పడి ఉన్నాయి! ప్రముఖ జాతీయ సమైక్యతావాది, స్వాతంత్ర సమరయోధుడు ‘జనసంఘ్’ నాయకుడు డాక్టర్ శ్యామప్రసాద్ ముఖర్జీ చేసిన బలిదానం ఫలితంగా కాశ్మీర్ ‘ప్రధానమంత్రి’ పదవిని ‘ముఖ్యమంత్రి పదవి’గా మార్చడం అనివార్యం అయింది. ఒకే దేశంలో ‘ఇద్దర ప్రధానమంత్రులు’ ఉండడం 1953 సంవత్సరపు పూర్వస్థితి! తమ ‘స్వయం ప్రతిపత్తి’ ద్వారా 1953 నాటికి ముందున్న రాజ్యాంగ వైపరీత్యాన్ని మళ్లీ సృష్టించాలన్నది ‘నేషనల్ కాన్ఫరెన్స్’ వారి వ్యూహం. ఇందుకు అనుగుణంగా ఫరూక్ అబ్దుల్లా ప్రభుత్వం 1990 దశకంలోను, ఈ శతాబ్ది ఆరంభంలోను అనేకసార్లు తీర్మానంను ఆమోదించింది.

మరో మాజీ ముఖ్యమంత్రి ముఫ్తిమహమ్మద్ సరుూద్, ఆయన కుమార్తె మెహబూబాముఫ్తి నాయకత్వంలోని పీపుల్స్ డెమొక్రాటిక్ పార్టీవారు కోరుతున్న ‘స్వయంపాలన’- సెల్ఫ్‌రూల్-‘ప్రత్యేక ప్రతిపత్తి’కంటే మరింత ప్రమాదకరమైనది! ఈ ‘స్వయం పాలన’ ప్రతిపాదనను నిజానికి అప్పటి పాకిస్తాన్ నియంత పర్‌వేజ్ ముషారఫ్ 2005వ సంవత్సరంలో ప్రకటించాడు. దీన్ని ‘పిడిపి’వారు అందిపుచ్చుకున్నారు! భారత వ్యతిరేకతను పాకిస్తాన్ అనుకూలతను ప్రకటించినప్పుడు మాత్రమే లోయ ప్రాంతంలోని వోటర్లు తమ పార్టీని గెలిపిస్తారన్న ‘భ్రాంతి’ దీనికి కారణం. నిజానికి ‘లోయ’ ప్రాంతం ప్రజలలో అత్యధికులు దేశభక్తులు, బీభత్సకాండను వ్యతిరేకిస్తున్నారు. కానీ వేల సంఖ్యలోను బీభత్సకారులకు భయపడి మెజారిటీ ప్రజలు తమ భావాలను వ్యక్తంచేయడం లేదు. ‘భ్రాంతి’కి లోబడి ఉన్న ‘పిడిపి’ మాత్రం ‘హురియత్’ కాన్ఫరెన్స్‌కు చెందిన ముదురు ముఠా - హార్డ్ లైన్ ఫ్యాక్షన్- వారికి అనుకూలంగా ప్రవర్తిస్తోంది. ఈ హురియత్ ముదురు ముఠావారు జమ్మూకాశ్మీర్‌ను పాకిస్తాన్‌లో కలపాలని వాంఛిస్తున్నారు. భారత రాజ్యాంగం పట్ల విధేయతను ప్రకటించడం లేదు. ‘స్వయంపాలన’లో భాగంగా కాశ్మీర్‌కు కొత్త ద్రవ్య వినిమయ విధానం- మానిటరీ సిస్టమ్- కావాలట! భారతీయ కరెన్సీ స్థానంలో కాశ్మీరీ కరెన్సీ నోట్లను ప్రవేశపెట్టాలట!

ఇలా పిడిపి, నేషనల్ కాన్ఫరెన్స్ పోటాపోటీగా 1953 పూర్వస్థితిని పునరుద్ధరించాలని కోరుతున్నారు. 2010లో కేంద్ర ప్రభుత్వం మధ్యవర్తుల-ఇంటర్ లొక్యూటర్స్-ను నియమించడానికి నేపధ్యం ఇది. ‘అటానమీ’ కావాలని కోరుతూ జమ్మూకాశ్మీర్ శాసనసభ చేసిన తీర్మానాన్ని 2010 ఆగస్టులో పార్లమెంటు తిరస్కరించింది. ఆ తరువాత సెప్టెంబర్‌లో కేంద్రం కాశ్మీర్ ప్రశాంతికోసం అష్ట సూత్ర ప్రణాళికను ప్రకటించింది! ఈ ప్రణాళికలోని ఒక అంశం ‘మధ్యవర్తులు’ అన్నివర్గాల ప్రజలతోను చర్చలు జరపాలన్నది. పత్రికా రచయిత దిలీప్ పడ్‌గావ్‌కర్, కేంద్ర ప్రభుత్వపు సమాచారశాఖ కమిషనర్ ఎమ్.ఎమ్.అన్సారీ, ఓ స్వచ్చంద సంస్థకు చెందిన రాధాకుమార్ ఈ మధ్యవర్తులు! ఈ మధ్యవర్తులు ప్రధానంగా చర్చలు జరిపింది ‘అటానమీ’. ‘సెల్ఫ్‌రూల్’ వాదులలోను, ‘హురియత్’ వంటి విచ్ఛిన్న ముఠాలతోను మాత్రమే! పాకిస్తాన్ ఆక్రమిత కాశ్మీర్‌నుంచి, కాశ్మీర్ లోయనుంచి తరిమివేతకు సరైన దాదాల పది లక్షల మంది బాధితుల ప్రతినిధులను ఈ మధ్యవర్తులు పట్టించుకోలేదు!

దశాబ్దులపాటు వర్తింపచేయడం వల్ల మూడువందల డెబ్బయవ అధికరణం స్ఫూర్తి నీరుకారిపోయిందని మధ్యవర్తుల బృందం నిర్ణయించడం విస్మయకరమేకాదు, అర్థ రహితం కూడ! ‘‘అటానమీ’, ‘స్వయంపాలన’కోరుతున్న వారిని సంతుష్టీకరించడానికి వీలుగా మధ్యవర్తులు ఈ ‘సమీక్ష’ను సిఫార్సుచేశారు! కాశ్మీర్‌కు వర్తిస్తున్న కేంద్ర ప్రభుత్వపు చట్టాలను, రాజ్యాంగ నిబంధనలను ‘సమీక్ష’ చేయడమంటే కొన్నింటిని తొలగించ వస్తుందన్నది ధ్వని! సుప్రీంకోర్టు న్యాయాధికార పరిధిని, కంట్రోలర్ ఆడిటర్ జనరల్- సిఏజి-వారి ఆర్థిక అధికార పరిధిని తొలగించాలనడం, గవర్నర్‌ను నియమించే అధికారాన్ని రాష్టప్రతి పాలనను విధించే అధికారాన్ని కేంద్ర ప్రభుత్వానికి లేకుండా చేయడం వంటివి ‘స్వయంపాలన’ సమర్ధకులు, ‘స్వయంప్రతిపత్తి’ విధానకర్తలు కోరుతున్న కోర్కెలు! సమీక్షకోసం ఏర్పడే ‘రాజ్యాంగ సంఘం’వారు వీరితో జరిపే చర్చల సందర్భంగా ఈ విద్రోహవాంఛలు మళ్లీ విస్తృతంగా ప్రచారవౌతాయి.

కదిలెను 'కోదండపాణి'...

నాటక, కథ, నవలా రచయితగా ఐదు దశాబ్దాల అనుభవం ఆయన సొంతం. రంగస్థల నటుడిగా కూడా ఆయన కళాభిమానులకు సుపరిచితులే. ఆయనే నెమలికంటి తారక రామారావు. రామాయణ కావ్యంలో మనకు తెలియని కొత్త కోణాలను ఆవిష్కరిస్తూ ఆయన తాజాగా రచించిన 'కోదండపాణి' నాటకం ఇటీవల భాగ్యనగరిలో మూడు రోజుల ప్రదర్శనలు జరుపుకుంది. రామాయణం విశిష్టతను, ఆ మహాకావ్యంపై ఉన్న అపోహలు, అనుమానాలను నివృత్తి చేయడమే తమ నాటక ప్రధాన ఉద్దేశమంటున్న తారకరామారావుతో కాసేపు...

మాట పుట్టినపుడే రామాయణం పుట్టింది. వాల్మీకి నోట నుంచి రామాయణం వెలువడినపుడు బ్రహ్మాండమైన వెలుగు వ్యాపించినట్లు మహాకవి కాళిదాసు పేర్కొన్నాడు. రామాయణం ఒక పౌరాణిక గ్రంథం మాత్రమే కాదు. మనిషి ఎలా జీవించాలో నేర్పింది..మనిషికి ఉండాల్సిన సద్గుణాలకు శ్రీరాముడే ఆదర్శనీయుడు. ఆడిన మాట తప్పనివాడు, పితృ వాక్యపరిపాలకుడు, ఏకపత్నివ్రతుడు వంటి పరమోత్తమ గుణ సంపన్నుడైన శ్రీరాముడి ధర్మప్రవృత్తిని ఆధునిక సమాజానికి అర్థమయ్యే రీతిలో వివరించే ప్రయత్నం ఈ 'కోదండపాణి' నాటకంలో చేశాను.

మానవ విలువలు పతనావస్థకు దిగజారిన ఈ కాలంలో రామాయణ మహాకావ్యాన్ని నాటకంగా ప్రజలకు చేరువ చేయాలన్న ఆలోచనతో ఈ రచనకు పూనుకున్నాను. భ్రమర కీటక న్యాయం, మార్జాల కిశోర న్యాయం, మర్కట కిశోర న్యాయం వంటివి రామాయణ గా«థకు అన్వయించాను. తెలిసిన రామాయణ గా«థను, తెలియని ఎన్నో విషయాలను విశ్లేషిస్తూ ఈ నాటకం సాగుతుంది. రామాయణం గురించి చాలామందికి చాలా సందేహాలు ఉన్నాయి. వాలిని చెట్టు చాటు నుంచి దొంగచాటుగా రాముడు వధించడం సబబు కాదు కదా వంటి అనుమానాలు చాలామందిలో ఉన్నాయి.

ఇలాంటి సందేహాలను నివృత్తి చేయడంతోపాటు రామాయణంలోని రహస్యాల పరమార్థాన్ని కూడా ఈ నాటకం ద్వారా వివరించే ప్రయత్నం చేయాలన్నది నా ముఖ్య ఉద్దేశం. ఇందుకోసం ఇలపావులూరి పాండురంగారావు రచించిన 'రామాయణంలో స్త్రీ పాత్రలు', శ్రీపాద సుబ్రహ్మణ్య శాస్త్రి రచించిన వాల్మీకి రామాయణం, మొల్ల రామాయణం, డాక్టర్ గుండి వెంకటాచార్యులు రచించిన 'వాల్మీకి, రంగనాథ రామాయణాల తులనాత్మక పరిశీలన', విశ్వనాథ అచ్యుత దేవరాయలు రచించిన 'సీత' నవల తదితర అనేక పరిశోధనా గ్రంథాలను పరిశీలించి ఈ 'కోదండపాణి' నాటకాన్ని తయారుచేయడం జరిగింది.

రాముడు 'కోదండపాణే'
రామాయణంలో ధనుస్సుకు ఎంతో ప్రాధాన్యత ఉంది. ముఖ్యంగా మూడు ధనుస్సుల ప్రస్తావన రామాయణంలో వస్తుంది. సీతా కల్యాణంలో శ్రీరాముడు శివధనుస్సును విరిచి సీతను పరిణయమాడతాడు. పరశురాముడి దగ్గర ఉన్నది విష్ణుధనుస్సు. అది కూడా రాముడు సంధించాడు. అధర్వణ వేదంలోని మంత్రాలన్నీ కోదండంలో నిక్షిప్తమై ఉంటాయి. అందుకే కోదండం ధరించిన వాడు మహాబలవంతుడై ఉండాలి. సూర్యవంశంలో మొట్టమొదటిసారి కోదండం ధరించిన వాడు శ్రీరాముడు ఒక్కడే కాబట్టే కోదండపాణి అయ్యాడు. రాముడిని మనం ఎన్నిపేర్లతో పిలిచినా ఆయన అసలు పేరు మాత్రం కోదండపాణే.

పాయసం పంపకం
రామ లక్ష్మణ భరత శత్రుఘ్నుల జననానికి సంబంధించి కూడా ఆసక్తికర ఘట్టం ఉంది. దశరధుడు తనకు పుత్రకామేష్టి యాగం ద్వారా లభించిన దివ్యపాయసాన్ని తన ముగ్గురు భార్యలకు సమానంగా పంచడు. రాముడు పూర్ణాంశంలో సగం. అందుకే పెద్దభార్య కౌసల్యకు పాయసంలో సగం అందచేస్తాడు. మిగిలిన పాయసాన్ని మూడు భాగాలు చేసి అందులో రెండుభాగాలను సుమిత్రకు, ఒక భాగాన్ని కైకేయికి ఇస్తాడు. అందుకే సుమిత్రకు కవలలు-లక్ష్మణుడు, శత్రుఘ్నుడు జన్మిస్తారు. ఇందులో ఒకడు రాముడి వెంట, ఒకడు భరతుడి వెంట ఉంటారు.

నరుడు కాదు నారాయణుడు
సమస్త సంపదలను, సౌభాగ్యాన్ని లంకలో పొదుపుకున్న రావణుడు మర్కట బుద్ధి కలవాడు కావడంతో సర్వనాశనాన్ని కోరి తెచ్చుకున్నాడు. రాముడు మనకు ఆదర్శనీయుడు. మనం ఇలా ఉండకూడదు అని రావణుడిని చూసి నేర్చుకోవాలి. అయోధ్య నుంచి లంకకు వచ్చి తనపై యుద్ధానికి సిద్ధమైన రాముడి గొప్పతనాన్ని రావణుడు చివరిలో గ్రహిస్తాడు. వచ్చిన వాడు నరుడు కాదు నారాయణుడని తెలుసుకుని అతని చేతిలో తనకు మరణం తధ్యమని నిశ్చయించుకుంటాడు. తన భర్తను సంహరించడానికి వచ్చిన రాముడిని చూడాలనుకుంటుంది అతని భార్య మండోదరి. అలాగే యుద్ధానికి ముందు రోజు రాత్రి రాముడిని కలుసుకుంటుంది.

శని పాత్ర ప్రత్యేకత
అలాగే ఈ నాటకంలో మరో విశిష్టపాత్ర శనిదేవుడిది. అడవిలో వేటకు వెళ్లిన దశరథుడు సంధించిన శబ్దభేదికి మునికుమారుడు మరణించగా అతని తండ్రి నీకూ పుత్రశోకం లభిస్తుందని శాపం ఇవ్వడం కూడా శని ప్రభావం వల్లనే. వాల్మీకి- మానిషాద శ్లోక ఆవిర్భావం నుంచి ప్రారంభమయ్యే నాటకంలో దశావతారాల విశిష్టత, సీతారాములకల్యాణం, వనవాసంలో సీతారాముల జీవితం, వనవాసంలో తార రాముడికి శాపం ఇవ్వడం వంటివి కొత్త కోణంలో చూపాము. రావణబ్రహ్మ మందిరంలో శని పాత్రతో నాటకం ముగించడం కూడా ఓ కొత్త ప్రయోగం.

విస్తృత ప్రదర్శనలకు సన్నాహాలు
శ్రీకళానికేతన్, హైదరాబాద్ ఆధ్వర్యంలో డిఎస్ఎన్ మూర్తి దర్శకత్వం వహించిన 'కోదండపాణి' నాటకంలో మొత్తం 26 పాత్రలు ఉంటాయి. నాటకం నిడివి 2.30 గంటలు. 14 మంది సాంకేతిక నిపుణులు, ఓ డజను మంది నృత్య కళాకారులు పనిచేశారు. ఈ నాటక ప్రదర్శనకు కేంద్ర ప్రభుత్వ సాంస్కృతిక శాఖ ఆర్థిక సహాయంతో రాష్ట్ర రాజధానిలో మూడు రోజుల ప్రదర్శన ఇచ్చాము. భద్రాచలం దేవస్థానం, తిరుమల తిరుపతి దేవస్థానంతోపాటు, సౌత్ జోన్ కల్చరల్ సెంటర్(తంజావూరు), సౌత్ సెంట్రల్ కల్చరల్ జోన్(నాగపూర్)లను ఈ నాటక ప్రదర్శనకు సంబంధించి సంప్రదింపులు జరుపుతున్నాం.

ఢిల్లీకి చెందిన భారత రంగ మహోత్సవ్ (నేషనల్ స్కూల్ ఆఫ్ డ్రామా) వారు ప్రతి ఏటా జనవరిలో 14 రోజుల పాటు నిర్వహించే జాతీయ నాటక మహోత్సవాల కోసం సంప్రదింపులు జరుగుతున్నాయి. మన రాష్ట్ర సాంస్కృతిక శాఖ, సాంస్కృతిక మండలి కూడా ప్రోత్సాహం అందిస్తే రాష్ట్రవ్యాప్తంగా 'కోదండపాణి' నాటక ప్రదర్శనలు ఇవ్వడానికి మేము సిద్ధం. 040-23833878 ఫోన్ నెంబర్‌లో నన్ను సంప్రదించి కళాభిమానులు తమ సూచనలు, ప్రోత్సాహం అందచేయవచ్చు.

తెలిసిన రామాయణ గాథను, తెలియని ఎన్నో విషయాలను విశ్లేషిస్తూ ఈ నాటకం సాగుతుంది. రామాయణం గురించి చాలామందికి చాలా సందేహాలు ఉన్నాయి. వాలిని చెట్టు చాటు నుంచి దొంగచాటుగా రాముడు వధించడం సబబు కాదు కదా వంటి అనుమానాలు చాలామందిలో ఉన్నాయి.ఇలాంటి సందేహాలను నివృత్తి చేయడంతోపాటు రామాయణంలోని రహస్యాల పరమార్థాన్ని కూడా ఈ నాటకం ద్వారా వివరించే ప్రయత్నం చేయాలన్నది నా ముఖ్య ఉద్దేశం.

ఆది హిందువులను అంతంచేయడానికే డానికే బీఫ్ ఫెస్టివల్

నాగరికత నేర్చిన మానవుడు సహజంగా తన శరీర నిర్మాణానికి అనువుగా ఉన్న శాఖాహారాన్ని భుజిస్తూ ఆరోగ్యాన్ని కాపాడుకొంటూ వస్తున్నాడు ,,ప్రపంచమంతా శాఖాహారం తీసుకొనే జాతుల ను నాగరికంగా అభివ్రుద్ది చెందినట్లుగా అనేక మానవ పరిశోధనల ద్వారా స్పష్టం చేస్తున్నా నాగరికం గా అభివ్రుద్ది చెంది  విజ్ఞానవంతుల ను అందించాల్సిన విశ్వవిద్యాలయాల్లో బీఫ్ ఫెస్టివల్లు జరగడానికి ప్రయత్నం చేయడం అనాగరికత నే అవుతుంది.
బీఫ్ తినడం వల్ల వచ్చే నష్టాల ను గమనిస్తే ఐలయ్య బౄందం ఆది హిందువుల ను సంపూర్తి గా నిర్ములించి కేవలం అగ్ర కులాల వారినే బతికించేవిధం గా కుట్ర లు పన్నినట్లు తెలుస్తోంది.

బీఫ్ లో ప్రమాదకరమైన సుక్ష్మ క్రిములు ఉంటాయి,ఇ కోలి అనే ప్రమాదకరమైన బాక్టీరియా అలా గే స్తఫిలోకాస్ అరెఇస్ అనే ప్రమాదకర బాక్టీరియా ,సాల్మొనెల్లా అనే మరో రోగాకారక సుక్ష్మ క్రిములు ఉంటాయని పరీక్షా ల ద్వారా తేలింది .

• బీఫ్ లొ డయాక్సిన్ అనే ప్రమాదకరమైన రోగ కారక పదర్థం స్థాయి మాములు పదార్థాలకంటె ముదూ వందల రెట్లు ఉంటుంది .డయాక్సిన్ వాళ్ళ కాన్సర్ ,ఎందోమేత్ర్యోసిస్ ,మానసిక సమస్య లు ,ప్రుత్యుఆక త్పత్తి వ్యవస్థ పాడవడం ,నిస్సత్తువ,అలాగే రోగ నిరోధక వ్యవస్థ క్షీణత లాంటి ప్రమాదాలు ,అసాధారణ రక్త ,నరాల జబ్బులు బీఫ్ తినడం వాళ్ళ సంభవిస్తాయని పరిశిలన లో అమెరికా లో ఆరోగ్య సంస్థ లు ప్రచురించిన పాత్రా ల ద్వారా తెలుస్తోంది
• బీఫ్ ను ఉత్పత్తి చేయాలంటే చెట్ల వాడకం పెరిగి అడవులు అంతరీంచే ప్రమాదం ఉంది
• బీఫ్ ను ఎక్కువగా తినడం వల్ల ప్రక్రుతి సమతౌల్యం దెబ్బతినే ప్రమాదం ఉంది
• బీఫ్ తినడం వల్ల ఈ కోలి అనే వైరస్ విజ్రుంభించి ప్రజల ను మట్టు బెడుతుందని కనుక్కొన్నారు
• బీఫ్ ను జీర్ణం చేసుకోవడం మానవ జీర్ణ వ్యవస్థ కు కష్ట మైన విషయం గా పరిశోధ కు లు కనుకొన్నారు ముఖ్యంగా ఉడికించిన బీఫ్ ను తింటే జీర్ణ వ్యవస్థ పైన  శ్రమ  ను కలిగించిన వారవుతారు.
• బీఫ్ తినడం వల్ల, మానవ శరీరం లో అందుబాటు లో ఉన్న ఎంజైముల ను తక్కువ వయసులో వాడేయాల్సి వస్తుంది ,కొత్త ఎంజైముల ను శరీరం లో సృష్టించడానికి సమయం పడుతుంది కనుక సరిర సమతౌల్యం దెబ్బతింటుంది
• బీఫ్ వల్ల శరీరం లో అనుసంధాన వ్యవస్థ క్షిణ దశ కి చేరుతుంది ,బీఫ్ తినే వారి కి వొళ్ళు నొప్పు లు ఎక్కువయ్యి సామర్థ్యం తగ్గి పోతుంది
• శరీరం లో ని మినరల్స్ కుడా బీఫ్ వాడకం తో తగ్గిపోయే ప్రమాదం ఉంది
• మరణ హార్మోన్లు బీఫ్ లో మిగితా మాంసా లకంటే ఎక్కువగా ఉండడం వల్ల తిన్న వాళ్ళు మత్తు లో స్పృహ కోల్పోయే ప్రమాదా లు ఉంటాయి
• మాడ్ కౌ అనే వ్యాధి తో వేల మంది చనిపోయిన సంఘటన ,రోజు బీఫ్ తినడతో చిన్న వయసులో నే చనిపోతున్న లక్ష లాది మరణా ల గురించి ప్రాచ్యాత్య దేశాల్లో జరుగుతున్న చర్చ లన్ని బీఫ్ తినడం తో ,ఆ తిన్న వారితో పాటు వారి కి పుట్టే వారికి కలిగే ప్రమాద కర ఆరోగ్య లోపాలు కొన్ని జాతు ల నే అమ్తరింప చేస్తాయని స్పష్టం చేస్తున్నాయి

అనేక రకాలుగా ఆరోగ్యం నాశనం చేసే బీఫ్ ఫెస్టివల్ ను విశ్వవిద్యాలం లో జరుపడం మంచిది కాదు, కులం పేరుతో వేరు చేసి చంపవద్దని  చెప్పాలి ...
క్రిశ్టియన్లు భారత దేశం లో మతమార్పిడి చేయడానికి మేము  హిందు వులమనే స్పృహ ,ఆధ్యాత్మిక ఆలోచన ల తో ఉన్న ఉన్నతమైన సాహిత్యం అద్దంకి గా తోచింది అందుకే సమాజం లో ఉన్న విస్మృతి, విజాతియుల దాడి వల్ల కొన్ని కులా లు హిందు ఆధ్యాత్మిక చింతన కు సాహిత్యాని దూరం గా, భక్తీ మార్గం లో నే, దైవ ప్రార్థ న చేసుకొనే వారిని  సులభం గా మతమార్పిడి చేయవచ్చొని గ్రహించిన మిషనరీ లు దెస వ్యాప్తం గా ఒకే కులం వారు ఉపనిషి త్తు ల కు,వేదాల కు  దూరం గా లేరని, ప్రాంతీయం గా వివిధ కులాలు వారి వారి భావన దృష్ట్యా ,విడి విడి గా చేస్తున్న సాధన తో, ఈ కులా ల వారిని మతం మార్పించడానికి,దెస వ్యాప్తం గా వీరిని కలపి ఒకే సారి మతం మార్పిమ్చావచ్చని అంబేద్కర్ ద్వారా ప్రయత్నా లు చేసారు ..,అంబేద్కర్ క్రైస్తవ కుట్ర ల ను తెలివిగా అర్థం చేసుకొని , బౌద్ద మతం లో కి మారడం తో, ఖంగు తిన్న క్రిష్టియన్ మిషనరీ లు ,దేశవ్యాప్తం గా ఈ కులా ల ను గుర్తింపు గా ఒక పేరు ఉండాలని తద్వారా ఈ కులా ల కు మొదట తాము హిందువు లము అనే స్పృహ నుంచి దూరం చేసి హిందుత్వం ,ఆర్యులు,వైదిక మతం అనే అయోమయపు వాదన లను జత చేసి ఈ కులా లను తమ అసలైన అస్మిత ను గుర్తించకుండా ఒక రకమైన  ద్వేష భావాన్ని పెంచి, తమిళనాడు లో కొన్ని కులాలను క్రైస్తవం లో కి విజయవంతం గా మార్చగలిగారు .
తమిళ నాడు లో జరిగిన ప్రయోగాన్ని దేశవ్యాప్తం గా అమలు చేసే క్రమం లో ఈ కులా ల గుర్తింపు కు  గాంధి వాడి న హరిజన శబ్దం మతం మారినా తాము ఎస్ సి, ఎస్ టి ల మని వాదించెందు కు  అడ్డం గా ఉందా ని "దళిత" అనే పదాన్ని విస్తృతం గా వాడుక లో కి తీసుకువచ్చి మొదట దేశవ్యాప్తం గా ఉన్న ఈ కులాలందరి ని ఐక్యం  చేసి తాము వేరు హిందువు లు వేరు, తమకు ఈ దేశం లో తర తారా లుగా వస్తున్నా వారసత్వానికి సంభంధం లేదనే ఆలోచన ను పెంచి పెద్ద చేసి కొన్ని కులా ల ను దేశవ్యాప్తం గా తమ మత మార్పిడి అనే వల లో సులభం గా చిక్కే లా నిశ్శబ్దం గా తర తారా లుగా ప్రవహిస్తున్న ప్రవాహం లో దళితు లు వేరు హిందువు లు వేరు అనే ఆలోచన ను అబద్దాన్ని అమాయక విశ్వవిద్యాలయ యువకుల మెదళ్ళలో నింపే ప్రయత్నా లు గత యాభై ఏళ్ళు గా కొనసాగుతున్నాయి.
దళిత అనే పేరుతొ వేరు చేసినా కోర్టు లు ప్రజ లు ఇంకా దళితు లు హిందు వు లే అనే ఆలోచనతో నే ఉండడం తో ,యునివార్సి టి ల లో ఉన్న క్రైస్తవ మిషనరీ తోత్తులైన ఐలయ్య లాంటి ఆమాయక ఆచార్యుల ను వాడుకొంటూ మొదలెట్టిన ప్రయత్నమే బీఫ్ ఫెస్టివల్ .ఆహారం తినే స్వేచ్చ ను చెప్పడానికి ఈ ఫెస్టివల్ అని ప్రకటిస్తున్న ఈ ఆచార్యులు పోర్క్ (పంది మాసం ) ఫెస్టివల్ ను ఎందుకు చేయటం లేదో హిందు వు లు గమనిస్తున్నారు .
పాపం మిషనరీ ల కలలు, కుట్ర లు ,ఇక్కడ అందరి లో దేవుడున్నాడు ,అందరు సమానం అనే నిత్య సత్యాలు ఇక్కడ కళ్ళ ముందర కనపడుతుంటే ఎన్నిరోజులు దళితుల మనే గంట లు కట్టి మోసం చేయగలరో చూడాలి,దళిత అనే పదాన్ని వాడుక లో నించి తొలగించి క్రమంగా ఆది హిందువులుగా ఈ కులా లను వ్యవహరించడం మొదలెట్టాలి